مذيع قناة "سكوب" : لو مبارك مات هيبقى انتوا اللى قتلتوه !

مذيع قناة "سكوب" : لو مبارك مات هيبقى انتوا اللى قتلتوه !محيط - صافيناز محمد سعود الورع بالدموع وببالغ الأسى .. واصل المذيع سعود الورع حملة الدفاع عن الرئيس المصري السابق محمد حسني مبارك، وذلك على قناة "سكوب" الكويتية الفضائية. في الحملة الجديدة بدأ المذيع في توجيه اللوم لوسائل الإعلام المصرية والعالمية على تجاهلها تغطية المظاهرات المؤيدة للرئيس، وخص قنوات مثل " سي ان ان " والجزيرة " وبي بي سي" وإحدى القنوات الفرنسية موجهاً سؤال بأن هل كان الهدف هو إسقاط مبارك فقط ؟. واستعرض البرنامج خلال الحلقة مقتطف من حوار كان مبارك قد أجراه مع عماد الدين أديب بخصوص العقاب الذي تلقته مصر ورئيسها لرفض إقامة قواعد أمريكية على أرض الوطن ليجيب مبارك : كل واحد من اصداقئنا في الغرب وأمريكا يعلم تماماً إن احنا ما نقدرش نقبل أي قاعدة على أرض مصر، ليواجهه أديب بسؤال آخر : لو أعطيت للغرب أو دولة أخرى قاعدة على أرض الوطن هل ستصبح زعيم أكبر ديمواقراطي ليرد مبارك ضاحكاً : سأصبح زعيم أكبر زعيم ارستقراطي .. اللي بيهمني الشعب اللي أنا عايش معاه. كما عرض البرنامج مقتطفات من الهتافات التي رددها المتظاهرين لمبارك خاصة تلك التي تروج لمليونية يوم الاثنين الموافق 2 من مايو، من ضمنها "قالوا عشرة قالوا مية .. يوم الاتنين المليونية" .. " يا محارب جاي ليه .. نصر أكتوبر شاهده عليه ". بينما ظهر متظاهر حاملاً لوحة عليها كلمات مؤيدة لمبارك ووقف يردد بانفعال : السعودى والكويتى بيقولوا علينا مش ما بقيناش جدعان .. لأ احنا هنفضل جدعان .. بتشكك في الضربة الجوية يا إعلام يا خاين ؟.. بتخونوا بلدكوا .. بتضحكوا علينا عشان احنا 60 % جهلة .. احنا طول عمرنا جعانين وهنفضل جعانين .. عشان الغرب مش عاوزنا نكون غير جعانين .. انتوا انضحك عليكوا .. يا اعلام يافاسد كلمونى .. أنا أحسن منكم لان عندي وشك واحد مش وشين. أيضا استعرضت الحلقة قائمة طويلة مكتوبة لبعض انجازات الرئيس منها : استرداد سيناء .. تحرير طابا .. استرداد حلايب وشلاتين .. الضربة الجوية .. الإفراج عن المعتقلين السياسيين .. تنفيذ مشروع مترو الأنفاق .. رفض إقامة قواعد عسكرية على أرض الوطن .. رفض مصر ضرب حركة حماس والتحالف السني ضد إيران وحماس .. السماح بدخول الثورة التكنولوجية في الوزارات الجهات الحكومية.. إنشاء مصانع جديدة في سوهاج وأسيوط والمنيا .. وبناء المدن الجديدة في أكتوبر والشروق والعاشر من رمضان و 15 مايو ومدينة بدر ودمياط وبني سويف والفيوم وأسيوط والنوبة بأسوان والغردقة الجديدة والشيخ زايد ونويبع والعريش. بعد هذه الفقرة علق سعود موضحاً انه لا يجوز بعد كل هذه الانجازات أن يعامل بهذه الإهانة، وهنا لم يتمالك نفسه وانهالت دموعه وقال : يا إخوانا المصريين أنا عاوز أقولكم كلمة أنا مواطن كويتي يوم ما بلدى احتلت حسيت أن الدنيا كلها سكرت في وجهي كنت حاسيس في بلدي إن مافيش أمن وآمان وانا حاسس بيكم .. مبارك مسجون .. ليه الاهانة بالشكل الوحش ده .. الرئيس ينتشتم ؟.. والزوجة تنشتم ؟.. كان يقدر يهرب ويطلع بكرامة .. حرام عليكم عاوزين الراجل يخرج من الدنيا بكرامته في آخر ايامه.. الله يخليكم .. الله يخليكم .. والله العظيم حرام عليكم .. 30 سنة تمجيد و30 يوم إهانة .. الإهانة من الأهل صعبة.. هتقتلوه لو مات انتوا قتلتوه.   كما أشاد سعود بدور مبارك المساند في تحرير الكويت من الاحتلال العراقي، موجه معايرة للمصريين وقال : الآن جاء الدور للدفاع عنه لان يوجد لديهم مبدأ عاش الملك مات الملك، وأخيراً لفت المذيع إلى أن تم منعه من التصوير في مصر وقال انه بمجرد أن عرفوا أنها قناة سكوب تم المنع. لمشاهدة الفيديو هنا   تاريخ التحديث :- توقيت جرينتش :       السبت , 30 - 4 - 2011 الساعة : 5:27 مساءًتوقيت مكة المكرمة :  السبت , 30 - 4 - 2011 الساعة : 8:27 مساءً