المحتوى الرئيسى

إفتحولكوا مطعم خيري يا خالتي بقلم: شفيق الدويك

06/30 21:12

إفتحولكوا مطعم خيري يا خالتي

بقلم: شفيق الدويك

إسمعتلك مبارح قصه يا خالتي والله قشعرت بدني.

كاين زلمه محترم بعمان ، الله يرحمه، الله معطيه شوية مصاري، يعني وظعُه مرتاح، خاف الله في الأربعينات، ما ينام قبل ما يعشّي كل المساكين إللي ساكنين في منطقته، وما ياكل إلا آخر واحد يم، وبتقول زوجته مرات ما كان ياكل.

خطر ببالي فكره يا خالتي.

بالك كثير صعبه هاي الأيام يتفق جماعة الخير إللي الله معطيهم ملايين وغيرهم يفتحوا مطعم خيري، ويكون كبير شوي يعني بكل مدينة فرع أو أكثر، والحكومه تعطي الأرظ مثلا، وشركة الكهربا تعطي كهربا، وشركة المي تعطي المي، و شركة الإسمنت تعطي إسمنت ، والمتقاعدين إللي حابين يعملوا خير يشتغلوا في الإداره ؟

عليم الله يا خالتي في ناس دخلها في اليوم أكثر من الف ليره. شو الف ليره ؟، في ناس بتعمل أكثر بكثير !

يعني شو فيها لو يغاروا من، قصدي يقلدوا الأميركاني بيل جيتس صاحب شركة الكومبيوتر لكبيره إللي شُفتُه من يومين بالتلفزيون ويعملوا خير كثير مثله ؟

أهم أخبار مصر

Comments

عاجل