المحتوى الرئيسى

عمر مرسى يكتب: مصر النهاردة

04/25 10:18

يا أهل مصر المؤمنة، ياكل واحد مننـــــــــــــــــــــــــــــــا يا كل شابة وكل شاب وكل فرد ف شعبنـــــــــــــــــــــــــا الثورة قامت م الميدان وبسرعة غطت مصرنـــــــــــــــا وانزاح كابوس كان من زمان كاتم نفسنا وبقنــــــــــــــا والحر فينا كان ذليل عايش أجير فى أرضنـــــــــــــــــــا يخدم ف ناس مالـهاش مثيل ف الفجر وف فحش الغنى والآية فجأه اتشقلبت والشلة جوة ف سجننــــــــــــــــــا والسجن دا مالهوش كبير لو حتى كان ريس لنــــــــــــا والحق حق وبالأصول والحكم عادل عندنـــــــــــــــــــــا والقاضى يحكم بالقانون والشعب مش نايم هنــــــــــــــا مصر النهارده وشعبها بتعيش حلاوة نصرنـــــــــــــــــا والماضى مش ممكن يعود أو يجى حد يذلنــــــــــــــــــا والشعب واعى للأفاعى السامهة عاوزه تعضنـــــــــــــــا والكلب تلو الكلب لازم ينطرد من أرضنــــــــــــــــــــــــا ونقوم نكد ونشتغل ونحب أكتر شغلنـــــــــــــــــــــــــــــا لازم سلوكنا يكون قويم ونصون كرامة بعضنـــــــــــــــا ونحافظ احنا عالنظام من غير ماحد يقول لنـــــــــــــــــا والجار يحافظ عالجيران ويراعى فيهم ربنـــــــــــــــــــا عاوزين يسود الاحترام وبسرعه يرجع أمننـــــــــــــــــا ونعوض ايام الظلام وبإيدنا تطلع شمسنـــــــــــــــــــــــا ونطلع الفجر اللى غاب ونقوم نحقق حلمنــــــــــــــــــــا ونطير اسراب الحمام رمز السلام من عندنــــــــــــــــــا

أهم أخبار مصر

Comments

عاجل