مساج الزيت لحرق الدهون.. والكربوناتو لتشقق القدمين

أهلا بكل بنات "قمر 14" في حلقة جديدة من حلقات "جمالك من الطبيعة مع رانيا"..

أيام قليلة ونستقبل عيد الأضحى أعاده الله علينا وعليكم بكل خير..

وعلشان الأفراح والمناسبات بتكتر في العيد.. النهارده هاقدم نصايح لكل بنت لسه متجوزة جديد؛ إزاي تهتم ببشرتها، وإيه الحاجات المهمة اللي لازم تعملها كل يوم في بيتها..

وهنعرف إزاي ممكن بالزيوت الطبيعية نعمل مساج للجسم؛ علشان نخسس المناطق اللي بتتركز فيها الدهون..

كمان هنعمل ماسك لتشققات القدمين وبلسم لترطيب الشفايف، تابعونا....

مساج الزيوت لحرق الدهون
هنتكلّم دلوقتي عن مجموعة من الزيوت الحارقة للدهون؛ ودي ممكن نعمل بها مساج علشان نسيّح بها الدهون اللي في الجسم.

فيه 5 أنواع من الزيوت دي؛ وهي: زيت الزنجبيل، وزيت القرفة، وزيت القرنفل، وزيت البردقوش، وزيت شجر الشاي الأخضر، الزيوت دي هتساعد كل بنت أو سيدة عايزة تخس أو محتاجة تنزل دهون من بعض المناطق؛ زي البطن أو الأجناب أو الأرداف.

خليط الزيوت الحارقة للدهون
المقادير:

الطريقة:
- هنخلط الزيوت دي مع بعضها، وطبعا ممكن نزوّد الكمية شوية بس تكون بمقادير متساوية حسب الحاجة.

- هناخد شاور، وبعدين نحط من خليط الزيوت دي على المناطق اللي عايزين نخسسها ويكون الجسم لسه عليه ميه، ونعمل به مساج للمناطق دي في اتجاه عكس عقارب الساعة لمدة من 5 : 10 دقائق، وبعدين نلبس هدومنا.

- يفضّل إننا ندهن الزيوت دي قبل النوم على طول، وممكن ندهنها مرتين في اليوم، بس أهم حاجة إننا ما نتعرّضش بها للضوء أو الحرارة، وطبعا ما ننزلش في الشمس.  

- هنعمل الزيوت دي يوميا ولمدة شهر على الأقل، وإن شاء الله هنلاقي نتيجة هايلة جدا.

- وبالنسبة للناس اللي بتمارس الرياضة علشان تحافظ على رشاقتها، ممكن يستخدموا الزيوت دي ويدهنوها على الجسم، وبعدين يمارسوا التمارين الرياضية، ويسيبوا الزيوت على أجسامهم لمدة ساعتين على الأكثر، وبعدين ياخدوا شاور.

الروتين اليومي لكل عروسة بعد الزواج
- أول حاجة تعمليها الصبح هي إنك تاخدي شاور، وتلبسي حاجات مناسبة لفترة الصبح (زي: بنطلون وبادي) تكون خفيفة للبيت، وفي نفس الوقت لو حد زارك فجأة تكوني لابسة ملابس شكلها معقول إلى حد ما، كمان بيكون فيه فساتين وبيجامات من موديلات وخامات خفيفة تقدري تلبسيها وإنتِ في المطبخ؛ علشان يكون شكلك لطيف يعني مش لازم علشان واقفة في المطبخ تلبسي ملابس مش حلوة أو يكون شكلك مش مظبوط.  

- بعد كده تاخدي وجبة الفطار، بس أهم حاجة هي إنك تشربي كوب ميه، وبعدين كوب عصير، وبعدين افطري على وجبة صحية ومتكاملة.

- بعد ما تخلصي الفطار هتبدئي تنظّمي يومك زي ما تحبي، بس أهم حاجة لازم تبدئي بها هي ترتيب غرفة النوم، ودي لازم تلمعيها يوميا وتغيّري ملاية السرير وتفرشي واحدة جديدة، وممكن بعد ما تفرشيها إنك ترشّي عليها عطر خفيف.

- هيبقى لطيف جدا إنك بعد ما تخلّصي ترتيب الغرفة، تحضّري الملابس اللي زوجك هيستعملها بعد ما يرجع من الشغل؛ وده علشان لو انشغلتي في أي حاجة تانية تكوني حضّرتيها بالفعل.

- بعد كده ابدئي حضّري الأكل، وفي الوقت ده حاولي ترتّبي المطبخ وإنت واقفة فيه؛ بحيث لما تنتهي من تحضير الأكل مايكونش عليكِ أي أعباء تانية، وممكن في الوقت ده ترتّبي وتلمّعي البيت؛ لأن مهم جدا إن يكون بيتك على طول نظيف ومترتب.

