المحتوى الرئيسى

عمر مرسى يكتب: الحكم بعد المداولة

05/27 11:33

إيـه رأيك لو واحد قال لك دا الرمز وبرضك ريسنا مانسيبه ويرجع ويكمل ونسامح ونكبر راسنا ونصـالح بعض ونتراضى ونورى العالم إخلاصنا قلت الحاكم بيننـا القاضى عاللى اتحكم فينا وداسنا واللى ف يوم قلناله ارحمنـا خد أموالنا وكل فلوسنا بهدلنا وبهدل أحوالنـا شتتنا وموت إحساسنا خلانا نحس إن سيادتـه صربى بيحكم شعب البوسنة وأدى الحق لكـل الزمرة تخنقنا وتكتم أنفاسنا وتذل وتتحكم فينـا وإن حد اتكلم تخرصنا سلمنا الأمر لمولانـا رب العزة اللى بيحرسنا هو الحق وهو العـادل من ظلم الريس خلصنا مش ده الريس برضه بتاعنا قسم مصر وباعها وباعنا خلى الدنيـا معاه وف عهده ضلمه وسودا ومالهـاش معنى واحنـا الشعب الطيب عايش من يومها وهو بيخدعنا مش مدين لسيادته خوانـه خاننا وشردنا وجوعنا خلانـا نبيع اللى بيستر متصور إنه يركعنا وانـه بظلمه وذله لشعبه يقدر يهزمنا ويردعنا بس احنـا ولاد المحروسة قلنا له ومارضيش يسمعنا والدنيـا اسودت ف عنينا لما استعبطنا ولوعنا ماعرفش إن الشعب المصرى مـابيرضاش الحكم القصرى وانه بيصبر وبيبلعها وف لحظة يقوم ويولعها لو حس أن الحاكم خانـه واتكبر عالشعب وهانه يبقى الشعب إزاى يتنـازل عن معمارى السور العازل واللى اتعلى وقام بفلوسنـا ونسيبه ويطلع يحبسنا!

أهم أخبار مصر

Comments

عاجل