المحتوى الرئيسى

العدل ح‮ ‬يفقد معناه

06/17 14:39

بيقولي التلكيك كده طـــــــــــوّل‮ ‬والبهوات بيجاملوا الريـــس

وأنا خايف اصدق شيطانـــــــي‮ ‬وكلامه‮ ‬يدخل في ودانــــــي

وأروح شرم الشيخ بمظاهـــــرة‮ ‬إن شالله ارجع متجبـــــــــس

‮......‬

من بعد الظلم اللي انا شوفتـــــــه‮ ‬الصبر نفد‮ ‬غصبٍ‮ ‬عنــــــــي

وانا خايف تطلع في دماغـــــــي‮ ‬ولجام الزوق‮ ‬يفلت منـــــــي

واسافر علي شرم الشيــــــــــــخ‮ ‬ومعايا دستة صواريـــــــــخ

واهد المستشفي بحالهـــــــــــــــا‮ ‬وكفايه سنين وانا مستنـــي

‮......‬

العدل هايفقد معنـــــــــــــــــــــاه‮ ‬ومعالي الريس بيماطــــــــل

متعوّد‮ ‬يمشي بمزاجـــــــــــــــــه‮ ‬ويمشي اوامره بالباطــــــــل

وانا شايف العدل بطــــــــــــــيء‮ ‬في رقبته دماء الف بــــريء

وشباب اتعلم واتخـــــــــــــــــرج‮ ‬وصبح عشرين مليون عاطل

‮......‬

الجمعه الجايه انا طالـــــــــــــــــع‮ ‬من بدري علي شرم الشيــــخ

مش راجع‮ ‬غير ومعايا‮ (‬حسني‮) ‬إن شالله‮ ‬يكون في المريــــــخ

لازم بالعدل هايتحاكــــــــــــــــــم‮ ‬إن كان مظلوم أو كان ظالـــم

وكفايه القرع اللي مفــــــــــــــرع‮ ‬ومبقلظ زي البطيـــــــــــــــخ

‮......‬

أنا حاسس كده إن سيادتـــــــــــــه‮ ‬دلوقتي بيتمني المــــــــــــوت

لكن الموت مش هايجيلــــــــــــــه‮ ‬من قبل العلقة ما تفــــــــــوت

ويشوف أفعاله بعنيــــــــــــــــــــه‮ ‬وكلبش الثورة في إيديــــــــــه

ويجيب المال المتهــــــــــــــــــرب‮ ‬واعده وراه بالسحتــــــــــــوت

 

أهم أخبار مصر

Comments

عاجل