مش بالضرورة إنك تكنسي أو تمسحي البيت يوميا، ولكن على الأقل لازم ترتبيه وتلمعيه، وبالذات حجرة المعيشة تكون مترتبة كويس أوي.

- بعد ما تخلصي كل الخطوات دي، وقبل ميعاد وصول زوجك هتاخدي شاور تاني وتلبسي ملابس تكون مناسبة لفترة بعد الظهر؛ سواء بنطلون أو فستان سواريه بسيط.

- بعد وصول زوجك حضّري السفرة بشكل شيك ورومانسي؛ يعني حاولي تدخّلي فيه ورود أو شمع.

- قبل النوم هناخد شاور مرة تالتة، وبعدين تدهني جسمك بالمرطبات والكريمات المناسبة لكِ، واللي لازم تكون ريحتها حلوة طبعا، وبعدين تلبسي ملابس مناسبة لفترة بالليل.

إزاي ترتبي فوط الحمام؟!
فيه طرق كتير ممن تطّبقي بها فوط الحمام علشان ترصّيها في الدولاب بشكل شيك، وطبعا دي بتختلف حسب المساحة اللي هنرص فيها الفوط، ودي طريقة سهلة وعملية جدا؛ كل اللي عليكِ إنك تطبّقي الفوطة لنصفين بالطول، وبعدين تطبّقيها مرة كمان بالعرض، وبعدين تبرميها علشان تعمل شكل أسطواني، وترصّيها في الدولاب بشكل هرمي أو جانب بعض حسب المساحة اللي عندك.

الطريقة دي بتساعد إننا نرص كمية كبيرة من الفوط حتى لو المساحة صغيرة، وكمان بتخلي كل فوطة ظاهرة بشكل منفصل وتقدري تسحبيها بسهولة من غير ما باقي الفوط تتلغبط.

وصفة سحرية لتشققات القدمين
المقادير:

الطريقة:
- دوّبي كربونات الصوديوم  في الميه، ويفضّل تكون ميه فاترة، بعد كده حطّي فيها رجلك لمدة نصف ساعة، وبعدين اشطفيها بميه عادية جدا.

- بعدين حطّي نشا في علبة بودرة، ورشّي منها على رجلك وسيبيها لحد ما النشا تنشف تماما، وبعد كده انقعي شراب خفيف في خل تفاح أو خل عادي والبسيه، وبعدين البسي كيس بلاستيك وفوقه البسي شراب تقيل، والطريقة دي هتعمليها بالليل قبل ما تنامي، والصبح اغسلي رجلك بالميه العادية،  وممكن تدعكيها بليفة خشنة أو حجر.

مع المواظبة على الوصفة دي مرة واحدة أسبوعيا، هتلاقي نتيجة هايلة وَقَدَم نظيفة ونضرة وناعمة وكمان لونها فاتح، وكمان التشققات هتتعالج بنسبة كبيرة جدا.

العسل لشفايف نضرة
الشفايف الصحية بتكون لونها بمبي، ويكون الجلد مشدود ومافيش عليها أي تشققات أو قشور، وفيه طريقة سهلة أوي ممكن نعملها يوميا علشان نحافظ على نضارة شفايفنا؛ هي إننا ندهنها بالعسل لمدة نصف ساعة، وبعدين نشطفها ونحط عليها زبدة كاكاو عادية، ومع الاستمرار في الطريقة دي هتبقى شفايفنا دايما ناعمة ونضرة، وده بلسم ممكن نعمله لشفايفنا بشكل يومي.
 
بلسم لترطيب الشفايف
المقادير:

الطريقة:
هنخلط المكوّنات كلها، ونحطها على نار هادية لحد ما الشمع يسيح، ويُفضّل إننا مانسيبوش لحد ما يسخن، وبعدين نصب الخليط في برطمان زجاج ونغطّيه ونحتفظ به في التلاجة، أو ممكن نخلّيه بره التلاجة ومع جو الشتاء هيتجمد.

هنحط من البلسم ده على شفايفنا يوميا قبل النوم، هتلاقوا نتيجة هايلة وشفايف ناعمة.

خلصت حلقتنا النهارده..
استنونا في العيد وحلقة خاصة مميزة جدا..
وكل عام وأنتم بخير..
سلام،،،

كنتى قلتى العدد اللى فات عن كريم الخيار للبشرة الجافة والعاديه طب مفيش كريم لترطيب البشرة الدهنية فى الشتاء لما تنشف وتقشف كدة؟؟؟ شكرا يا رانيا :)

===============

رد بص وطل :

صديقتى إنتى ممكن تستخدمى كريم نيفيا سوفت .

عندي استفسار شعري حواجبي خفيف أوي جربت معاه الخروع مش نافع خالص.

