اجتازت مصر فترة عصيبة فى تاريخها الأخير

القاهرة 1952 .... تشبك إيدى على إيدها فى تمشيتنا ع الكورنيش تقول «الدنيا من فرحى مابتسعنيش تخيل بكره نتجوز فى عهد جديد كما غنوة صلاح وحليم ما بتغنى ومين فى الثورة ما يغنيش هنبقى شعب متحرر وهنقرر وأمر الظالم الكداب مايحكمنيش ونتضلل بدبابة فى عز الحر ونتقاسم مع الدفعة رغيف العيش ونستقوى بلون بشرتهم الطينى سما الحرية تنادينى أطير بشويش تعالى ندعى للأبطال يعيش من واجه الجبروت فى بلدى يعيش ده محلا بدلته الكاكى».. وفجأة أسرح وأنا معاكى ومن خوفى أشبك إيدى على إيدك فى تمشيتنا ع الكورنيش تقول: مالك أقول: خايف من الثورة لألاقى مصر مّداسة ببيادة جيش *من البيان الأول للجيش بعد ثورة يوليو