المحتوى الرئيسى

بالفيديو - ابراهيم حسن ينفجر فى "الأهلى والجبلاية والحكام" بألفاظ نار وشتائم

06/05 00:18

  كتب مؤمن سامى في 2011-06-05 الساعة 01:13:42 26 26 انفجر ابراهيم حسن مدير الكرة بنادى الزمالك  فى الجميع وفتح النار  بألفاظ قوية وصلت لحد  الشتائم تجاه الأهلى وقناته ومسئوليه واتحاد الكرة بمسئوليه والحكام  والمراقبين للمباريات .وقال  ابراهيم فى تصريحات  لبرنامج "كورة اون  لاين" على قناة "مودرن  حرية"  " فى حملة من قناة تبع نادى منافس "الأهلى" والأخوة اللى قاعدين فيها ملهمش لازمة  ومحروقين منى كل حلقة يهاجمونى ومنهم الأراجوز اللى عمال يشتم فى الحكام دايما ومفصول من كل القنوات والجميع يعرفه بجد الموضوع بقى مقرف على الأخر "وحول  ايقافه لمباراة واحدة  وتغريه 5 الاف جنيه لإعتراضه على الحكم فى مباراة المقاصة قال " فى اخ شد الحكم قبل كده "سيد عبد الحفيظ مدير الكرة بالاهلى وغرمه اتحاد الكرة بـ 10 الاف جنيه مع ايقاف مباراة فقط رغم انه يستحق الإيقاف حسب اللوائح 6 مباريات " .واضاف " نفسى افهم لسه اتحاد  الكرة ليه عين  ولسه عنده لسان يوقع عقوبات على جمهور  الزمالك اللى اتظلم  فى مباراة المقاصة  المفروض مسئولى الجبلاية يقدموا اعتذار رسمى للجماهير البيضاء  ومفروض يتلموا شويه انا مش فاهم ايه  البجاحة بتاعتهم  دى " .وهدد  قائلا " اللى كتب  فى تقريره ان جمهور  الزمالك قام بالقاء الطوب فى مباراة المقاصة  معندوش ضمير واى حكم  او مراقب مش هيحترم نفسه وهيحترم الجهاز الفنى للزمالك  انا مش هسكتله ،  وهأبقى مسمار لحد  ما اتحاد الكرة  ينضف خالص " .وتابع " يجب فصل المؤسسات الحكومية عن الأندية  ولابد من تغيير  جذرى فى الرياضة والإعلام الرياضى الذى اصبح ملىء بالفساد ،  وانا صدرى مفتوح للتصدى لأى فاسد " .الفيديو بعد قليل ...

أهم أخبار مصر

Comments

عاجل