==================

رد بص وطل :

صديقتى إنتى ممكن تدهنى حواجبك كل يوم بزيت خروع أو زيت زيتون.

إزيك يارانيا كل سنة وانتي طيبه اللانولين ده زيت ولا إيه انا لاقيت عند رجب زيت بس وللشعر وانا سمعت عن حاجه اسمها زبد البحر ايه رايك فيها؟

======================

رد بص وطل :

صديقتى اللانولين هتلاقيه عند العطار بس مش بيكون زيت وتابعينا هتلاقى كل اللى إنتى عايزاة .

شكرا يارانيا على معلوماتك الجميله...أنا كنت عايزة العدد اللى فيه طريقه ماسك بذر القطون للهالات السوداء وكنت عايزة عدد يكون فيه طريقه عمل صابونه طبيعيه لتفتيح بشرة الوش .. شكرا ليكى.

====================

رد بص وطل :

صديقتى إنتى العدد ده هتلاقى فيه طريقه ماسك بذر القطون http://www.boswtol.com/health-and-beauty/beauty-and-styling/11/june/13/3... وتابعينا وهتلاقى اللى إنتى عايزاة قريباً .

لو سمحتى يارانيا فى ماسك الجلسرين والليمون للايد انتى قولتى ايه اللى بيكون اكتر من التانى بشويه؟

====================

رد بص وطل :

صديقتى إنتى بتزودى كميه الليمون فى ماسك الليمون والجلسرين .

الحلقه دي حلوة اوي ياروني وكل سنه وإنتي طيبه أنا خطوبتي فى شهر يناير الجاي ان شاء الله ولسه محتارة فى لون الفستان وأنا بشرتي بيضه ياترى ايه الالوان اللي تبقى حلوة عليه ياريت تقولي لي اختار إزاي الفستان ضروري وشكرا ياقمر بنحبك .

===================

رد بص وطل :

صديقتى ألف مبروك مقدماً والألوان دى هتكون مناسبه معاكى(الموف، الأخضر، الأزرق، النبيتى )

انا لما بعمل وصفة الزبادى وحبه البركه بحط 3 ملاعق زبادى كبار مش متوسطين ومعلقه كبيرة زيت حبه البركة ومعلقة كبيره زيت زيتون وباخد معلقه شبه متوسطه مطحون حبه البركة لان بتضايق لما بتمسك فى الشعر فهل كدة صح ولا اعمل زيك بالظبط مع العلم ان شعرى مش قصير؟

=================

رد بص وطل :

صديقتى مافيش مشكله ممكن تعملى الماسك بالطريقه دى مافيش مشكلة .

السلام عليكم.. رانيا ينفع استخدم كريم ضد الشمس كمرطب اساسي فكل الاوقات والا وقت بس الصبح؟ ده عشان أحافظ على نتيجه خلطات التفتيح .. وعندك اي فكره عن المرة بيقولو ان لو ذوبناها في ماء واستخدمناها كغسول للمنطقه الحساسه بيقضي عالبكتيريا صح الكلام ده؟

==================

رد بص وطل :

صديقتى الصن بلوك بتستخدميه الصبح قبل ماتتعرضى للشمس الصبح أما بالنسبه لترطيب فى كريمات تانيه ممكن تستخدميها، وبالنسبه لمناطق الحساسة من الأفضل إنك تستشيرى دكتور وممكن تستخدمى غسول طبى .

هاي ازيك يارانيا انا عندي هالات سودا فاعمل ايه علشان تمشي

===================

رد بص وطل :

صديقتى أفضل حل للهالات السودة ماسك بذر القطون وشرائح الخيار .

رانيا لو سمحتى لما باجى أعمل حمام زيت لشعرى بلبس بونيه بلاستيك وساعات بحط عليه فوطه سخنه على شعرى وانا لابسه البونيه وسعات سشوار ومرات بزهق وبكتفى بالبونيه واربط راسى بطرحه وخلاص عاوزة اعرف ايه الصح ولازم فوطه سخنه ولا مش لازم؟ كمان لما اجى احط حمام الزيت على شعرى المفروض احط زيت كتير ولا على اد شعرى وخلاص؟

==================

رد بص وطل :

صديقتى مافيش مشكلة سواء بتستخدمى فوطة سخنه أو بتسيبى الزيت على شعرك كده أهم حاجه إنك تسيبى الزيت لمدة 3 ساعات .

