خبيرة التجميل رانيا هترد على كل الأسئلة اللي بعتّوها

أهلا بكل بنات "قمر 14"، في حلقة جديدة من حلقات "جمالك من الطبيعة مع رانيا" في حلقتنا النهارده هارد على كل أسئلتكم اللي بعتوها لنا الفترة اللي فاتت، تابعونا....


أنا سمعت إن الزبادي منتهي الصلاحية وإننا ممكن نستخدمه في ماسكات للبشرة والشعر؛ لأن البكتيريا اللي فيه بعد ما يتلف بتبقى مفيدة؟
الكلام ده مش مظبوط طبعا، ولازم لما نستخدم الزبادي يكون طازة وصالح للاستخدام؛ سواء هنستخدمه للأكل أو لعمل الماسكات.

أنا جبت صابونة من عند العطار بزيت الزيتون، ولما استخدمتها على بشرتي اسمرّت شوية؟
زيت الزيتون ما بيسمّرش البشرة، ولكن ممكن يكون الصابون نفسه نوعه مش جيد.

أنا جبت نوعين من الطمي المغربي، نوع لونه أصفر بـ80 جنيها، ونوع لونه رمادي بـ40 جنيها؟
أفضل لون للطمي المغربي إنه يكون زيتي غامق أقرب للون الأسود، أما بالنسبة للطمي الفاتح الأصفر؛ فأنا مش بافضله، والأصح هو النوع الغامق.

أنا سمعت إن طين البحر الميت الأردني جيّد؟ وأنا عندي منه سائل هل ممكن أعمل به صابون؟
الطمي السائل ده فعلا من الحاجات الهايلة جدا، ولكن ماينفعش ندخله في صابون؛ لأن الطين اللي هنستخدمه للصابون لازم يكون يابس، أما الطين السائل ممكن نحطّه على بشرتنا فقط زي ما هو بدون أي إضافات، والنوعين (الطمي المغربي والأردني) هايلين جدا.

هل ممكن لو خففنا خل التفاح بالميه وحطيناه على البشرة يوميا صباحا ومساءً يبقى مفيد للبشرة؟
خل التفاح من الحاجات المفيدة للبشرة والشعر، وممكن إننا ندهنه على جسمنا وشعرنا ولكن مرة واحدة أو مرتين على الأكثر في الأسبوع، لكن طبعا غلط إننا نكرر استخدامه يوميا.

يعني ممكن بعد ما نغسل شعرنا وجسمنا نخفف الخل بميه وندهن الجسم والشعر، ونسيبه لمدة 2 : 3 دقائق وبعدين نشطفه، وزي ما قلنا ممكن نعمل كده مرة أو مرتين بس في الأسبوع، وهو هيكون مفيد؛ لأنه بيدّي نعومة خفيفة للجسم، وكمان بيشيل القشرة من الشعر.

خلصت حلقتنا النهارده..

مستنية أسئلتكم علشان أرد عليها..

تابعونا في الحلقات اللي جاية..

علشان لسه عندنا مفاجآت كتير..

سلام،،،

*********************

للرجوع للحلقات السابقة

اضغط هنا "جمالك من الطبيعة مع رانيا"

*********************

رانيا انا عاوزة شعري ينعم اما خطيبي يسبني ساعديني بليز متحاولي تجيبي الصين والهند بيعملو إيه في شعرهم وانتي أكيد ليكي علاقات ممكن تجيبها بسهوله.

======================

رد بص وطل :

صديقتى إنتى ممكن تستخدمى الوصفات الطبيعيه لتنعيم الشعر http://www.boswtol.com/health-and-beauty/beauty-and-styling/11/july/26/3... وكمان ممكن تعملى حمام زيت جوز الهند والسمسم لتنعيم الشعر .

انا بشكرك جدا يا رونى على وصفه نبات السعد لانى جربتها وجابت نتيجه هايله

هاي ياروني كنت عايزة كريم مرطب للبشرة الدهنيه انا بشرتي مقشره من الجو والوضوء فعايزة كريم مرطب بس ينفع للبشرة الدهنيه اللى فيها حبوب.

====================

رد بص وطل :

صديقتى فى فترة الشتا لازم الأستمرار فى إستخدام الماسكات وكمان ممكن تستخدمى كريم نيفيا سوفت .

