المحتوى الرئيسى

ندى عبدالرحمن حامد تكتب: فى الميدان

05/31 09:49

فى الميدان يعنى الحرب يعنى يارب فٌك الكرب يعنى اللى جاله قلب يقتل ولادنا مـ الآخر مش مصرى إسرائيلى بريطانى هو له شكل تانى مش شكلنا مش دمنا ودلوقت اللى يجن الواحد إننا كلنا واحد فى الميدان الكل مصرى الكل جيران بس مش عشان بنحارب بس عشان الكل حابب يقول كلمة تريح أهلنا فى الميدان تلاقى الكل كرامة وعزة ومفيش ذل شباب مش ذى الفل لأ هما أصل الفل أخلاق ورجولة واستشهاد ميلاد يكتب الأمجاد بس المصيبة القاتل المرة دى مصرى ايوه معرفش الزاى غسلوا مخه غسلوا دمه بقى كل اللى يهمه تراب الفلوس ياه على النفوس الضعيفة وسط التروس ترس الحياة لازم يدور بس بلاش على إخواتك تدوس فى الميدان تلاقى البت السمرة والحلوة وشباب بيغنى من قلبه غنوة بس اتغدر بيهم عنوة وهدروا دمهم بالقوة وجبروت القوة استقوى مابيحسبهاش زينا ايه يعنى دول مصريين وانا مصرى مش دى هى الحكاية المهم يكون مفيش غاية المهم تنزل الرايه راية الحرية ترفرف لأ راية وثورة وكلام فاضى ايه اللى جننهم ما كان الكل ساكت كان الكل راضى وكان الميدان فاضى والا مش هيكون لى مكان فى الميدان اللى زيك ملوش مكان عهدك راح وكانه ما كان احنا هنعيش ايام احلى من دلوقت وايام زمان فى الميدان تلاقى اللى لابسين اخر موضه وجينز وجلاليب وعبايات وقمصان وجواكت لجل البرد نايمين كلنا ع الارض بنسعف بعض بنقوى بعض عشان بكره لما يجى كلنا نعلى مصر بجد

أهم أخبار مصر

Comments

عاجل