هاى رانيا كل سنه وانتى طيبه كنت حابه اسالك أنا عملت حمام الزيت الثلاثى بس بقيت احس ان شعرى لسه بيقع وخصوصا وأنا بغسله بيقع بطوله وشعرى جاف جدا رغم انى بعمل برده ماسك المايونيز فاأعمل ايه عشان شعرى يطرى الحاجه التانيه استخدمت القرفة والسبرتو لتطويل الشعر بس حرقت جامد فى الفروة ومكنتش مستحمله المدة بتاعته فده عادى ولا انا فروتى تعبانه الحاجه الثالثه ممكن أعمل ماسك الزبادى وحبه البركه واستبدل الزيوت بزيت السمسم وجوز الهند ولا مش هينفع بصراحه يارانيا أنا تعبت من شعرى جبت بديل الزيت بانتين شعرى بيشربه ومش بلاقيه اصلا ممكن تقولي لى على روتين لشعرى الجاف والمقصف والمجعد واللى بيقع والهايش.

=====================

رد بص وطل :

صديقتى حمام الزيت الثلاثى لازم تستمرى عليه 3 شهور عشان تبدئى تحسى بالنتيجه وبالنسبه لجفاف الشعر ممكن تعملى حمام زيت جوز الهند أو السمسم وكمان ممكن تستخدمى بلسم بعد الشامبو، وبالنسبه لسبرتو إنتى لازم تستخدمى بنفس الكميه اللى قولناها، وبالنسبه لماسك الزبادى وحبه البركة من الأفضل إنك إستخدميه كده والعدد ده هتلاقى فيه ماسكات لعلاج تقصيف الشعر وتنعيم الشعر http://www.boswtol.com/health-and-beauty/beauty-and-styling/11/july/26/3...

ازيك يارانيا كل سنه وانتي طيبه

1-ممكن لو سمحتي تقولي لي وصفه جوز الهند والحلبه للشعر انا مش لاقيه العدد بتاعها

2- ممكن تقولي لي وصفه كويسه لتطويل الشعر وتكون بتجيب نتيجه كويسه

3-ممكن سؤال اخير هي وصفه الزيت لحرق الدهون دي ممكن استخدمها علي الرجل المنطقه اللي فوق الركب ممكن تخسس المنطقه دي

4-حضرتك كنت شرحتي الروتين اليومي للعروسه بعد الجواز ممكن تقوليلنا للبنات اللي هتتجوز قريب تهتم بنفسها ازاي وايه اهم حاجه تركز عليها

اسفه اني طولت وشكرا ليكي جد

====================

رد بص وطل :

صديقتى العدد ده هتلاقى فيه ماسك جوز الهند والحلبه http://www.boswtol.com/health-and-beauty/beauty-and-styling/11/july/26/3... أما بالنسبه لتطويل الشعر ممكن تععملى حمام زيت القرفه وهتلاقيه فى العدد ده http://www.boswtol.com/health-and-beauty/beauty-and-styling/11/january/1... وبالنسبه لروتين قبل الجواز أنا عاملت ماسكات كتير وتابعينا هتلاقى كل اللى إنتى عايزاة .

بالنسبه للبلسم اللى بيتعمل نحط كوبايه ميه كبيرة اللى هى بتبقى طويله ولا كوبايه ميه صغيرة بتاعه العصير العاديه؟ وكمان وانا بعمل وصفه الزبادى باخدو معايا وانا بستحمى صح ولا غلط كده يعنى بعد ما بغسل شعرى مرتين بحطه على شعرى على طول صح ولا انشف شعرى الاول ولا ايه ؟

====================

رد بص وطل :

صديقتى إنتى بتحطى ميه فى كوبايه زى اللى إستخدمناها فى الحلقه، وبالنسبه لماسك الزبادى أو أى ماسك لشعرك لازم تغسلى شعرك قبلها ومافيش مشكله إنك تحطى الماسك على شعرك وهو مبلول .

بجد الف الف شكر على النصايح الهايله دى وبجد جربت وصفات كتير ونجحت معايا جدا .........بس ليا سؤال انا جايبه غسول جونسون للوجه وبستعمله مرتين فى اليوم وبيقشر حول انفى بعدها ..هل استخدمه تانى ولا لأ ؟؟مع العلم بشرتى مختلطه ولكى جزيل الشكر

===================

رد بص وطل :

صديقتى من الأفضل إنك تستخدمى غسول مناسب مع البشرة المختلطة وكمان ممكن ترطبى المناطق الجافه فى بشرتك .

انا عاملت البلسم بنفس الخطوات بالظبط بس طلع خفيف مش smooth زى ماانتى عملتيه يارانيا وكمان طلع فيه حتت بلسم متجمدة شوية فهل كدة استخدمه ولا يبقى مضر وازاى اعمله صح علشان مقعش ف الاخطاء دى تانى؟

===================

رد بص وطل :

صديقتى إنتى ممكن تستخدميه مافيش مشكله، بس إنتى بعد كده لما تعمليه إتأكدى إنك عملاة صح .