السلام عليكم ازيك يارانيا عندي مشكلة فظيعه وبتنمى القي الحل عندك شعري بينزل وفي قشرة كتير واللى مضيقني خف أوي وكمان قورتي بانت اوي الشعر رجع لوراء وفي فراغات شكل النقر الصغيرة رحت لدكتورة وجربت كريمات كتير ومفيش فايدة شفت صديقه ليه نفس الحاله ان طلعلها شعر واتملت قورتها شعر وقلتي انها اخدت حقن اصلا أنا كمان مش عايشه في مصر ومش عارفه اتعامل مع الدكترة هنايارت تجوبني بخصوص الشعر قورتي نفسي يطلع وشكرا ليكي .

======================

رد بص وطل :

صديقتى فى الأول لو شعرك بيقع أوى لازم تعملى فى الأول تحليل عشان تتأكدى إنك ماعندكيش مشكلة صحيه، وممكن تعملى حمام الزيت الثلاثى (الثوم والجرجير وجوز الهند)، وبالنسبه للحقن دى لازم بتكون تحت إستشارة دكتور متخصص .

السلام عليكم رانيا أنا عاوزة اعرف هو فى فرق فى المعنى بين فتله الشعر السميكة وفتله الشعر التخينة ولا الاثنين معناهم واحد برجاء الافادة

============

رد بص وطل :

صديقتى الأثنين نفس المعنى .

إزيك يارانيا لو سمحتى أنا بشرتى دهنية ينفع استخدم زيت الليمون كل يوم قبل النوم وإيه فايدته وشكرا ليكى.

====================

رد بص وطل :

صديقتى إنتى ممكن تستخدمى زيت الليمون مافيش مشكلة بس ماتتعرضيش بيه للشمس .

رانيا بعد اذنك انا طلعلى حبوب لانى عاملت شمع فى وشى وطلعلى حبوب كتير فى وشى ارجوكى ساعدينى علشان أنا مخطوبه ومكسوفه خطيبى يشوفنى كده بليز.

==================

رد بص وطل :

صديقتى لو الشمع بيعملك حبوب ممكن تعملى تشقير وإعملى ماسك الخميرة والعسل عشام مشكلة الحبوب دى .

ازيك يارانيا أنا بشكرك جدا على تعبك ومجهودك وجزاكى الله خيرا بصى يا حبيبتى انا عندى قشرة فى شعرى كتير اوووى وشعرى مجعد وخف اووى مع انه كان تقيل جدا وانا صغيرة انا دلوقتى 22 سنه وكمان مش طويل اوى

بس أهم حاجه عندى دلوقتى عايزاة ينعم ويتقل لانه يعتبر مفيهوش خالص اصبح بواقى شعر انا ان شاء الله هستخدم زيت جوز الهند مع الحلبه والبن رأيك بقى لازم اعالج القشره الاول ولا ينفع اعالجها وفى نفس الوقت استخدم زيت جوز الهند حاجه كمان معلش انا سمعت عن شامبو طبى اسمه سلسن بلو لعلاج القشرة وبيقولوا حاو اوووى ايه رأيك فيه ولو مش حلو استخدم انهى شامبو للقشرة

وياترى مفعول زيت جوز الهند بيبان بعد قد ايه واستمرعليه قد ايه وياترى بينعم الشعر وبيفرد تجاعيده ولا لأ ارجوكى ردى عليا فى كل حاجه سألتها معلش انا طولت عليكى وياريت لو تدينى رقم تليفون اكلمك عليه لو ينفع على فكرة انا متبعاكى فى التليفزيون المصرى فى برنامج زينه قمر والله العظيم إنتى كنتى حاطه رقم تليفون ليكى هنا مره لبنت كانت بتسألك واخدته وكان من فتره بس ضاع منى ممكن تديهولى تانى لو مش هيضايقك وميرسى جداااااا ليكى ربنا يكرمك يارب

===========================

رد بص وطل :

صديقتى أهلاً بيكى إنتى لازم تستخدمى شامبو طبى بعد إستشارة الدكتور كمان ممكن تعملى ماسك الموالح وهتلاقيه فى العد ده http://www.boswtol.com/health-and-beauty/beauty-and-styling/11/may/16/33636 وإنتى ممكن تعملى 3 ماسكات فى الأسبوع وممكن تعملى حمام الزيت الثلاثى لمنع التساقط( الثوم والجرجير وجوز الهند) وممكن تعملى ماسك البن وزيت جوز الهند مافيش مشكلة .

