المحتوى الرئيسى

المتهم بقتل السلفى وزوجته: ارتكبت الواقعة وقت صلاة الجمعة

06/09 19:41

قال المتهم بقتل الشيخ السلفى وزوجته إنه شاهد الشيطان يضحك فى مسرح الجريمة عقب مقتل الضحيتين، وأضاف المتهم فى المعاينة التصويرية التى أجرتها نيابة جنوب الجيزة صباح أمس أنه يطلب القصاص للقتيل ويريد أن يستريح، وطالب بتنفيذ حكم الإعدام ضده، وقال فى اعترافاته أمام هشام حاتم، مدير النيابة، ومحمود عبود، وكيل أول النيابة، إنه ارتكب الجريمة واغتصب الضحية أثناء صلاة الجمعة ومسح بصماته كاملة، وباع الذهب المسروق بـ1400 جنيه، اشترى بـ800 جنيه هيروين ووضع المبلغ المتبقى فى صندوق مسجد، وأمر المستشار مجاهد على مجاهد، المحامى العام لنيابات جنوب الجيزة، بحبس المتهم 4 أيام على ذمة التحقيقات ووجه له تهمة القتل العمد المقترن بالسرقة والاغتصاب.

قال المتهم أمام النيابة: «أنا هقول كل حاجة علشان أريح ضميرى وربنا يسامحنى.. أنا اتعرفت على الشيخ أحمد - الله يرحمه - من سنتين وحفظنى 8 أجزاء من القرآن وكان بيحفظ ولادى قرآن.. يوم الخميس قبل جمعة الغضب الثانية كلمته بالتليفون وسألته أروح أشارك ولا لأ.. وتانى يوم الصبح صحيت وتعاطيت هيروين وأخدت باقى الهيروين فى سرنجة وروحت على بيت الشيخ أحمد.. وبعد كده قولتله عايز أدخل الحمام وأخدت جرعة من الهيروين.. بعد شوية قولت لنفسى لازم اغتصب زوجة الشيخ.. وقولتله أنا هنزل أشترى حاجات علشان نشرب (تلبينة) وهو شراب من اللبن وبعض الأعشاب الـ(شيخ) بيحبها وروحت صيدلية وطلبت شريط منوم لأن أخويا بيتعاطى مخدرات ومش بيعرف ينام، واشتريت لاصق طبى.. وطلعت بيت الشيخ ودخلت المطبخ وعملت (التلبينة) ووضعت فى الكوب الخاص به 7 أقراص مخدرة.. بعد شوية لقيت الشيخ بينام حطيت لاصق طبى على فمه وخنقته من رقبته وقاومنى وسقطنا على الأرض ومات بعد 5 دقائق ومراته سألتنى إيه اللى بيحصل قولتلها الشيخ تعب شوية وخرجت وهددتها بسكين وأجبرتها على خلع ملابسها ومارست معها الجنس بالإكراه بعد أن أوثقت يديها من الخلف ووضعت لاصق على فمها ثم خنقتها وذبحتها من رقبتها».

وأضاف المتهم: «مسحت بصماتى من داخل المطبخ ومن السكين وأخذت معى اللاصق الطبى والأقراص المخدرة والسرنجة وتوجهت إلى مدينة رأس البر حيث زوجتى، وراجعت نفسى قبل أن أعطيها الذهب لأنها ستعرف أنه خاص بزوجة الشيخ أحمد.. وتوجهت إلى صاحب محل ذهب بدمياط وبعت المسروقات بـ1400 جنيه واشتريت هيروين بـ800 ووضعت الباقى بصندوق داخل مسجد بالهرم.

وأجرى المتهم معاينة تصويرية اعترف فيها بالجريمة كاملة وطالب بأن ينفذ ضده حكم الإعدام.

أهم أخبار مصر

Comments

عاجل