ماشاء عليكى يارونى هايلة كالعادة وكل عام وانتى بخير أنا بشرتى دهنيه واوقات بيبقى فيها حبوب بعمل وصفة عايزة اعرف رأيك فيها... بنقع لبان مر فى مياة وماء ورد وبمسح وشى بيها بقطنه قبل ما أنام الوصفة دى حلوة ولا إيه؟

======================

رد بص وطل :

صديقتى إنتى لازم تستخدمى صابونه مناسبه مع نوع بشرتك وممكن تستخدمى صابونه لمبادا، وميه الورد كويسه وممكن تستخدميها وممكن تستخدمى الماسكات المناسبه للبشرة الدهنيه .

رانيا انتي كل خلطاتك فادتني جدا.. بس في منطقة عندي مش عايزة تفتح ابداً هي البطن ومنطقة الارداف اسمر عن باقي جسمي بدرجتين مع اني بستحمى مرتين فاليوم واستخدمت الليمون والجلسرين لمده شهر ومستمرة عليه لحد دلوقتي و فتح جسمي كله إلا المكانين دول مش عارفه ليه ايه الحل؟

====================

رد بص وطل :

صديقتى ممكن السمار اللى عندك يكون جامد شويه ومحتاج وقت وإستمرى على الماسكات الطبيعيه فترة عشان تحسى بالنتيجه وممكن كمان تعملى سنفرة الملح والليمون .

رانيا حبيبتي شكرا لانك بتساعدي البنات وبتردي علينا كل يوم مع ان هالشغله متعبه كثير رورو عاوزة مساعدتك أنا الحمد لله شعري مش هايش بس فيه تعرجات أو كسرات او تموجات انا عاوزة شعر حرير سايح من غير تموجات مفيش خلطه بتشيل التموجات ؟؟ بلييز رانيا ساعديني .

====================

رد بص وطل :

صديقتى أهلاً بيكى بصى التموجات اللى فى الشعر دى بتكون طبيعه شعرك وإنتى ممكن تستخدمى حمام زيت جوز الهند أو السمسم .

بجد حلقه جميله اوى وقبل اى حاجه كل سنه وإنتى طيبه وبألف خير بس كان ليه سؤال أنا تحت ابطى سمرة جدا ممكن اعملها إيه وشكرا اوى ليكى .

======================

رد بص وطل :

صديقتى إستخدمى الليفه العاديه مرتين فى اليوم والليفه المغربى مرتين فى الأسبوع وكمان ممكن تستخدمى الليمون والجلسرين وخلى بالك إن مزيل العرق ماينفعش تسبيه على جسمك أكتر من 24 ساعة وكمان لازم تستخدمى أنواع كويسه ومضونه .

هااي رينو حبيبتي بس كنت عاوزة اسأل هو الرز وحبة البركة بتنشف البشرة؟

واعمل لها ايه لاني بحس إنه بينشف وشي اعمل اييه غير زيت اللوز لاني جربته ياريت تساعديني ..

======================

رد بص وطل :

صديقتى إنتى ممكن بعد ماتستخدمى ماسك الأرز وحبة البركه تدهنى وشك بزيت اللوز الحلو وكريم مرطب .

لو سمحتى يارنيا عايزة اعرف هل زيت الحلبه مفيدة لتكبير الصدر وعايزة وصفى سريعة للمشكلة دى؟؟

====================

رد بص وطل :

صديقتى أنا مش بفضل إستخدام زيوت للمنطقه وغير كده الزيوت مش بيكون ليها تأثير زى مانتى فاكرة على المنطقه دى.

السلام عليكم ازيك يارنيا كل سنه وانتى طيبة أنا بشرتى دهنيه وفى الايام دى بقى فيها جفاف ممكن استعمل زيت اللوز الحلو دهان قبل النوم مع لوسيون البرتقال والليمون؟؟ وحمام البخار انا بخلى المياه تغلى على النار واحط وجهى عليها كل يوم ؟؟وقبل مادهن زيت اللوز اعمل حمام بخار؟؟؟

================

رد بص وطل :

صديقتى ممكن تعملى البخار قبل ماتستخدمى أى ماسك وزيت اللوز كويس وممكن تدهنى وشك بيه كل يوم .

السلام عليكم لو سمحتي يارانيا هو ينفع في فرحي او خطوبتي معملش الطرحه سبانيش عشان مش بحبها ؟؟ يعني ممكن اعملها تبقي عاديه بس بأي طريقه جديده مبتكرة وياريت تعمليلنا حلقه عن الموضوع ده وشكراا

================

رد بص وطل :

صديقتى ألف مبروك مقدماً وتابعينا دايماً على قمر 14 وهتلاقى كل اللى إنتى عايزاة .

السلام عليكم أنا جسمى بدأ يقشر ويقشف اعمله ايه وشكرا .