رانيا عايزة نصيحتك انا فرحى بعد شهرين وعندى المنطقة الحساسه (البكينى)غامقه جدا مش عارفه اتصرف إزاى أروح لدكتور الجلديه بس الموضوع عايز وقت ولا ممكن التكييس والحمام المغربى يشيل الغمقان ده ولو فى وصفة طبيعية قوليلى عليها أرجوكى ساعدينى.

================

رد بص وطل :

صديقتى ألف مبروك مقدماً، وإنتى لازم تستخدمى الليفه العاديه مرتين فى اليوم والليفه المغربى مرتين فى الأسبوع والحمام المغربى مهم طبعاً وممكن تستخدمى الكريمات الطبيه اللى قولنا عليها وكمان ممكن تستخدمى الماسكات الطبيعيه لتفتيح .

مساء الخير يارانيا هل يضر اذا بقي ماسك الرز وحبه البركه على الوجه لساعه ونصف او اكثر أنا في بلاد اجنبيه وبحثت على الليكوسيد والكريم الاخر ولم اجده ويقولوا لي لا نعرف هكذا كريم فهل له اسم ثاني ام هو متواجد فقط في الدول العربيه وشكرا

=====================

رد بص وطل :

صديقتى مافيش مشكلة تسيبى ماسك الأرز وحبة البركة فترة أطول وبالنسبه لكريمات التفتيح ممكن تستخدمى كريمات التفتيح الفرنساوى أو الماسكات الطبيعيه .

السلام عليكم لو سمحتي يارانيا بعد ماأعمل حمام الكريم بيبقي ملمس الشعر دهني شويه فهل اشطفه جامد اوي ولا أغسله عادي والملمس ده هو اللي هيخليه طري؟ شكرا

====================

رد بص وطل:

صديقتى بعد ماتعملى حمام الكريم لازم تغسلى شعرك كويس بالميه عشان مش صح يكون فيه بواقى حمام كريم فى شعرك .

لو سمحتى يارانيا أنا صابغه شعرى باللون الاسود والصبغه مش عايزة تتطلع من على جبينى من قدام وشكلى وحش أووى أعمل إيه عشان تروح وجربت الخل ومعملش حاجه أرجو الرد بسرعه.

======================

رد بص وطل :

صديقتى إستخدمى الليمون كتير ومع الوقت هتروح .

رانيا هو انتى عندك مكان مركز تجميل يعنى أنا مش فرحى قرب بس عايزة أعمل حاجه انى احس بنضارة الوجه ونظافته واستغنى فيه عن المكياج ممكن أعمل ايه لو إنتى عندك مركز عايزة أعرف العنوان وممكن تعمليلى إيه.

==================

رد بص وطل :

صديقتى ألف مبروك مقدماً وإنتى ممكن تستخدمى الماسكات اللى بنعملها وتكون مناسبه مع نوع بشرتك ولازم طبعاً تستمرى عليها وكمان إهتمى بنوعيه أكلك وللأسف أنا معنديش مركز وإنتى ممكن تبعتى كل أسئلتك .

رانيا انا عندي سؤالين سلام عليكم الاول شو ممكن احط لتخفيف الالم عند إزاله الشعر بالحلاوة والثاني إذا كان ممكن طريقه لتسمين ونفخ الخدين وانا اشكرك مسبقا.

===================

رد بص وطل :

صديقتى إنتى ممكن تستخدمى بينح إملا، وبالنسبه للخدود فإنتى ممكن تهتمى بأكلك وخاصة الخضروات .

لو سمحتى أنا بشرتى مختلطه عايزة وصفه لصابونه أعملها فى البيت تناسب نوع بشرتى ... لو سمحتى ومش بلاقى صابون لمبادا ولا النوع التانى اللى حضرتك قلتى عليه فلو سمحتى عايزة طريقه عمل صابونه فى البيت تناسب بشرتى .. وارجو الرد ..شكرا.

======================

رد بص وطل :

صديقتى إنتى ممكن تستخدمى منتجات بايوديرما وتابعيناعشان هتلاقى كل اللى إنتى عايزاة .

ازيك يارونى أنا كنت عايزة اسأل عن حاجه اعالج بيها شعرى علشان بقى خفيف جدا من قدام .

