المحتوى الرئيسى

مهمة خاصة: الأهوار المنسية!!

05/13 13:33

اسم البرنامج: مهمة خاصة مقدم الحلقة: نجاح محمد علي تاريخ الحلقة: الخميس 20-3-2008 نجاح محمد علي: أنا نجاح محمد علي في مهمة خاصة في مناطق الأهوار للاطلاع على طبيعة الحياة في هذه المناطق الجميلة والرائعة والمنسية أيضاً في جميع الحقب والعصور تعالوا معنا. أهوار العراق الجنة المفقودة يعود تأريخها إلى ما يزيد على 5000 سنة، وتعتبر من أكبر البحيرات المائية في المنطقة وهي أقدم مأوى طبيعي للكائنات الحيوانية والنباتية، وقد ذكرت بأنها الموقع الأصلي لجنة عدن المذكورة أصلاً في التوراة، وهكذا وصفها المستكشفون الأوائل، تمتد الأهوار بين عدة محافظات من الجنوب العراقي وهي العمارة والناصرية والبصرة وتشكل ربع مساحة الجنوب. عباس سيد سروط (من وجهاء الأهوار): هسه أكو عودة إلى الأهوار لأنه أكو عملية إنعاش يعني إنعاش للأهوار ليس على أساس مجمعات، بس لا زالت الأهوار يعني مو دون الطموح أقل من دون الطموح يعني لحد الآن أهلهم على نفس الوضعية مثل ما تجففت بعض مناطقهم، وهي بحق الأهوار أنا أشوفها يعني جريمة يعني هذوله الناس اللي جاهدوا والناس اللي تعبوا والناس اللي ضحوا الناس اللي تهجروا أكثر من يعني عنا قرى يمكن عشر مرات تهجرت، بيوتهم احترقت حلالهم انذبح، رزقهم انعدم وهي الفترة يعني منذ انتهى النظام المفروض يعني يصير يعني اهتمام بهي الناس اللي كانت هي يعني أساس.. كان كله منصب على الأهوار لأن الملاذ الآمن كان للحركات الجهادية وللمعارضة هو وين بالأهوار. نجاح محمد علي: سكان الأهوار رفعوا رغم الذل والقهر راية الأسياط، وهم الذين أعادوا الطيور المهاجرة إلى وطنها، لكنهم لم يعيدوا كل الطيور فالماء لم يغمر كل الأهوار. كريم ماهود (عضو مجلس النواب العراقي): لا تعاد الأهوار، ولا يستطيع أحد أن يعيد الأهوار إلى ما كانت عليه ما قبل التشييف إلا بتشكيل هيئة مستقلة ترتبط ارتباط مباشر في رئاسة الوزراء هيئة مستقلة ومن خلال هذه الهيئة المستقلة ينبثق منها مجلسين: مجلس هندسي فني من كل الوزارات ذات العلاقة الموارد المالية البيئة الصحة التربية الإسكان والإعمار والآثار. نجاح محمد علي: هور الحويزة جفف بعد الحرب بين العراق وإيران، فالقوات العراقية استخدمته أثناء الحرب كأداةٍ دفاعيةٍ وهجوميةٍ أيضاً لإغراق القوات الإيرانية خلال الحرب، ولقد تبنت مشروع إحياء الأهوار منظمات دولية عديدة، غير أن قصة الأهوار تظل طويلةً وحزينةً، تقول الحكمة السومرية حيثما تغمر المياه الأرض ينمو الخير وتخرج أجنحة السعادة إلى الوجود، الأهالي في الأهوار يعتاشون على صيد الطيور المائية وعلى صيد الأسماك، ولكن هذه الأيام بالصعقة الكهربائية، جزء من المدنية وصل إلى الأهوار فهل هو الجزء السيء. - سابقاً لم يكن مسموحاً الصيد هنا كان النظام يمنع ذلك، بعد سقوط النظام عام 2003 رجع الصيادون للعمل سابقاً كنا نعتمد على البطاريات في الصيد والآن استبدلناها بالمولدات الكهربائية، كنا نصيد أنواع متعددة من السمك ومن الحجم الكبير، ولكن بسبب طريقة الصيد بالمواد