المحتوى الرئيسى

محمد يوسف المحمودى يكتب: أوبريت ثورة مصر

05/02 21:03

يلا يا ابن النيل يا حر ننهى ظلام وهموم القهر نمحى بايدنا آثار الشر ننسى شراب الكاس المر نبنى قلاع العز فى مصر ننسج راية مجد ونصر ننسى الهم ما ننسى الدم ابن وأب وأخت وأم نحيى المصرى شهيد الظلم دى ثورة شعب نبضة قلب ورسالة حب ننسى الماضى بكل أنينه نبنى الحاضر وكل سنينه وشهيد ثورة مش ناسيينه والمستقبل خير شايفينه يا عتريس الماضى انسانا أوعى تكون طمعان فى رضانا دا إنت غراب البين فى حمانا وآدى شبابنا بروح ويانا ومصر خلاص فاقت وانتفضت من أوهام فرعون وانتصرت وكلمة وطنى عليت تاني ياما سنين الراية انتكست نصر مبين فى الميادين وأسود خرجت بالملايين هتفوا بصوت واضح وصرح مش قابلينه ومش عايزين وادى أجيال صحيت فى يناير طوايف شعب جات تتساير لازم مصر تقود الأمة وننسى الظلم وسطوة غاير يا عروس النيل يا حرة يا جميلة وحسنك درة عهد الله نعمر أراضيكي وترجعى لينا منارة وغرة ويا شبابك نبنى جسور حضارة ومجد وطاقة نور عدالة ونصرة لكل الدور ما أنتى أصيلة وجالك دور راح أهتف لك وبصوت عالي ما إنت حبيبتى ومهرك غالي مصر يا مصر يا مصر .. مصر يا مصر يا مصر حياتك نصر تاريخك نصر شبابك نصر وجيشك نصر

أهم أخبار مصر

Comments

عاجل