=================

رد بص وطل :

صديقتى إنتى ممكن تستخدمى حمام الزيت الثلاثى (الثوم والجرجير وجوز الهند) وزيت الثوم من أكتر الزيوت اللى بتساعد فى إنبات الشعر .

لو سمحتي ممكن تحكيلي عن بلسم لشعر الجاف والمقصف؟

=====================

رد بص وطل :

صديقتى إنتى ممكن تستخدمى البلسم اللى عملناة فبل كدة وهتلاقيه فى العدد ده http://www.boswtol.com/health-and-beauty/beauty-and-styling/11/march/28/...

مرحبا رانيا ممكن تساعديني عندى كم سؤال بتمنى تجاوبيني لو سمحتي

س1 : لو سمحتي ممكن تكتبيلي وصفة لتفتيح البشرة انا بشرتي جافة وتكون سهلة

وممكن تخبريني عن كريم كويس ؟

س2: انا جبت للشعر زيت خردل وجوز لهند هل بيمنع تساقط الشعر وهل يعمل على تكثيفه لأنو شعري خفيف وناعم ؟

س3: ممكن وصفة او كريم لتفتيح المنطقة الحساسة وتكون ليها مفعول وهل الجيلوسليد والليمون مفيد للمنطقة وبيفتحها؟ وشكرا ليكي وربي يسعدك في حياتك مع تحياتي .

====================

رد بص وطل :

صديقتى أهلاً بيكى والعدد ده هتلاقى فيه الروتين اليومى لتفتيح البشرة http://www.boswtol.com/health-and-beauty/beauty-and-styling/11/june/6/34947 إختارى المناسب معاكى وممكن تستخدمى كريم نيفيا، وبالنسبه لشعرك إنتى ممكن تستخدمى زيت جوز الهند لتنعيم وبالنسبه للتساقط ممكن تستخدمى حمام الزيت الثلاثى (الثوم والجرجير وجوز الهند) وبالنسبه للمناطق الحساسه ممكن تستخدمى الكريمات الطبيه لتفتيح اللى قولناها قبل كده ,

إزيك ياعمري انا ماني عارفه ابدى باي خلطه للشعر وكيف اوزع الاسبوع علي الخلطات يعني ابدى بخلطه للشعر المقصف ولابخلطه للتنعيم ولاخلطه عشان شعري يصير كثيف ولاخلطه عشان شعري يطول ممكن لم مافيها تعب ليكي ياقلبي تعملي لي روتين للاسبوع ولامتي استخدم هذي الخلطات......والروتين اليومي للبشرة والجسم انا بشرتي عاديه وانتي اعطتيني روتين للبشرة دهنيه ومركبه...وانا من السعوديه وماني عارفه وش هي الرده وش اسمها عندنا في السعوديه...ممكن ترديلي في اقرب وقت...وشكرا ليكي وللمقيمين علي البرنامج

=====================

رد بص وطل :

صديقتى العزيزة إنتى ممكن تعملى 3 ماسكات فى الأسبوع يعنى ممكن تعملى حمام الزيت الثلاثى لعلاج التساقط وكمان العدد ده هتلاقى فيه ماسكات لعلاج التقصيف وتنعيم الشعر http://www.boswtol.com/health-and-beauty/beauty-and-styling/11/july/26/3... أما بالنسبه للبشرة فالردة هى (النخالة) وإنتى ممكن تستخدمى الماسكات المغذيه للبشرة وتبعينا هتلاقى كل اللى إنتى عايزاة .

إزيك يارانيا يارب تكوني كويسه سؤالي هنا أنا بستخدم ماسكات لكن بيطلعلي حبوب بردو فجبت جونسون مزدوج الفعاليه ترطيب ومحاربه الحبوب ينفع أحطه بردو حوالين عيني لاني مش بعرف ابدأ احط زيت حوالين عيني؟؟السؤال التاني انا كنت سألتك قبل كدا على إنه عملوا من بايوديرما مستحضر بيعالج المسام الواسعه وبصراحه انا مستعجله لان فرحي قرب ..وشكرااا بجد على ردك.

===================

رد بص وطل :

صديقتى ألف مبروك مقدماً إنتى ممكن تستخدمى صابونه لمبادا أو غسول نتروجينا وبالنسبه لمنطقه العين أفض حاجه إنك تستخدمى شرائح الخيار وبذر القطون، وبايوديرما من المنتجات الكويسه اللى ممكن تستخدميها وممكن تعملى لوسيون البرتقال والليمون عشان مشكلة المسام الواسعة .

