المحتوى الرئيسى

دقة ساعة الزحف بين جماهير الأهلي و الزمالك علي الفيس بوك

06/27 13:48

مع اقتراب موعد لقاء القمة رقم 107 بين قطبي الكرة المصرية الزمالك و الأهلي ، المقرر يوم الأربعاء المقبل، اشتعلت الحرب النفسية بين جمهور الفريقين علي صفحات الفيس بوك، علي أمل أن يؤثر كل مشجع بالسلب علي مشجعي الفريق الآخر.

و من هذا المنطلق، تتوالي الخطط التدميرية والنكات الساخرة، ولا مانع من تركيب الصور المضحكة من كلا الجانبين، مع بعض تعليقات "الوصاية" التى تصاحب كل صورة، حتى تهتز نفسية اللاعبين مسبقا قبل المباراة، والأكثر تهكما هو الرابح في مباراة الفيس بوك.

- قوتنا مش إننا رقم واحد ... مش ناسي إننا في يوم اتغلبنا ستة واحد ... و لا ناسي ان المنتخب كتير مش بياخد من عندنا و لا واحد ... و لا ناسي إننا سنين مش بنكسب بطولة حتى في الموسم الواحد ... قوتنا في قوة كل واحد ... و هنشجع الزمالك حتى لو كان ترتيبه آخر واحد

- أنا زملكاوي انتم مين ؟

أنا اللي بشجع فرقتي من التالته يمين

أنا فارس من الفرسان مش من اللماليم

أنا اللي عمري ما خدت بطوله بظلم وتحكيم

أنا اللي حميت البلد وانتم نايمين

أنا اللي شاركت في الثورة ضد الفاسدين

أنا اللي هيشجع الزمالك ليوم الدين

أنا نادي مبادئ وقيم مش نادي كوهين

- أنا زملكاوي و بطولاتي حلال

- قال إيه خدتوا الدوري 35

تلاتين تحكيم والباقى إحنا اللى سايبين

بالفخر 11 دوري هندسة تفنين

معظمهم لعب والباقي .....الباقي تعليم

بتقولوا على اسيادكوا دول بوابيييييين

وانتو حرامية وعربجية ولماليم

- فاكرين 2003 ولا مش فاكرين ... هتقولي أنت بتحلم ... هقولك سبني احلم لوحدي ملكش فيه.

- واحد أهلاوي قوى حكموا عليه بالإعدام.. بعد ما علقوه في المشنقة قعد يشاور ويخبط بأيده ورجليه ففكروه عاوز يقول حاجه مهمة.. ففكوه ونزلوه بسرعة.... فبص لهم وقال: يا جزم كنت هتخنق.

- واحد أهلاوي بيقول لخطيبته لما ازمرلك انزلي

قالته

هو أنت اشتريت عربية قاللها لا اشتريت زمارة

- إذا أردت شيء بشده أطلق سراحه فان عاد إليك فانه ملكا لك إلى الأبد كلمتى قبل متش القمة.

ليأتي الجزء الأصعب من الخطة الجهنمية التي يفكر جمهور الزمالك فى الارتكاز عليها، وهي الهتاف بجملة " الشعب يريد يارا نعوم" مع توزيع عدد من البوسترات الكبيرة لـ يارا وهي بملابس البحر والتي كانت ترتديها أثناء اشتراكها في مسابقة الجمال مصر، ورفعها لأعلي حتى يراها و يسمع اللاعب "عماد متعب" ويتأثر أداؤه داخل الملعب، وتصل رسالة واضحة لجمهور الأهلي الذي سب شيكابالا والكابتن حسام حسن و إبراهيم شقيقه مسبقا.

- يا جماعه بما إن الدوري للأهلي والأهلي هيفوز ع الزمالك، أنا بقترح على حسام حسن يبدل النقاط بتاعتو بتاعت الماتش بدقايق بيبسي بدل ما تضيع كده ع الفاضي

- مرة واحد صحفي بيسأل جوزيه انت بتفطر لعيبة الاهلي ايه رد جوزيه وقال فول.......قاله طيب الغدا ايه قاله فول....قاله طيب العشا ايه قاله فول برضه.....راح الصحفي زهق وقاله علي كده بقي ايه الفرق بينهم وبين البهايم رد جوزيه وقاله خمس نقط

- الزمــالك طـــول عـــمره مــذلـول ومحــمص ..

محــــروق ومتـــقرطــــس . مــــهو بقــــاله 100سـنه مـــطورش نفـــــسه ..

هـــــما قــــالو إن كده كفــايه والزمــالك مـــش هيكــسب تــاني

وأخــــترنا الأقـــرع وأخــوه .. وسمنـــاه الــزمالك ديلايتــــس

وعملناه بخطين حمر وبجلابية وشبشب

الزمـــالك ديلايتس فـــريق عـــــمره ما هـــــياخد الــدوري

- سعد زغلول قال إيه للزملكاويه؟ مفيش فايدة

- إعلان فودافون الجديد(بصوت عادل إمام): غريب الزملكاوى ده,فاكر نفسه أهم واحد ,فاكر نفسه هياخد الدوري من ماتش واحد,وبعد ما شال 3/1 و 6/1 جاى يساوى نفسه بنمره واحد, بس الاهلى بيطمن كل واحد.......يوم الاربع هنحط عليهم واحد واحد؟

- لما الزملكاوية دعو من قلبهم (الشعب يريد الدوري يا عميد ) نسيو حاجتين . الأولى أن الشعب هو الأهلي وان أحمد حسن هو العميد.

- عاجل|مصر| الأهلي يطالب الزمالك

بإيجار المركز الأول عليهم 24 أسبوع متأخر

- أهلاوي دخل علي زملكاوي المستشفي ، لقي أنه تعبان خالص قاله معلش ستة وتزول

- الزمالك مش بتاع بطولات الزمالك بتاع ساندويتشات

أهم أخبار مصر

Comments

عاجل