===================

رد بص وطل :

صديقتى إنتى لازم تستخدمى مرطبات لجسمك وممكن تسعملى لوشن زيت اللوز والورد وكمان إستخدمى الكريمات المرطبة .

رينو هو لما بكون عاوزة اطحن اللوز اقشره ولا اطحنه هو وقشورة؟؟؟؟

=====================

رد بص وطل :

إنتى بتطحنى اللوز بالقشر بتاعه مافيش مشكله .

الللحقييني يارينو...أنا عملت خلطة زيت جوز الهند والحلبة بصراحة هي روووعة على الشعر ..بس المشكلة مش في الشعر المشكلة في اخواني كل ما بيدخلوا البيت بيقولوا اييه الريحة دي ..وحاولت ابخر البيت واعطرة بس مفيش فايدة بس في لحظة وبعد كدا بترجع الريحة زي مكانت ...

ياريت تشوفيلي حل اذا كان في حاجة اشتريها من السوبر ماركت ولا اي حاجة لان اخواني زعجوني بكلامهم وتعليقاتهم انا عاوزة استمر على الخلطة بس اللي خايفة منها هي الريحة بتاعتها في البيت ..في شعري مش مشكله محلوله اكبر مشكله هي البيت ساعديني بليييز.

=====================

رد بص وطل :

صديقتى إنتى ممكن بعد ماتعملى الماسك تشطفى شعرك بالأعشاب وبشامبو كويس وممكن تهوى البيت على طول بأستمرار وتولعى بخور يومياً وتستخدمى معطر .

رانيا من فضلك لما اجى ادفى زيت الزيتون على النار علشان اعمل بيه حمام زيت لشعرى أسخنه إزاى اغلى ميه واحط ازازة فيها شويه زيت زيتون فيها لحد ما يدفى؟ ولا احطه هو نفسه فى حله واسخنه؟ كمان انا بجيب زيت الزيتون من السوبر ماركت بس نوع اسبانى نضيف مش من عند العطار ينفع ولا إيه؟

========================

رد بص وطل :

صديقتى ممكن تستخدمى زيت الزيتون اللى بيكون فى السوبر ماركت، وإنتى ممكن تدفى الزيت فى ميه سخنه .

ازيك رانيا أنا جربت صابونه الرز واول ما حطيتها عالنار وحطيت فنجان ميه طلعت فقاقيع ده عادي صح ؟؟ أنا استخدمت صابونه البابايا الفلبينيه إيه رأيك فيها؟؟ وانا اول ماحطيت زيت الورد ما طلع ريحه كبيرة بس ريحه الصابون طغيت اكثر ... فياليت بتقولي اللى اعمله صح ولا لأ !!

====================

رد بص وطل :

صديقتى من الأفضل إنك تستخدمى صابونه بدون أى إضافات زى صابونه جود مورنج .

ارجوووكي ردي عليا أنا عملت ماسك بذر القطونه للهالات هو بقي زي الجل بس سميك جدا مش عارفه استعمله وبقت الميه علي الوش هو كدة صح ولا لأ مع اني عملته زي ماقولتي بظبط ولا هو بيطحن وبيتحط اد ايه وعايزة اعرف ازاي اعطر جسمي لاني قربت اتجوز.

=======================

رد بص وطل :

صديقتى بعد ماتعملى ماسك بذر القطون قلبيه كويس وبعد كده إستخدميه وبالنسبه لتعطير الجسم وهتلاقى فى العدد ده وصفه لتعطير الجسم http://www.boswtol.com/health-and-beauty/beauty-and-styling/11/september...

هاى رونى الحلقه بجد روعه كنت عايزة اسألك عن حاجات كتير أولا أنا سألت صاحبه الكوافير عن نوع بشرتى قالت لى عاديه ومناخيرى دهنيه مع إنى عندى دهون عند العين أو حبوب بيضاء كده مش عارفه احدد نوع بشرتى كمان انا كانت شفايفى حمرا الاول وخدودى حمرا بس خسيت جدا أيام الثانوى ورجعت تانى أكل وتخنت شويه بس شفايفى لسه بيضاء زى ماهى وعملت تحليل صورة دم كامله وماطلعش عندى انيميا مش عارفه أعمل ايه يارانيا عشان ارجع طبيعيه زى زمان او اروح لدكتور إيه بس انا كمان ماباكش فاكهه كتير لانى مابحبهاش ياريت تساعدينى يارانيا لان المشكله دى مضايقانى لانى دايما بحط زبدة كاكاو لونا اللى لونها احمر علشان شفايفى لونها باهت وطبعا بحطها طول اليوم .