ازيك يا رانيا انا فعلا بستفيد من الوصفات بتعتك جدا وربنا يبارك فيكى وزيدينا اكتر واكتر وشكرا ليكى

من فضلك انا وشي مطاول وكنت عايزة لفه طرحه علي فرحي وهو ممكن اعمل لفة طرحة عاديه ولو ممكن ايه اكتر لفة تليق عليا الموضوع دا محيرني جدا تحياتي

==================

رد بص وطل :

صديقتى ألف مبروك مقدماً وهتلاقى فى قمر 14 ألأعداد كتير للعروسة وطرق مختلفه للف الطرح وتابعينا هتلاقى كل اللى إنتى عايزاة .

لو سمحتى حببتى عندى طلب من حضرتك ممكن تقولي لى على أفضل مشروب سخن اشربو وأنا عندى دور برد شامل .

==================

رد بص وطل :

صديقتى العصير الفرش كويس زى البرتقال والجوافه وبالنسبه للمشربات السخنه الجنزبيل والقرفة .

انتى بتقولى ان الشعر لو اتحط عليه وصفة الزبادى وحبه البركه وهو مبلول بعد الغسيل مباشرة يتساب على الشعر لمدة ساعتين امال امتى نسيبه 45 دقيقة زى ما قولتى بعد وقت غسيل الشعر بقد إيه يعنى وهو ناشف ولا إيه بالظبط لانى مش فاهمه كنت بحطه بعد الغسيل مباشرة لمدة 45 دقيقه وانتى قولتى غلط يتحط ساعتين علشان يستفيد الشعر منه امال امتى نحطه لمدة 45 دقيقة؟

===================

رد بص وطل :

صديقتى أنا دايماً بفضل إنك تسيبى الماسك ساعتين عشان شعرك يستفيد من، وماسك الزبادى بتسبيه ساعه إلا ربع عشان ده أقل حاجة وممكن تسبيه لمدة ساعتين .

كنت عايزة أعرف غسول نيم دا كويس .

===============

رد بص وطل :

صديقتى ياريت توضحى ده غسول إيه .

رانيا انا عملت الحنه بالبنجر مش عملت الون فينفع احط زيت جوز الهند على الحنه بالكاكاو عشان تطرى الشعر

=====================

رد بص وطل :

صديقتى إنتى ممكن بعد ماتعملى الحنة تعملى حمام زيت جوز الهند .

ازيك يا رونى ايه رايك فى كريم المخدر ايملا 5% لمنطقه الحساسه قبل السويت اصلى كتير قالوا كويس ومش عارفه

=======================

رد بص وطل :

صديقتى كريم املا كويس وممكن تستخدميه مافيش مشكلة .

رانيا بطلب مساعدتك مشكلتى إنى اتعودت على المكياج مبعرفش اخرج من غيرة ولازم دلوقتى استغنى عنه مش هينفع أحطه فى البيت وصعب استغنى لان وشى لونه بهتان وبجد جربت ماسكات اللى بتقولى عليها ولم القى تغير 1% بجد مش عارفه اعمل ايه وواثقه إنك هتساعدينى بأى حل .

===================

رد بص وطل :

صديقتى أهم حاجة الأستمرار فى إستخدام الماسكات لفترة عشان تحسى بالنتيجه ولازم تقللى من إستخدام المكياج وإستخدمى ماركات مضمونة .

رانيا عندي سؤالين أولا زيت جنين القمح لو اتحط حولين العين هيفيد في ازاله الانتفاخات و الا هو مخصوص للهالات؟ و انا برضو عندي حبوب صغيره جدا بنفس لون الجلد على جانبي الانف ازي ممكن اشيلها؟؟

==================

رد بص وطل :

صديقتى إنتى ممكن تعملى كمدات الخيار عشان الأنتفخات والهالات، وبالنسبه للحبوب ممكن تعملى ماسك الخميرة والحبوب .

رانيا بشرتي دهنيه في منطقه الانف والجبهة والباقي جاف وعندي مسام مفتوح وبنفس الوقت حساسه جدا تنصحيني استخدم اي ماسك ؟

=====================

رد بص وطل :

صديقتى العدد ده هتلاقى فيه الروتين المناسب للبشرة المركبة http://www.boswtol.com/health-and-beauty/beauty-and-styling/11/june/20/3...

