المحتوى الرئيسى
alaan TV

"الابن".. أحدث إبداعات الشاعر الكبير نجيب شهاب الدين

04/28 21:51

إهداء.. إلى شهداء الثورة من كنيسة القديسين.. إلى ميدان التحرير وإلى إسماعيل شهاب... جرت محاولة مجرمة وقذرة لاغتياله وهو يؤدي واجبه في أحد ميادين التحرير... إن من حاولوا اغتيال إسماعيل هم من اغتالوا شباب مصر. "الابن" دلوقتي ما يهمنيش إن كانوا عسكر، ولا كانوا خيل دلوقتي مايهمنيش هرقص واقول للناس بقالي دليل ... سميت عليك يا بني يحميك من الخوف اللي غالبني للخوف عيون واسعة يا بو العيون الحايرة ما اتخافش م العين اللي ع الشيش دايرة ..... ما تخافش م القلعة وم الكهان ما تخافش من الخايفين اضرب بسيفي ده متعلق بقاله زمان افتح أيديك المولودين بوسه عشان .... يا ريحة الناس والسنين الطيبين غني مع لساني الثقيل يا خطوة مستنيها طول الليل اطلع على كتفي.. شرف العب في الرفوف طول اللي ما طُلتهوش في الضلمة لو طلبوك في الفجر لو صلبوك طول اللي ما طاله أبوك .... عوضني كل الخسارة أنا خسرت كثير.. خسرت.. يا ميت خسارة وكسبت نظرة عنيك .... يا طفلي... يا مولود أوصل ما بيني وبينك خليني أنا ابنك وأكبر.. وربيني نجيب شهاب الدين القاهرة/ أبريل 2011

أهم أخبار مصر

Comments

عاجل