الكيميائية لا نحصل الآن إلى على السمك الصغير حيث قضت المواد الكيميائية على الأسماك الكبيرة. نجاح محمد علي: سكان الأهوار سكنوا في جزر وسط الأهوار، وهذه الجزر قد تكون حقيقية ناتجة عن الترسبات المنتشرة في الأهوار بسبب طمر الأنهار أو أنها جزر صغيرة يصنعها السكان لأنفسهم بجمع كمياتٍ من القصب البردي وكبسها يدوياً فوق الماء وإقامة البيوت عليها. حسين خلف (رئيس عشيرة البوغنام): هي اليابسة يسمونها.. نعم هاي الصواييد اللي يصيدون بهي البرقة يريدون هم مأوى ومسكن من هنا فلما يخلصون مثل وسيلة الراحة هي يجردون القصب مالها ويحشونه ويفرشونه جوا حتى يقعدون عليه ويسوي لهم أكل بيه وياخذوا راحتهم. نجاح محمد علي: هسه هذا الهور كله كان يابس قبل؟ حسين خلف (رئيس عشيرة البوغنام): على عهد النظام السابق البائد هي كانت ناشفة من الحدود العراقية إلى الحدود الإيرانية كلها ناشفة.. نجاح محمد علي: بالتجفيف صارت؟ حسين خلف (رئيس عشيرة البوغنام): نعم بالتجفيف، وحتى الشقوق اللي هسه شفنا بيها ماء كانت الناس ماء ماكو حتى شرب ماكو، تحفر آبار مترين حتى يحصلون على المي اللي يشربونه. نجاح محمد علي: شو الأشياء اللي يعني الحيوانات اللي يصيدوها الصيادين؟ حسين خلف (رئيس عشيرة البوغنام): إحنا أول مرة بالنسبة لصيد الأسماك نعم الأسماك موجودة هي الناس على رزقها وهي مصدر العيشة الأول هي لصيد الأسماك للناس.. نجاح محمد علي: أنواع الأسماك؟ حسين خلف (رئيس عشيرة البوغنام): اللي يشتهر كان قبل القطان والبني اللي موجود هنا حالياً هذه سمتي لقب على عهد عبد الكريم قاسم زعيمي وانتشر عليه السمك القطان والبني فحل مكانه السمتي. نجاح محمد علي: أكثر من 300 نوع من الطيور المائية كانت تحلق وتسبح هنا، بعضها عاد إلى وطن الماء يزقزق في أجمة قصب البردي ويغني لأرواح زهقت فوق المياه وبين أعواد القصب. [فاصل إعلاني] الأهوار: ألم وبرد وجهل - أنت وأبوك البرد هذا ما تخاف منه؟ - والله موتني.. - إيش مالك ليش نازل تتبهدل.. - شو أسوي بالمدرسة ما عندنا حد وأنا وأبوي وبطلت.. - بطلت من المدرسة؟ - إي والله ما حدا ويانا بس أبوي الوحيد.. - وأنت شو تسوي.. - أعدله وهو ينصب.. - بس؟ - إي. - ووحده ما يقدر يسوي هي الشغلة؟ - لا بوحده ما يقدر إي أنا أعدله يعني. - وحدك لو بس أنت. - لا بس أنا ، هذا بتحمى عليه بالبرد. - بتتحمى عليه؟ - إي وهذا النصب بالليل. - أقولك هذا شو تسوو فيه القصب؟ - نتحمى عليه بالليل. - بالليل وهذا؟ - هذا مش كتير.. - يعني شغلة فاقدها رابطها.. - لا هو أبوي ينصب. - وأنت؟ - أنا أعدله.. - الله يساعدك يا حبيبي، حياك حياك.. - مع السلامة. - السلام عليكم، كم عندك الله يخليك. - بنات ستة عندي. - الله يخليهم إي، وهذا الولد؟ - إي. - شو اسمك؟ - خولة. - شلونك بالدراسة؟ - زين. - يعني ناجحة الأولى؟ - إي. - إيش قد تجيبين درجات؟ بالحساب كم عندك درجات؟ - عندي 5-6. - 5 و6 من 10 آه؟ - إي. - شلون تروحين؟ - روح مشي. - مشي من هالطريق يعني على اليابسة. - إي. - إش قد ياخذ الوقت؟ - أظن إنه 3 ساعات. - 3 ساعات لتروحين؟ - إي نعم. - و3 ساعات لتجين؟ - إي. - ما تتعبين؟ - لا. - صف الرابع أنتِ آه؟ - إي. - وشنو تمنين تصيرين لما تكبرين؟ أولاً تريدين تواصلين الدراسة ولا تتركين الدراسة.. - لا هي بدها تترك بس نحنا مش قابلين، يعني شو تتعب وبرودة إيش تقول إحنا باردة تروح وتجي. - أنتِ شو تقولين تريدين تكملين؟ - إي. - شو تتمنين تصيرين لما تكبرين؟ شو تفكرين؟ طبيبة؟ مهندسة؟ - لا أريد معلمة. - ليش معلمة؟ (لوالدة الفتاة) إنتِ ما درستي؟ ما درستي لما كنتي صغيرة؟ - لا والله درست وبطلت. - إي والله. - صاروا معلمات وأنا بطلت، من الهور هذا.. فقر ينسج حزنه على الماء نجاح محمد علي: للقهر وجوه عدة في عالم الأهوار الجميل والمنسي، فقر متواصل مستمر ينسج حزنه الأبدي على سطح الماء، وجوه حزينة ذنبها أنها ولدت في عالم هذا الجمال المنسي. - البرد ياكل بينا، ولا كهرباء، ولا شوف أنا واحد من الناس لا راتب لا كهربا من العراق والقَرص ياكل بي، بعد شنو حصلت قول لي؟ قبل مظلوم وهسه مظلوم، وبعد مصدع أحسن لي. - والله أنت ممنوع أدخل هنا إي والله العظيم. - العربية شهدت. - تقول ممنوع الدخول. - ليش؟ - لأنه إرهابية. - شلون يعني شو دليلك؟ - أنا أقول لك شنو دليلي، يودون ناس للعراق تفجر. - العربية؟ - إي. - تلفزيوننا.. - لا التلفزيون، أنت ناس حاجزين.. - إنتو العراقيين ما عندكم إرهابيين؟ - إحنا العراقيين ما عنا إرهاب.. - ماكو؟ - ما عندنا. - شو ما عندكم.. - شو السالفة، ماكو فايدة.. - صار لك ساعة نفسك جوه، بس بدون تجاوز، أنت وين كنت قبل؟ - هنا كنا بالسلام.. - هجركم النظام السابق؟ - لا هو النظام موالي، والله العظيم فراري وطافرين، وفقير يحطونه نجمة يحطونه مدري شنو، شنو الكذب والله ياكلنا القرص، رجال معوق، النوم هسه الجماعة هي مدري شنو، يحكون كذب، أنا مالي مرتبة رحت عالفيلق مال بدر بس ما سجلوني، ما كو فايدة، ما يسجلونه إلا بدري يالله يتسجل فشنو الفايدة. - ليش ما تصير بدري وتحصلك رتبة مقدم وخلص أنت. - ما أريده، كنا طافرين من النظام السابق لأ ما نرضى، بالنسبة إلنا كلنا رافضين والله. - ما قادر علينا إحنا ضيوفك ولكن نؤكد. - ما كو فايدة. - إحنا صار لنا من سقوط النظام هنا. - وقبل وين كنتم؟ - قبل كنا فوق. - يعني هون كان مكانكم هذا؟ - إي مكاننا وشردونا منه، رجعنا هنا كل مساعدة ما عندنا تعبانين، حر علينا، لا كهرباء، واللي نجي نشتكي له ما يسمع كلامنا. - يعني شنو المطلوب شنو تريدين؟ - والله نريد كهرباء، ونريد قرص ما يكون. - القرص شو يسوون له يعني؟ - يعني طيارة يجيبون لنا سيارات هنا، تعبانين بشكل والله، وحتى شوف حالتنا، كهرباء ما عندنا والله. - والبرد شو تسوون؟ - والله بالبرد شوف حالنا. - إنتِ تروحين المدرسة؟ - لا والله ما بعرف المدرسة، اسمها ما بعرفها، إي والله ما أعرفها. - زين شو اسمك؟ - يسرى. - يسري شو هذا اسم فني.. نجاح محمد علي: لهم في العشق فلسفة، سكان الأهوار يحبون وطنهم الذي نسيهم، وقد عرفوا طيور الحب وهم يعزفون كل أناشيد الفرح الحزين في أهوارهم الحزينة.

أهم أخبار مصر

Comments

عاجل