المحتوى الرئيسى

حوار مواطن قرفان بقلم:محمد الشيخ يوسف

06/25 20:26

أولاً بعتذر لأني راح أكتب هالمرة باللغة العامية، يعني لغة الشارع والناس وبياع الفجل وسواق التكسي، وحلاق المنطقة إلي ما بحب أحلق عنده، وأبن جيرانا إلي بينتظر بنات المدارس كل يوم وهما مروحات، وكمان لغة الدكتور إلي مخلص من روسيا أو ألمانيا، وبيقوم يعالجك وهو قرفان، هادا طبعاً لو رحت على مستشفى الشفا، بس لو رحتله على العيادة بيشيلك على كفوف الراحة، وكمان لغة دكتور الجامعة إلي بيقضي المحاضرة قصص وحواديت، وأخر الفصل بيجيبلك إمتحان بتفكره من مادة تانية أصلاً.

ملاحظة: هذا المقال مكتوب وأنا لست بكامل قوايا العقلية، وغير مسئول عنها أبداً !

لماذا الشعب الفلسطيني خامل ؟

لانه شعب طيب وغلبان، وبيفكر إلي حاكمينه منه وفيه، ومنه وعليه، بس هما في الحقيقه عليه وبس، وكمان لأنه مش فاضي يعني طول النهار بيجري والحكومة بتقوله يلا بسرعة يا مواطن، لانوا المواطن لو ما ركض بسرعه، ما راح ياكل ولا راح يشرب ولا يتعلم ولا يسكن ولا يتجوز.

طيب ليش الناس طلعت عالشارع في 15 آذار؟

طلعوا عالشارع لأنهم زهقانين، وكانوا مفكرين أنهم هيروحوا هناك ويصيروا مبسوطين والإنقسام يكون إنتهى، لأنهم مفكرين إنوا هالوضع سببه الرئيسي هو الإنقسام، ولأنهم تعودوا على الركض وبسرعة، برضوا روحوا بسرعة وجراي كمان.

لأنك لو لاحظت في 15 آذار كانت الناس بتضحك، ومبسوطين أولها طبعاً، وبياعين الفلافل والسندويشات المتجولين، إلي الفلافل تبعهم أصلاً شبه مضر في الصحة، كانوا يوزعوا سندويشات ببلاش، والأطفال راسمين علم فلسطين على وجهم والشباب بيغنوا والصبايا بتهتف، وحتى الأمهات والأباء كانوا موجودين مع أولادهم، جزء منهم أجا ليشارك أولاده، والجزء التاني أجا لحتى يتطمن عليهم ويحميهم، بس للأسف يا فرحة ما تمت، بياع الفلافل أتندم عالسندويشات، وإلي راسم العلم روح وغسلوا وقال ملعون أبو فلسطين.

مين أهم حقوق المواطنين ولا حقوق الحكومة ولا حقوق الحيوان؟

طبعاً المواطن يا ضنايا، بلا حكومة بلا أحزاب بلا دكاكين، بلا منظمات، المواطن هو أهم شي في البلد، وإذا ما كان المواطن مهم، ها مين المهم؟، هو يعني علشان في فلسطين ما بيحترموا حوق الحيوان، ما تحترموا حقوق الإنسان كمان، أصلوا المواطن لو ما أحترمت حقه، كمان هو ما راح يحترم الكلب إلي ماشي في الشارع، مهو مسكين مش قادر يفش غله في الحكي بيروح يفشه في حيوانات المنطقة، وأحيانا ممكن يصنف مع العصبية والضغط استاذه أو جاره أو أخوه أو أبنه، أو مرته أو مديره على إنه حيوان ويضربه.

قال التفكير مضر في الصحة؟

عزيزي المواطن، بما إنوا أنا واقف في صفك وبجانبك، ما تزودها يعني، أكيد التفكير مضر بالصحة ويسبب إسهال العصي والكرابيج، وتلبك في العقل، وتشنجات مع الحكومة، وإضرابات قانونية، لذلك ما تتعدى حدودك وتفكر، لأنك لو فكرت راح تحكي، ولو حكيت راح اتزعل حدا، ولو زعلت حدا من الكبار، يا ويلك يا سواد ليلك.

الشباب بدهم يهاجروا وقرفانين، طيب ليش هيك؟

أهم أخبار مصر

Comments

عاجل