المحتوى الرئيسى

وليد الوصيف يكتب: والله عيب

04/30 09:09

*** عيب يا مصر وأنتِ كبيرة ومؤمنة وطاهرة ورزينة تسيبى الشيطان اللى بينا يدمر يولع ف الشوارع يهد ف مساجد يفجر كانيس يهدم وحده وحب ما بينا هما يا مصر أجمل ما فينا ويبعد محمد وفاطمة عن جرجس ومينا والله عيب *** عيب يا مصر وأنتِ عافية وتاريخك حضارة وحرية تسيبى العدو وتهدمى فيه وفى كل لحظة تفجرى ميت مليون قضية بين أخواتى الثوار والرجالة الأحرار والإسلام والمسيحية اللى أتوحدوا فى الميدان والله عيب *** عيب يا مصر يا حضنه الغريب يعمله ترابك خد لمداسه تفرقى بين هلال وصليب استشهدوا من أجلك وكانوا للوطن حراسه فتشى يا مصر ع الخاين دماره بقوة صرختك قبل ما يهدم وحدتك ويشمت فينا الغريب والله عيب *** عيب يا مصر وأنتِ أم حباله بتحسى بأولادك أرضك للخاين تضم اللى زى العدلى جلادك اللى فجر ف الكنايس وفوق الكل كان دايس اللى كان وبكل همه وبضمير وبكل ذمه بدمر فى وحدة أمه والله عيب *** عيب يا سقيا الكل من نيلك وفرده شراعك ف لكون بجيلك تسمحى للديدان تخرج من جحرها تفرق شعبك تلوث فى جيلك تقسمك أحزاب تقسمك أديان تدمر عقولك اللى عدُ القنال تنشر فى فتنه ما بين خلان تعلى السوار ما بين الجيران تطيح فى شعب وتحرص فى ديب والله عيب

أهم أخبار مصر

Comments

عاجل