=====================

رد بص وطل :

صديقتى من الواضح إن بشرتك مختلطه وممكن تستخدمى صابونه مناسبه للبشرة الدهنيه وتستخدمى مرطبات للمناطق الجافه فى بشرتك، وكمان عرضى بشرتك للبخار عشان مشكلة البثور السودة وممكن تعملى ماسك الترمس والردة، ولازم تهتمى بنوعيه أكلك، وممكن تستخدمى بلسم الشفايف الموجود فى العدد ده .

جمييييله جدا الوصفات دي طيب بالنسبه للزيوت بتاعه تقليل الدهون دي بعد المدة اللي انتي محدداها دي ناخد شاور تاني ولا نسيبها ؟؟؟؟؟ ونستمر عليها اد ايه؟

===================

رد بص وطل :

صديقتى وصفه الزيوت دى ممكن تعمليها مرتين فى اليوم بس لو مش هتتعرضى للشمس، لكن لو نازله الصبح ماينفعش تحطى الزيت وممكن تحطيه بالليل وتنامى بيه وتستحمى الصبح وإنتى ممكن تعمليه لمدة شهر على الأقل عشان تبدئى تحسى بالنتيجة .

رانيا بحبك كثير لانك بتفيدي البنات أوي أوي حبيت أسألك أنا عاوزه حاجه بتخلي جسمي مثل المخمل وتفتحه ... وكمان عاوز يروح السواد حول شفايفي ..

ياليت تفيديني.

=======================

رد بص وطل :

صديقتى إستخدمى الليفه العادية مرتين فى اليوم والليفه المغربى مرتين فى الأسبوع وممكن تعملى سنفرة الملح والليمون وممكن تعملى ماسك حبة البركة والأرز المطحون http://www.boswtol.com/health-and-beauty/beauty-and-styling/11/august/22... وبالنسبه للسواد اللى حول شفايفك ممكن تدهنى المنطقه دى بزيت اللوز الحلو .

استاذة رانيا بتشكرك كثييير على الحلقه الرائعه... حبيبتي ياليت تفيديني بالنسبه لحمام البخار لبشرة الوجه إزي أعمله وكام مرة بالشهر؟! وإيه أنسب الماسكات اللي بتنحط بعده؟! لأنه ببشرتي رؤؤس سوداء وابغى اتخلص منها؟!

=====================

رد بص وطل :

صديقتى حمام البخار بتعمليه مرة فى الأسبوع وإنتى بتستخدمى الماسكات المناسبه مع نوع بشرتك وممكن تستخدمى ماسك الردة والترمس .

شكرا ليكي يارنيا على الوصفات الحلوه اوي كنت عايزه اسالك سوالين الاول بذرة القطون هو نفسه بذرة الكتان والثاني انا بعمل حنه كل أسبوع مره زي ماقلتي ينفع اعمل الحنه كل مره طريقه مختلفه والا كده بضر الشعر.

=========================

رد بص وطل :

صديقتى بذرة الكتان غير بذرة القطون، وبالنسبه للحنه ممكن تعمليها كل مرة بطريقه مختلفه .

السلام عليكم يارانيا عايزة اسألك سؤالين الاول أناأشتريت نبات السعد من عند العطار عايزة اتأكد منك هو ولا لأ هو شكله زى التراب كده ولونه رمادى ولما سألت البائع هو بيتغلى عشان اتأكد من طريقة استعمله قالى لاده بيتعجن بماء بارد عادى فانتى ايه رأيك فى الطريقة دى؟

الثانى:والدتى عندها جزء من بشرتها تحت شعرها خلف الرقبه فيه حساسيه الدكتور قالها دى حساسيه عصبيه بس هى جربت كريمات كتيير جدا واغلبها به كورتيزون هى خشنه ودايما فيها حكة وبتحرق.

===================

رد بص وطل :

صديقتى نبات السعد لما بتطحنيه بيكون لونه كده فعلاً، وإنتى ممكن تستخدميه بنفس الطريقه اللى قواناها وهتلاقيها فى العدد ده http://www.boswtol.com/health-and-beauty/beauty-and-styling/11/may/30/34444 وبالنسبه لوالدتك فهى محتاجة علاج طبى كويس وتستمر عليه .

رانيا عندي عشبة الدادا المغربية والحنه البيضا ازاي ممكن استفيد منهم؟

===================

رد بص وطل :

صديقتى تابعينا وهتلاقى كل اللى إنتى عايزاة قريباً .

مرحبا رانيا استفدت منك كتييير عندي سؤالين: اولا منابت الشعر عندي من فوق الجبهة خفيفه جدا في شي ينبت الشعر في المكان ده؟ ثانيا في طريقة لتفتيح منطقة الضهر ؟؟

=====================

رد بص وطل :

صديقتى إنتى ممكن تستخدمى حمام الزيت الثلاثى لأن زيت الثوم من الزيوت اللى بتنبت الشعر، أما بالنسبه للضهر ممكن تستخدمى الليمون والجلسرين وكمان سنفرة الملح والليمون .

