المحتوى الرئيسى

الفيسبوكيون لزاهي حواس: عود إلى أخيك آتون قبل طلوع الشمس

07/20 05:37

فيما يبدو أن خروج زاهي حواس من وزارة الآثار في آخر تعديل وزاري أجري، كان بمثابة مطلب رئيسي لدى الكثيرين، ليحتفلوا بإقالته بطريقة فرعونية ساخرة، ليشهد الفيس بوك عددا من التعليقات الساخرة فور إعلان نبأ خروجه، وكانت كالآتي:

- الفراعنة مش هيوافقوا على عزله وهيعملوا اعتصام ده واخذ توكيل الفراعنة من بابه.

- طيب وبالنسبة للبرنيطة بتاعته استقالت برده ولا هتفضل شايلة ريحته مع الوزير الجديد.

- زاهي حواس إمام أهرامات الجيزة

- طب ومين هيكتشف لينا مقبرة عائلة مبارك.

- حواس عود إلى أخيك آتون عود قبل طلوع الفجر

- المركب الفرعوني اللي يودي .. ودوه البر الغربي يتحنط هناك.

- في ألف سلامة مع مليون حورس يحرسوه .

- عاجل: مظاهرة حاشدة في جناح المومياوات الملكية احتفالا برحيل زاهي, وبعض الموميات قاموا بمسيرة إحنا آسفين يا زاهي !

- لازم يتحنط وهو حي وتتفضي معدته ويتحط جواها الآثار الصيني اللي جابهالنا بدل الأصلية.

- لقد فقدت مصر والآثار رجلا من الرجال, يا راجل وزير آثار مصر وعامل خواجه !

- عايزين نعمله حفلة تخرج على الطريقة الفرعونية ونرميه في النيل زى عرايس النيل.

- زاهي حواس يخرج من الباب الغربي (الخلفي) لوزارة الآثار ليلتحق بكهنة (مو-با-راك) في مقبرة (الفي-لو-ول) طرة حاليا.

أهم أخبار مصر

Comments

عاجل