المحتوى الرئيسى

رامى محمد زين يكتب: لوما كانتش نجحت الثورة

06/25 08:38

سرحت بخيالى مرة

وقولت كان أيه اللى هيحصل

لو ما كانتش نجحت الثورة

وكنا لفين هنوصل

كان هيتغير اسم ميدان التحرير

وكان المسئولون هيلفوا داير ع الكعب

ف مصر بمظاهرات ياما كتير

بتقول النظام يريد تغيير الشعب

كان هيفضل مبارك رئيس

وجمال بيجهّز نفسه وريث

وكانت هتفضل السلطة عروسة

للمال وهو ليها عريس

وكان هيطلع قرار بقفل كنتاكى

وكانوا هينفخوا الثوار يا بلدى بهواكى

وكمان كان هيتقفل الفيس بوك

عشان م البداية ياثورة كان معاكى

كان الوطنى هيفضل يزور الانتخابات

وغالى يخترع فى ضرايب ويقولى هات

وكانت هتفضل البلد تتسرق

والمواطن المصرى عايش ع الفتات

كانت هتتمد الطوارئ سنين

وكانت كل أسرة هيكون منها اتنين مساجين

وكانت الداخلية هتعمل كل أسبوع

مليونية التعذيب الجماعى للمصريين

أهم أخبار مصر

Comments

عاجل