خماسين

تقفل الباب وانت داخل والشبابيك والإزاز الخماسين السنادى جاية تتغاشم علينا وانت واخد موقع الفرجة الأثير قوللى ليه خايف تقرب من إزازك.. افتحه.. إيه راح يصير؟ الهوا ترّب كتافك انفضه بطراطيف صوابعك خلى قامتك تبقى صارى والمواجهة شىء فى طبعك الخماسين السنادى جاية تتغاشم علينا بس راح ترحل بسرعة أصلها خماسين جبانة فاشلة حتى تهزّ ميت أو رفات من جوّه قبره أو تزحزح طوبة من بيتك شوية والشبابيك المسوجرة والإزاز يبقى أولى.. إنها ما تهز دولة