المحتوى الرئيسى

فرحنا بالولد .. طيب وينو ..؟ بقلم محمود الشاعر

06/05 19:07

كتب : محمود ماهر الشاعر فرحنــا بالولد .. طيب وينو .. ؟ بعد أن ملَّ الشعب مِن الانقسام على مدار أربع سنوات عِجاف .. جاء الخبر المُفرح للشعب بتوقيع اتفاق المصالحة في 3/5/2011 وهلل الشعب وفرح وزمر وعمل كل شي يدل على فرحته بالمصالحة . من جانب آخر .. طلعوا السياسيين ولقولهم شغلة يحكو فيها يومين .. تلاثة .. أربعة .. شهر .. عن المصالحة وأبجدية المصالحة .. وكذلك القنوات والإذاعات والمواقع الإخبارية .. تتابع أول بأول أخبار المصالحة . وكمــان قرأنا مقالات .. انو أخيراً جاء مولود فلسطيني سيعيش في أحسن أحواله وسينعم بالرخاء والاسترخاء والحياة الهنيئة .. طيب وبعدين .. وين الولد .. إحنا ما شفناه غير بتقارير طبية سياسية .. يعني على الورق .. مر شهر والحال لسة على ما هوَ عليه .. لم يتغير شيء .. حكومتين لعشب .. والمصالحة على الورق. ولا يمكن إحنا يا جماعة الخير ماخذين صورة غلط عن المصالحة .. آه يمكن ليش لأا .. تعالو نشوف المصالحة بعيون بعض الناس .. بتلاقي واحد بحكيلك الحمدلله صارت المصالحة والشعب عايش .. طيب كيف يا عمي الحج .. بحكيلك انا هيني بشغل أغاني فتح وبدخل على أي لجنة وبطلت أخاف زي قبل .. وواحد بحكيلك المصالحة في إنو على فتح رجع بين بالشوارع .. والي في الضفة بحكيلك انو المصالحة في انو حماس عقدت أول مهرجان لها في ساحة المنارة يُعد الأول لها منذ أربع سنوات أي إنهاء الانقسام . يعني هيا هيك المصالحة واحنا فاهمينها غلط طيب هاد بس الي صار على الأرض .. برضو الولد لسة ما بين .! طيب خلي الي بحكي مجنون والي بسمع عاقل .. تعالوا معي وشوفوا وينو الولد .. بكلي يا ناس موجود واحنا مش حاسين فيه .. لما الإخوان قرروا يوقعوا المصالحة .. إتفقو على كثير شغلات أبرزها ويمكن أهمها.. من باب التذكير والتفكير - تشكيل حكومة مؤقتة مكونة من مرشحين مستقلين يمتلكون مؤهلات وطنية ومهنية يتفق عليها كلا الطرفين. وسيكون للحكومة الانتقالية ست أولويات رئيسة: 1- تهيئة الظروف لانتخابات رئاسية وتشريعية وانتخابات مجلس وطني. 2- الإشراف على تنفيذ بنود الورقة المصرية. 3- تسوية القضايا المتعلقة بالمؤسسات الخيرية والأهلية. 4- التعامل مع القضايا الأمنية والإدارية الناجمة عن الانقسام الفلسطيني. 5- توحيد مؤسسات السلطة الوطنية في الضفة الغربية وقطاع غزة والقدس. 6- الاستمرار في بذل الجهود التي تهدف إلى إنهاء حصار إسرائيل لغزة وإعادة الإعمار في القطاع. وين هادي الحاجات .. شو صار منها .. وإن ما صارت وكتيش بدها تصير .. ؟ أصبح إنو الولد ما بين للحين .. يعني الواحد صار يقلق كثير على هالمولود .. ولا يمن لسة في بطن فلسطين وفي ناس بتحاول تنزله ميت علشان ما يفرح شعبنا مرتين .. مرة بسماع خبر إنو بدو يِهل علينا . ومرة لما نشوفه بين إدينــا

أهم أخبار مصر

Comments

عاجل