المحتوى الرئيسى

راضى على حسين يكتب: سلامتك يا وطن

05/12 16:35

سلامتك يا وطن يا أغلى الحبايب = سلامتك حبيبى من دمع الأنين يا قلب المحبه يا كل السلام = يا رمزالطهاره يا نبع الحـنين جامع بيدعى المولى يصونك = كنيسه بتهتف جنبه أمين بنغزل نسيج المحبه بإيــدنا = قلوبنا بتعزف بحبك رنين لو جات غيمه مسَّت طيفك = يصبح كل الشعب حزين لو جات شوكه لواحد فيــنا = تصبح آه صوت الملايين تنده تلقى ولادك جنبــــــك = صاينه العهد بألف يمـين لو شعب اتفرق رايح يضيع = شعب موحد نصره مبين كل ولادك رهن إشـــارتك = نفس الحلم معاك راسمين مركب ماشيه لبر أمـــــان = مهما الموج أوريح ماتلين مهما غادر حاول يفـــــتن = يلقى حبل الحب متيـــن يعرف إنى الحب شعارنا = ورمز الوحده أسد فى عرين وطن يرفرف ليه جناحين = حسن ومرقص غيرهم مين؟ جرح وفرح وحتى اللقمه = عمره ما فرَّق بينا لعــين نفس ملامح الوش بتحكى = قصة شعب تاريخه يقين حتى فصيلة الدم باسمـــك = والنبض بيعزف مصريين سلامتك يا وطن يا أغلى الحبايب = يا فخر المحبة وتاج الجبين

أهم أخبار مصر

Comments

عاجل