المحتوى الرئيسى

روحتى فين..

06/12 08:15

بتسمعى مزيكا..

ولا بترسمى..

ولا ابتديتى تحلمى..

وقررتى فجأة

تتمردى ع الرتابة..

لو كنتى راجعة تكتبى..

بإحساسك المليان دفا

أرجوكى..

إوعى تبطلى كتابة..

ولا انتى قعدة بتلعبى ف قصاقيص ورق

وشاردة بعيد

وبتسرقك نفس الحاجات..

وتقومى تجرى تلحقى

الرز اللى شاط..

وما تلحقيش..

ولا انتى سرحانة ف مفيش..

ولا انتى واقفة قدام مسألة

محيرة بنتنا

ليلة امتحان آخر السنة..

ولا انتى مشغولة بيا أنا..

وافتكرتى تقصرى

رجل بنطلونى الطويل

ولا انتى لسة بتحسبيها

أهم أخبار مصر

Comments

عاجل