رانيا انا عايزة حاجه تطول الرموش بس مش عايزة تطول الحواجب لاني سمعت اني اي حاجه نحطها على الرموش بطول الحواجب كمان ايه مدى صحة الكلام دى ارجوكي ردي عليه.

====================

رد بص وطل :

صديقتى الكلام ده مش صح خالص لأن الحواب مالهاش علاقه بالرموش .

رانياانا عايزة ماسك تفتيح اعمله وينفع انزل فى الشمس عادى أنا بشرتى مختلطه وفيها حبوب.

==================

رد بص وطل :

صديقتى للأسف روتين التفتيح لازم تعمليها وماتتعرضيش للشمس ولازم تستخدمى صن بلوك لو هتتعرضى للشمس .

بعد ازنك عايزة حاجة لتفتيح البشرة بس مش تاثر فيها

=====================

رد بص وطل :

صديقتى إنتى ممكن تعملى الروتين اليومى لتفتيح البشرة .

اهلا يارانيا..معلش عندى سؤالين...أنا عملت كريم الخيار اللى إنتى عملتيه من حلقتين كده يارانيا مندمجش مع بعضه والفازلين عمل وش واتجمد فوق وميه الخيار فضلت تحت ميه زى ماهي لما جربت احطه على ايدى كان الفازلين بس وطبعا مدهنن جدا ومفيش حتى ريحه الخيار حتى لما قليتهم مش بيندمجوا مع خالص

كمان حاجة اماعملت حمام زيت بزيت جوز الهند يارانيا غسلت شعرى اربع مرات بالشامبو ولما نشف كان مدهنن جدا والزيت متلعس منه وغسلته تانى يوم 4مرات وانا فالحمام والشامبو مش بيرغى عليه حتى ولنا نشف فضل مدهن جدا برضوا

لرجوكى قوليللى اطلع الزيت دا إنه إزاى وبسرعه..

========================

رد بص وطل :

صديقتى إنتى أكيد ماعملتيش الكريم بنفس الطريقه وهتلاقى الخطوات فى العدد ده http://www.boswtol.com/health-and-beauty/beauty-and-styling/11/october/2... وبالنسبه لزيت جوز الهند فإنتى ممكن تكونى مش جايباة أصلى لأن زيت جوز الهند مش بيعمل كده .

هاي رنووش ازيك ياقمرنا حبيبتي انا صبغت شعري بلون فاتح على اشقر وعاملت مغلي الكاموميل وملعقه عسل وحطيته في بخاخ وكل مره ببخ منه وبسيبو وبسرح شعري عادي بيساعد في توهج اللون الاشقر اطول مده وبيفيد شعري ولا لأ أما الاستفسار التاني أنا عندي معلومه إنه الفلفل الحار لما اقطعو حلقات وانقعه في زيت كم يوم مفيد جداً لتنشيط الدورة الدمويه قريتها في موقع طبي جمالي.

=======================

رد بص وطل:

صديقتى الكاموميل كويس جداً وممكن تشطفى بيه شعرك وتسبيه بس العشل ماينفعش تحطيه على شعرك وتسبيه .

انا عندي مشكلات مديقاني شعري خفيف من مقدمه الراس وكمان عندي هالات سودات تحت عيوني وعندي خطوط رفيه تحت عيوني يعني تجاعيد وسني 27 سنه

===================

رد بص وطل :

صديقتى إنتى ممكن تسعملى حمام الزيت الثلاثى (الثوم،الجرجير وجوز الهند) وبالنسبه للهالات والخطوط ممكن تعملى ماسك بذر القطون لأنه بيعالج الخطوط الرفيعه اللى تحت العين وكمان الهالات وإستخدمى شرائح الخيار .

رورو أنا بسألك سؤال محيرني أوي أنا بعرف ناس جسمهم رطب أوي مع انهم يتعرضون للشمس كثيرا ما يسمرون !! وأنتي تعرفي اليد إذا جفت يصير شكلها وحش أنا مع أني ارطبها يوميا بس ما تصير رطبه ؟؟ والمفاصل عندي سوده ما فيش حاجه أسويها زي الكريم وادهن فيها يوميا بدل كل يوم أعملها لأني بزي أوي ... وعندي سوااد شديد في الشفايف عايزه يروح ويصير لون شفايف بمبي ...

