المحتوى الرئيسى

علاقة الحب بالدخل القومي بقلم:شاذلي دنقل

06/21 20:00

هناك علاقة وطيدة الصله بين الحب والدخل القومي حيث ان اساس تقدم الشعوب ورقيها ونمو أقتصادها يبدأ من الحب ولكن بصفه خاصه في مصر الحب يؤثر وبقوة في دفع عجلة الأنتاج أبتداءا من مرحلة المراهقه والعنفوان الي الممات و تبدأ تلك العلاقه الوطيده حين يحب فتي فتاه ويتشحتف عليها ويحاول مرارا وتكرارا ان يصل لها لتكون شريكة حياته وطبعا اثناء تلك المحاولات هناك مصاريف تليفونات وكروت شحن مما يساعد علي زيادة دخل شركات الأتصالات أيضا لابد خلال تلك الفتره يأخذ الفتي حبيبته ألي دور السينما مره والي حديقة الحيوان كي يشاهدا ألأسد والفيل ابو زلومه وقطعا تلك الأماكن بفلوس يعني مش مجانيه وهذا يساعد عجلة الأنتاج الحيواني اقصد زيادة الدخل القومي لحدائق الحيوان والنبات والاسماك وجميع الحدائق العامه بعد ان ينتهيا من الفسحه في احدي حدائق مصر الشهيره لابد ان يركبا مركب ف النيل أو حنطور سواقه رخم حبتين واهو كدا يعملوا علي زيادة الدخل لهم وبعد الانتهاء من الفسحه يذهبا سويا الي احد المطاعم وهذا يساعد ايضا علي زيادة الدخل القومي بغض النظر عن حدوث تلبك معوي لهما من عدمه ولاننسي طبعا الفيشار الساخن في دار السينما والترمس علي الكورنيش وكوز الدره المشوي والبطاطا ومعسله يا بطاطا ..ولا ينسوا أيضا ان يزورا يوما ما الأماكن السياحيه مثل المتحف المصري والقلعه والاهرام للمشاركه في العمل التنموي وتشجيع السياحه الداخليه وتشجيع كل ما هوا داخلي وقطعا في خلال المراحل المختلفه لتلك العلاقه يحدث كثيرأ من المشاكل والمصاعب من جانب كل شخص وهنا تبدأ مرحله جديدة لزيادة الدخل القومي وهي المهدئات ودكاترة الطب النفسي وتتكرر جلسات العلاج و يا هنيالك وانت بتتمرجح علي الشازلونج...محلات الهدايا من عطور ودباديب وقلوب سيحدث لها رواجا هائلا اكيد حكم الهدايا بين الحبيبه مهمه قوي( اديني بقولها مهمه قوي )..اما المحلات الحريمي والرجالي فلها نصيب هي كمان أولا محلات الملابس كل واحد عاوز يلبس أشيك هدوم قدام حبيبته وكأنه ملبسش طول حياته مثلا (ماعلينا ) المهم كمان محلات المكياج والعطور بقي البنت عاوزه تكون ملكة جمال قدام حبيبها من الأخر وطبعا لاننسي أكيد ان الولد كمان هيروح يظبط شعره في افخم صالونات الحلاقه وادي كمان دفعه تانيه للأقتصاد المصري ومش هيروح طبعا عند عم عبدة الحلاق لا دا هيروح عند افخم صالون فيكي يامنتكه.حتي بعد الجواز دا ان حصل يعني بينه وبين اللي بيحبها وقدر يتجاوز عقبة ابوها اللي واقفلهم ف النص وتوج هذا الأنتصار العظيم بالزواج المليء بالحب فخد بقي ايشي شبكه وشقه وتجهيزها بكل مستلزماتها و..و.وهلم جرا من طلبات وفرح ف مكان كويس والبنت طبعاابوها بيجهزها احلي جهاز هي يعني بنته تقل ايه عن بنت تنت زيزي مش كل دي مصاريف وزيادة للدخل القومي وما أن يمر عام من الزواج سنه واحده والأقتصاد هيقل بقي حد هيسألني ليه هيقل بقي هقولك كل الهدايا والدباديب والفسح والمكياج وخلافه هيتمحي مع مرور الأيام ولكن جهتين بس هما اللي هتستفيدوا منهم الاول البقال والثاني بتاع الخضار وتنتهي الرومنسيه ب(هتغدينا ايه انهارده يا وليه ) (وأل أطبخي يا جاريه كلف يا سيدي)

شاذلي دنقل

9/6/2011

أهم أخبار مصر

Comments

عاجل