المحتوى الرئيسى

أحمد سيد أحمد يكتب: يصعب عليا ليه؟

05/05 17:59

لا أنكر أنى بعد ما سمعت أنه مريض أو أن مرضه قد اشتد وأنه يتشبث فى سريره خوفا من الحساب والعقاب.. لا أنكر أنى قد حزنت عليه وظننت للحظة أنه عجوز كبير يجب علينا رحمته... ولكن.. ولكن.. يصعب عليا ليه؟ ده قتل ابويا ورمل أمى.. دبح أخويا ويتم أختى ده قتلنى أنا.. قتل فينا نخوتنا وبإيده ضيع كرامتنا حتى مصريتنا هاجرت هى كمان وودعتنا.. يصعب عليا ليه؟ سرق فلوسنا وسلط كلابه على بيوتنا كلابه اللى مكنوش يعووا من غير أمره أو حتى من غير أمره.. ليه مكنش بيكلبش كلابه.. كلب كلب عايز يتدبح ونبيع ولا حد يشترى لحمهم وإلا حيضيع والخساسة فى كل واحد فيهم أصل ويعملك نفسه وديع.. أما ولاده فدول كانوا ديابه لا سابولنا نايب وعملولنا فيها حبايب وكل واحد فيهم اكتر من التانى عايب وياريته عدل ده مفيش فى خيبته خايب.. ومراته ست الكل فى حارتنا سرقت فلوسنا وبالقراءة صدعتنا وياريتها علمتنا ولا شغلتنا دى كلت قوتنا وضيعتنا.. أنا سبته للآخر.. أصلى بيه حتفاخر.. قدام اللى زيه محبوسين فى بواخر إن شالله تغرق بيهم ولا تقوم ولا تتأخر.. وفى كل حته تلاقيله كام قصر وكام مليار.. مليار دولار.. أصل الجنيه بقى صرصار.. ما هو خلاه ولا أجدع حمار يجر ويشد وفى الآخر انهار.. ليه كل ده.. فرجت علينا الأجنبى.. واللى صدقك فى يوم كان غبى سويسرا وأمريكا ولا الخليج.. مخلتش مكان من غير رصيد أنت واللى زيك واللى نهبوا الحديد واللى شربوا دمنا فى كاس ألماظ بيلمع ولسه جديد واللى وقعوا الغلبان ونيموا الشديد.. ياااه يا أخى ياااه ده يوم فراقك كان يوم عيد.. ياه منك ومن كلابك ده أنت كنت هارينا بعذابك وخلاص ارتحنا فى غيابك يصعب عليا ليه بقى؟ ده سنانه لسه فى رقبتى معلمه.. ولو متحاسبش زى ما كان يحاسبنا.. حتفضل حياتنا مضلمه..

أهم أخبار مصر

Comments

عاجل