بالفيديو.. قصيدة "حرية" للشاعر حاتم إبراهيم

طرح الشاعر حاتم إبراهيم، على صفحته بموقع التواصل الاجتماعى "فيس بوك" قصيدة جديدة من ضمن قصائده التى ألقائها بميدان التحرى بعنوان "حرية". وتقول القصيدة: طول ما الصحة فيها والتعليم خربانيين .. والحلال والحرام متلخبطين .. والخضار والفاكهة متسرطانيين .. طول ما شبابها منها يهربوا ويموتوا غرقانين.. والعلما عنها يبعدوا ويعيشوا متغربين.. ويقولوا علينا شباب تفهين هيفين مش فهمين .. طول ما فيها مثقفين أفقين وكتاب لليفه متصدرين.. طول ما فيها بتنفجر الكنائس بالمصلين .. طول ما ديما يتهم المجرمين بمعتوهين .. طول ما فيها بيتسجن الصالحين الساجدين .. طول ما فيها بيترفع الفاسدين متربعين ومربرطعين .. طول ما فيها أنت متعرفشى أنا مين .. والجبان هو القوى .. والحرامى هو الأمين.. والحفر فى الشوارع والحوارى والميادين .. والإشارة والاشارجى عطلانين ومعكوسين .. وماتش كوره هو الولاء هو الحانين.. يرسم علم على الخدود والجبين .. طول ما فيها كاميرات أيه ياعم.. بلاهم كاميرات مين .. خبراتنا جامدة بالمخبرين .. ومقطوراتها فى الشمال وسواقينها مبرشمين .. طول ما فيها مدرسين سباكين مساكين وحرامية طول ما فيها مسئولين متنورين وعيين وترزجية ينوروها بالنهار وعتمت الليل مش دى القضية طول ما فيها سواقين بدون أصول.. بدون فصول وبالدراع والمحسوبية وبغمزة واحدة وبتليفون مبروك يا ميرو الرخصة أهيا.. طول مافيها الكارو ماشى من المناشى للعباسية .. طول ما هيه فرعونية لجمى ومورة وتمورة وزيزى وبهيه .. طول ما فيها طبلجية بلطجية ورقصين ومغنوية هدعو ربى رب البرية مبروك عليكم مصركم يافهلويه يارب أكوى قلب الأغلبية يارب أطمس على قلوبهم فلا يؤمنوا ولا تهدى لهم عصية .. يارب طرحة بيضا تلبسها الضحية .. يارب طرحه تفرح عنيا .. قسما عليا فرحك يا غالية فى التحرير بالدبابات والبندقية قسما عليا بالمليونية حلم الأسير يبقى حقيقة .. وميت شهيد ليكى هدية .. عودى قوية .. قومى عفية.. شدى حيلك يا صبية .. شدى شعورك أطلقى الفرحة جاية .. مليونية تحية .. مليون تحية .. مبروك عليكم مصركم يا مصراوية .. بنتى زى القمر سمتها حرية .. بنتى زى القمر سمتها حرية .. بنتى زى القمر سمتها حرية ..