توفيق المصرى يكتب: مرة كان فيه واحد سعيد

مرة كان فيه واحد سعيد

جوه عشة فى أرض فاضية

الأرض حصيرة والسقف جريد

طول النهار عمل وشقا

بالليل غنا وتغريد

كافى خيره شره

فى حاله لاخوف ولا تهديد

مراته وولاده تحت جناحيه

كل يوم يعدى يبقى عيد

لقمه هنية وبق ميه

وهدمة تسترمش مهم جديد

شافهم جار طل عليهم

من برج سكنى عالى مش بعيد

مشغول بالدنيا ليل ونهار

قلقان على طول وهمه شديد

بعت للغلبان رسالة ومعاها قرشين

الراجل فكر فى رأى سديد

دفن الفلوس فى أرض العشة

نامت مراته بعد ماغنت نشيد

وهو سهران جنب المال

سهران مفتح عينيه وحيد

يوم ويوم ويوم

ساب شغله وأصبح كأنه قعيد

ومرت الأيام وهو على الحال ده