وشنو أسباب سواد الشفايف !!؟؟

======================

رد بص وطل :

صديقتى إنتى ممكن تعملى الماسكات الموجودة فى العدد ده http://www.boswtol.com/health-and-beauty/beauty-and-styling/11/january/1... وبالنسبه للشفايف ممكن تعملى ماس شمع العسل وهتلاقيه فى العدد ده http://www.boswtol.com/health-and-beauty/beauty-and-styling/11/march/21/...

مساء النور يارانيا أنا شعري عادي بس بحس بيه هايش وكمان عاوزاة يطول ومش عارفه أعمل إيه وكمان بيتساقط كتير حابه اجرب وصفه الزيوت الثلاتيه عندي زيت جرجير وتوم بس جوز الهند ما لقيت الزيت اللى قلتي عليها بلاقيها لونها شفاف مش زي الحليب ممكن أعوض جوز الهند بزيت اللوز الحلو موجوده عندي والف شكر ليكي.

=====================

رد بص وطل :

صديقتى حمام الزيت الثلاثى دى مكوناته وماينفعش تستخدمى زيت بدل زيت، وبالنسبه لزيت جوز الهند إنتى هتلاقيه عند العطارين الكبار ولازم يكون لونه أبيض شويه وريحه جوز الهند باينه فيه عشان تتأكدى إنه أصلى .

ممكن تقولي لي هو صحيح غلطط استخدام الكريمات والميك اب اثناء الحمل ؟وازاي اقدر اعتني ببشرتي وشعري في الفترة دي

======================

رد بص وطل :

صديقتى مافيش أى مشكاه من إستخدام الماسكات الطبيعه وممكن تهتمى جداً بنوعيه أكلك عشان تحفظى على بشرتك زى الخضار والفاكهه ومنتجات الألبان وكمان إشربى ميه كتير .

السلام عليكم معلش يارونى تعبتك باسألتى بس انا تعبانه جدا بسبب ظهور بقع بنيه على بشرة الوجه والجسم كنقط بنيه مش عارفة اعملها ايه؟؟ودى مضايقانى جدا...وبتغمق كمان؟؟؟ بالله عليكى قوليلى اعمل ايه؟؟

====================

رد بص وطل :

صديقتى من الفضل إنك تستشيرى دكتور جلديه فى الأول لأن ظهور البقع دى فجأة محتاج علاج طبى .

رانيا بشرتي حساسه جدا هل ينفع احط ماسك حبه البركه والرز لمده ساعه ولا اخفف المده؟؟

==========================

رد بص وطل :

صديقتى ماسك الأرز وحبه البركة ممكن تستخدميه مافيش مشكله .

رانيا هو انا لازم اغسل البنجر وانقعه وانضفه الاول قبل ماسلقه ولا احطه فى ميه واسلقه على طولواخد الميه بتعته.

===================

رد بص وطل :

صديقتى من الأفضل إنك تغسلى البنجر لأن بيكون فيه طين .

هاى رونى كنت عايزاكى تقولي لى على حاجة عشان عندى منطقة الذقن وحول الفم اغمق من لون الوجه .

====================

رد بص وطل :

صديقتى إنتى ممكن تدهنى المنطقه دى بزيت اللوز الحلو وكمان ممكن تستخدمى ماسكات التفتيح زى الزبادى بالعسل وماسك الأرز وحبه البركة .

أشكرك على تعبك ممكن من فضلك عاوزة حل لاسوداد الرقبة لانها فعلا بقيت مش عارفة اعمل ايه وخصوصا بشرتى حساسة وبتلتهب جامد جدا مع اى دعك فيها

وكمان طلعلى زوائد جلدية تؤلمنى جدا بمنطقة الرقبة وتحت الابط.. فهل ليها علاج ولكى جزيل الشكر

=======================

رد بص وطل :

صديقتى السواد ده ممكن يكون بسبب زيادة الوزن أو نقص بعض الفيتامينات، وكمان ممكن يكون بسبب عدم العنايه الششخصيه وإنتى لازم تستشيرى دكتور جلديه فى الأول عشان ممكن تكونى محتاجه علاج طبى فى الأول وبعد كده ممكن تستسخدمى الماسكات الطبيعيه لتفتيح وبالنسبه للزوائد الجلديه لازم تروحى لدكتور عشان يشلهالك .

لو سمحت يارانيا انا بشرتى عاديه عايزة اعرف غسول مناسب لبشرتى

==================

رد بص وطل :