المحتوى الرئيسى

أحمد شكر يكتب: من هنا وهناك

05/17 01:26

* عجيب أمر بتوع الوطنى المنحل كل ما تقابل واحد فيهم على الأقل اللى أنا قابلتهم يقول لك "كله من أحمد عز‘ خرب بيتنا الله يخرب بيته" أما هما كانوا أشرف ناس عجبى! * الغاء المجلس العسكرى لكوتة المرأة بيفكرنى بالراجل اللى طلق كل نسوانه مرة وحده "عندنا واحدة ذبحت أربع عجول بعد ما نجحت(بالتزوير طبعاً) وماخدتش منهم ثمن فرخة يا خسارة! * نفسى الأحزاب الكارتونية اللى المواطن ميسمعش عنها يبعتوها شارع مجرى العيون وتدخل المدابغ ! * أحد المشاركين فى فيلم انتخابات الرئاسة 2006 كان شعاره "طربوش لكل مواطن" لو كان موجودا معنا الآن لعدل شعاره فى الانتخابات القادمة نتيجة الفلتان الأمنى "خرطوش لكل مواطن" * أبو عز لضباط السجن "أنا معاكم لآخر الزمن وعلى عينك يا تاجر" بعد المؤبد إن شاء الله! * إبليس فى المزرعة: "طول عمرى باخد عندكوا درس ودى تكون آخرتكم؟ الحبايب "نعمل أيه يأخونا "كله من الملايكة اللى فى التحرير! * اللواء منصور العيسوى رجل شجاع لكنه مسكين زى وزير شئون مجلس الشعب "بلا وزارة"!! * أسماء حلت محل أسماء: فلول الوطنى بدلا من "الجماعة المحظورة " الكسب غير المشروع بدلا من "من أجل مستقبل أولادك" معركة الجمل بدلا من "العبور للمستقبل" الإعدام بدلاً من "التوريث" لجنة إعادة الأموال المنهوبة "لجنة السياسات" * أسماء مقترحة لشركات ومحلات بعد الثورة: التحرير للخل والبصل الثورة للمنظفات 25 يناير للمجوهرات والهدايا زنجة زنجة للحديد والبويات الفكر الجديد للصرافة القذافى للمازوت والقطران البلطجية للأسلحة والذخائر بورتو طرة للتحف والتنابل الشرم: لذوى الاحتياجات الخاصة المرتزقة للتأمين والبقية تأتى

أهم أخبار مصر

Comments

عاجل