المحتوى الرئيسى

جورج حسنى منير يكتب: "ما تيجو ننضف قلبنا"

05/18 16:31

ما تيجوا ننور عقلنا ما تيجوا ننضف قلبنا ما تيجوا نحب بعضنا ونرضى بعملنا ربنا ما تيجوا نساعد بعضنا ونبذل كل جهدنا وندعى ف صلاتنا كلنا الهنا يحفظ مصرنا ما تيجوا نعرف بعضنا ونفتكر إن احنا كلنا ولاد آدم وحوا أمنا صدقونى إحنا عيلة وخالقها خلقها جميلة بس إحنا نحب بعضنا ونرضى بعملنا ربنا ما تيجوا نثور على نفسنا على الذات وعلى الأنا ما تيجوا نقرر كلنا نقول إحنا ونبطل أنا ما تيجوا نمسح دمعنا ما تيجوا ننسى همنا ما تيجوا نروق دمنا ونضحك فى وش بعضنا ونرفض أى حد بينا يحاول يقلب فرحنا ونركز بس فى شغلنا لأجل ندوق طعم الهنا ما تيجوا نخضر أرضنا ونروى بعرقنا زرعنا ونقول للعالم دا قمحنا مزروع هنا فى مصرنا ما تيجوا نتأكد من الخبر قبل ما نقول يا خبر ما تيجوا ننشر الثقافة وبالمرة ننضف الصحافة ونقول لأ للى يحاول ينشر ما بينا الخرافة ما تيجوا ننسى إلى فات ونبطل نحكى ف ذكريات وبالمحبة والعمل نحى وطنا اللى مات ما تيجوا نكسر الملل ونبطل نقول العلل وتعالوا نبدأ بالعمل ونحقق لولادنا الأمل ما تيجوا نمسح الدموع وفى الضلمة نئيد شموع نركع نصلى فى خشوع ونعرف الناس يسوع

أهم أخبار مصر

Comments

عاجل