المحتوى الرئيسى

قدم أفكار تنفع قريتك أو حيك بقلم:احمد الطنانى

06/20 22:14

قدم أفكار تنفع قريتك أو حيك

بعد ما انتهي عصر الفساد والظلم دلوقتي حان وقت التفكير فى مستقبل بلدنا

علشان كده لازم نفكر ولازم نقترح ولازم نبقى شركاء ولينا صوت

يا شباب شبين القناطر دي فرصتنا دلوقتي لكى نكلم كل السياسيين وكل الوطنيين إللي عايزين يعملوا حاجة للبلد ...... ونقول لهم الشباب المصري عايز ايه.

يا ريت كلنا نشارك بالاقتراحات .....ونشارك بالتصويت على اقتراحات غيرنا .....عشان نقدر نعرف إيه الخطوات المهمة عشان بلدنا تتقدم

قدم أفكار تنفع قريتك أو حيك . أفكار تنفع بلدك مدينتك ومركزك أفكار للمحافظة كلها في مختلف المجالات

ونحن بدورنا في " رابطة مؤيدى احمد الطنانى لمجلس الشعب " نتوجه بدعوة الشباب وجموع المواطنين بالمحافظة للتقدم بأفكار ومقترحات إبداعية لتطوير المحافظة ومركز شبين القناطر في مختلف المجالات .. سائلين الله أن تتوج بالتنفيذ والنهضة لبلدنا ومصرنا الحبيبة.

احمد الطنانى

من ائنلاف مصر فوق الجميع

الافكار المقترحة

1- الاهتمام بنظافة المدن والقرى حتى تظهر بالمظهر اللائق.

2- توعية الشباب والفتيات بالالتزام بالزى الاسلامى ومحاربة التقليد الغربى والموضة المخلة,وكل واحد عنده ابن اوبنت او اخت يتقى الله فيه لانه هيتحاسب على ده..... تيسير امور الزواج ومحاولة انشاء جمعيات خيرية للمساعدة فى ذلك

3- قيام الجمعية الزراعية باداء دورها المنوط به ومساعدة الفلاحين فى توفير البذور والكيماوى... ومحاربة مشكلة حرق قش الارز ومحاولة الاستفادة منه... زراعة كل بيت لبلكونته أو سطحه بأي نبات ... الاهتمام بالحدائق وانشاء حدائق جديده ... عمل لجنه شبابيه لتشجير الحى .

4- عمل مشروع تقليب زبالة البيوت مع أخذ الزبالة من كل بيت يومياً وأعطاء صاحب البيت قبلها مجموعة من الأكياس لكي يضع فيها زبالة بيته ثم بعد ذلك نحدد مجموعة كبيرة من الشباب متطوعين في بداية المشروع هؤء المتطوعين يمرون على كل بيت ويأخذون زبالته في كيس مخصص للزبالة ثم يعطوا لصاحب البيت 5 جنيه حتى يشجعون الناس واليوم الذي يتخلف فيه صاحب البيت يثبت أنه رمى الزبالة من البلكونه فيدفع بذلك غرامة 5 جنيه للشباب.

5- عمل مشروع تدوير مخلفات الورق إلى أوراق تستخدم في التصوير.... وتدريب الشباب على هذا المشروع الرائع فإن مصر تستهلك ورق كثير وتستورد منها كثيراً .

6- زيادة اعداد الافران ... وحل ازمة العيش ابوتراب ورمل عشان الناس تعرف تاكله.... وتوزيع الحبز فى الاكشاك .... الاهتمام بادارة المراقبة التموينية ونختار ناس بيخافوا ربنا.... تفعيل دور المجالس المحلية وحسن اختيار القائمين عليها حتى نتاكد من امانة وصول الخدمة للناس..... الاهتمام بالسلع الغذائية الاساسية.

7- الاهتمام بالمساجد والجوامع وتعيين الائمة والخطباء المناسبين وكفاية حفظنا خطب بتوع الاوقاف... عمل لجان لتحفيظ القران والسنه ... الاهتمام بالايتام فى الدين والحياه... تنشيط الجانب الايمانى عند الشعب بالدروس والموعظه الحسنه.

8- يتم اغلاق القهاوى من الساعه11 مساء صيفا 10 مساء شتاء

9- تنظيم المرور بحيث يوجد كاميرات فى اشارة المرور وعدم دخول السيارة فى الشوارع التى بيها محلات تجاريه حتى لايحدث زحام .... منع التدخين نهائيا فى المواصلات .... تنظيم حركة المواصلات والمرور وعمل مواقف ثابتة لكل مدينة .. بالنسبه لسيارة السرفيس يتم تحديد الاجره واماكن المواقف ووضع كشف فى السياره يبين اسم سائق السرفيس ووجود كارنيه للتباع محصل الاجره وعدم حمل ركاب فوق العدد ويكون حاله السرفيس جيده ويمنع التدخين نهائيا.

10- اعادة تنظيم الاسواق الخاصه بالخضار والسمك وتكون فى مظهر جميل بحيث ان يكون هناك دكان لكل بائع....

11- عمل لجنه من المدرسين والمدرسات فى كل حى لمحو الاميه وعمل بعد فتره مسابقه فى اقل حى يوجد به اميه.... الاهتمام بالتعليم لان ده اساس نهضة اى بلد.... عمل دورات كمبيوتر وفوتوشوب.... عمل دورات فى حرية التعبير ولغة الحوار .... عمل لجنه لتجميل المدارس الابتدائيه والاعدادى والثانوى .... عمل لجنه من شباب الجامعه لتجميل الجامعات

12- وضع ارقام التليفونات الخاصه بالدفاع المدنى والاسعاف والبئيه والشرطه فى اماكن واضحه للاستعانه بها ..... عمل قاعده بيانيه لكل حى من حيث عدد الشباب والاطفال والنساء وعمل كل فرد تكون من اختصاص مسئول الحى المنتخب.

13- عمل كارنيه لكل فرد وذلك اكى يتمكن صاحب مستودع الانابيب بتسليمه النبوبه الخاصه. به حتى لاياخذها احد اخر ويتم توصيلالى البيت فى مقابل 1جنيه فقط.

14- عمل دورات لكل حى على فى الاسعاف والدفاع المدنى.

15- الاهتمام بتفعيل حملة ايميل لكل مواطن.

أهم أخبار مصر

Comments

عاجل