المحتوى الرئيسى

إيهاب موافى يكتب: بذور الفتنة..!!

05/30 10:23

مين الجبان اللى لبس توب الشيطان؟ وظهر وكان بالعفة والإخلاص يبان مين دا اللى طامع ؟ مين اللى عينه عا لمطامع؟ فجر كنيسة وهد جامع واحد أكيد مش مننا.. أكيد دا واحد م الكيان ......................... مين اللى كان جاهل وكان قابل يساعد؟ مين اللى اتساهل ومد لهم سواعد؟ أكيد دا واحد زيهم شيطان رجيم جاحد واحد أكيد مش مننا.. أكيد دا واحد م الكيان ....................... احنا سوا عايشين هنا مع بعضنا طول الزمان مسلم مسيحى كلنا مع بعضنا اأصحاب جيران ايه الجديد........؟ مين اللى قلبه من حجر ومن حديد؟ مين اللى نفسه يردنا لعصر العبيد؟ مين اللى زى السم سارح فى الوريد؟ واحد أكيد مش مننا.. أكيد دا واحد م الكيان ...................... سايبينه ليه سارح وطايح فى الظلام؟ يبدر بذور الفتنة فى جناح الحمام أمله الأمان يتهد فيضيع السلام واحنا عنينا مغمضه وشغلنا روحنا بالكلام .......................... دا كيان جبان خاين ومن طبعه الفجور بيدوق مرار الذل من يوم العبور وعشان جبان بيخاف يواجه فى الميدان مش لاقى غير فرق تسد هى جوازه للعبور ....................... يا ناس كفاية.. يا ناس حرام تعبنا م اللى وصلنا ليه امتى بقى نبطل كلام ونشوف بلدنا عايزه ايه بعد أما قولنا خلاص هانبنى رجعنا تانى نهد ليه؟ لو هو دا حالنا انهاردة يبقى بكره شكله ايه؟

أهم أخبار مصر

Comments

عاجل