واووووووووووووو انتي رائعه

ميرسى لكى على هذا العدد ازيك يارنوش الحلقه حلوه ما شاء الله انا عايزة رايك ضرورى فى شامبو الصبار (جيل الصبار مع لبن جوز الهند وزيت جنين القمح )والبلسم على الصبار متقطع مع زيت اللوز او كحمام زيت مع زيت الزيت وهل الصبار كويس للشعر الجاف المتقصف؟ اسفة للاطالة.

====================

رد بص وطل :

صديقتى الصبار كويس بس لازم تكونى تستخدمى نوع شامبو كويس، وحمامات الكريم اللى بيكون فيها صبار كويسه وممكن تستخدميها.

هاي يارنوش لو سمحتي كنت عايزة اسالك عن حاجه انا كنت شفت في سوبر ماركت علبة صغيرة شبه علبه الكريم ومكتوب عليها ماسك الطمي المغربي كنت عايزة اعرف ايه رايك فيه هو كويس ولا لأ .

================

رد بص وطل :

صديقتى الطمى المغربى طبعاً كويس جداً

رانيا أنا جبت بودرة جولى ايفا للتقشير وخايفه اعملها لانى عندى حبوب استعملها ولا بعدين المفروض اعمل تقشير كل اد ايه.

===================

رد بص وطل :

صديقتى من الأفضل إنك تعالجى الحبوب الأول وممكن تجربى بودرة التشقير على جزء من بشرتك الأول .

لا يارنوش انتي مفهمتيش قصدي انا قصدي البس الشراب كام ساعه في غير وقت النوم لاني مش بحب اربط رجلي وأنا نايمه فكنت عاوزه اعرف اخليها كام ساعه لو منتمتش بيها بس كده وبالنسبه للبيبي ليس انا عارفه انا مش بتكلم علي عدد الحموم انا بسأل اقدر اعملها كام مره بالاسبوع بس .

=======================

رد بص وطل :

إنتى ممكن تلبسى الشراب ساعتين على الأقل، وبالنسبه للبيبى ليس ممكن تعمليها مرتين فى الأسبوع وطبعاً مع إستخدام الماسكات .

تسلمى يارانيا وكل سنه وانتى طيبه إن شاء الله يكون عيد سعيد عليكى بصى ياقمر انا عندى فرح ان شاء الله فى العيد وجبت فستان سهره لونه روز غامق شويه وانا قمحاويه وان شاء الله أنا هعمل الميك اب لنفسى عايزة أعرف الالوان اللى تفتح إيه فى الايشادو اللى استخدمها وكمان وشى رفيع وهعمل اسبانش الالوان المناسبه هتكون ازاى وعينى واسعه الالينر بيريق عليها ولا استخدم كحل بس ياريت تفيدينى وتسلمى ياررررب.

===================

رد بص وطل :

صديقتى أهلاً بيكى وكل سنة وإنتى طيبه بالنسبه للمكياج إنتى ممكن تعملى أى شادو موف فى أبيض بيلمع وتستخدمى أى لاينر أسود وممكن تستخدمى كحل أسود والوان الإيشارب بتكون من ألوان الفستان .

هاي رانيا شكرا علي الحلقة أنا عندي كمية من زيت جوز الهند بس طلع مش أصلي فعايزة أعرف ممكن أستخدمه في إيه لإني مش عايزة أحطه علي شعري تاني وشكرا جزيلا .

=====================

رد بص وطل :

صديقتى إستخدام زيت جوز الهند لماسكات الشعر ولو مش أصلى ماتستخدميهوش .

هاي روني الكربوناتو هل لها اسم تاني لاني مش عرفاها؟

==========

رد بص وطل :

صديقتى إطلبى من العطار كربونات صودا .

salam thank u ktiiir 3a wassafat mofida okhti ranya, allah jaziki alfi khir, bi nissba li 3aroussa jdida fi chahr 3assal bitkon modtara tighssil cha3raha koli yom, hal fi tari9a lil 3inaya bi cha3r fi hadi marhala? wa chokran ktiir

=====================

رد بص وطل :

صديقتى أهلاً بيكى ولو إنتى بتغسلى شعرك كل يوم يبقى لازم تستخدمى ماسك مغذى وبلسم بعد الشامبو وكمان إستخدمى سيروم .

هاى رانيا الحلقه تحفه ممكن اسالك سؤال هيه الزيوت دى غاليه ولا فى المعقول وهل ممكن تقلل السيلوليت ووممكن تقولي لى على مكونات الزيت الحمام الثلاثى اعمله كل اد ايه وشكرا ليكى جدا

=====================