المحتوى الرئيسى

د.محمد أبو العز يكتب: عزيزي لومان طره

04/23 18:47

عزيزي لومان طرهالسيد الفاضل / لومان طره الشهير بسجن المزرعه بطرهتحية طيبة لسيادتكم وبعداكتب اليكم رسالتي الاول وان شاء الله الاخيرة واتمني الا اتشرف بمعرفة سيادتك بعد الان الا للاطمئنان علي بعض نزلائك انهم بصحة جيدة ويقضون فتره عقوباتهم بصحة جيدة واكتئاب تام ان شاء الله ...عزيزي لومان طره ..هل تعلم سيادتك انك تحمل بين ضلوعك الان خيرة ابناء مصر – من الفاسدين – اه والله يا طره ..افسد ناس في مصر ..كبرات الفساد المصري الاصيل المتفرعن في ارض الفراعنه المتفرعنين اخر فرعنه .. هل تعلم سيادتك ان كبار رجال السياسه في مصر يقبعون الان بداخل جدرانك ..اه والله ياعم انت مش مصدقني ولا ايه ؟؟لم يعد من بداخلك هم اللصوص العاديين والمجرمين السكه الي بيخطفوا سلسلة ولا يهجموا علي محل يسرقوا موبايلين والكلام الفاضي ده ...لا يا معلم خلاص النظام اتغير ..او النظام اتفشكل كله واتحلل واتخلل واصبح بداخل سيادتك علي سبيل الحبس الاحتياطي الي هيتحول الي دائم قريبا بأمر الله المعز المذل الكبير الجبار ...لكن عزيزي لومان طره ممكن يا معلم اطلب من حضرتك شويه حاجات كده بليز عشان ما قادر استني وكنت عاوزك تقولي الحوار ايه هناك ؟؟بقولك ايه ؟؟ ممكن بس تحكيلي  الرجاله عاملين ايه هناك ..في البورتو ..ياعم مش بورتو ابوعجوة ..ولا بورتو السخنه قصدي بورتو طره ..مهو الاكابر ما بيتجمعوش غير هناك لان دول بالذات ما ينفعش يتجمعوا عند النبي ..لازم يتطهروا الاول بكام سنة كده عند حضرتك..نفسي اعرف يا طره يا اخويا الرجاله بيعملوا ايه  عندك وبيقولوا ايه وحاسين بايه ؟؟ احمد عز بيقول لاحمد نظيف ايه الصبح ؟؟-       - صباح الخير يا ريس. -       - خير ايه يا خويا وهييجي منين الخير واحنا هنا ؟؟ - يا باشا ما تقلقش شويه والكبير يزبطنا ويطلعنا تاني .. انت عبيط يا بني ولا ايه بتهرج يا احمد هنا كمان هوه انا ناقصك ؟؟ الكبير محبوس في شرم يا خويه .. وعياله اهم جايينلك جنبك عشان تتونس بحسهم ..يالهوي يا ريس .ياليلة سودة ..يعني مفيش فايدة ولا ايه الحكاية بجد ؟؟ اه يا فالح بجد الله يخرب بيتك انت والعادلي الي ورطني معاه ..كان مالي ماكنت في حالي . ثم حوار اخر بين نجلي المخلوع مبارك علاء وجمال : - مبسوط يا اخويا اهي اخرة افكارك انت وامك ..والنبي سيبني في حالي يا علاء مش ناقصك بقي انا علي اخري ..- اخرك ايه بس بعد ما وديتنا كلنا في داهيه ..- ما قلنا نفضل في لندن الله يحرقكوا رجعتونا ليه ..؟؟- مش انتوا قلتوا  هتتصرفوا وهتلموا الدنيا وابوك لا هيتنحي ولا حاجه ..هتهدوا الجو شويه مع الناس ونرجع زي ماكنا والدنيا تبقي بيس .- لا يا ناصح مهو العيال دول طلعوا مش سهلين ..والبلد كلها قامت قال يعني ..ولاد ال...تييييييييييت ... صحيوا دلوقتي علي حظ امي انا ..ماهو كان قاعد من تلاتين سنة حبكت يقوموا دلوقتي ويولعوها علي وشي انا ..؟؟- مانت واصحابك طينتوها يا جيمي ..انت وعز بتاعك وصفوت وسرور وزكريا ..قاعدين تمخمخوا وتخططوا لما الحكاية باظت منكوا ..وخربتوها- يعني اسم الله انت الي هتعملي فيها غلبان وكنت بتحوش من مصروفك ..مانت ناطط علي نص شركات البلد والاراضي ولا يعني ناسي دي وجاي عليه انا ؟؟- خلاص يا خويا لا تعايرني ولا اعايرك الهم طايلني وطايلك .لا مؤاخذه يا طره باشا سرحت منك وانا بتابع الحورات الجامده الي جواك ..ده باين فيه بلاوي يا راجل ..وحياه خالتك يا طره تبلغني اول بأول الي بيحصل ..همه صحيح نفسهم مسدودة ومش راضيين ياكلوا ..ولا يعيشوا حياتهم هناك ..مع ان صحابهم الي بقالهم فتره ومتعودين مزبطين امورهم عندك وعايشين من زمن اهم ..خليهم يتعودوا بقي ده لسه ياما ياما هيباتوا عندك ..ولو اكل اللومان مش عاجبهم يطلبوا دليفري يا اخي ..ولو مفيش فلوس يطلبوا من الكانتين يا عم اي حاجه تسد جوعهم بقي ..لسه المدة طويلة ان شاء الله ..واهم بيتسلوا وكل يومين هييجي حد من بره يسليهم ويحكيلهم اخبار مصر من غيرهم ..هوه صحيح فيه ناس خلعت وهجت من البلد قبل ما يتقفشوا ..وناس تانيين ماتوا وريحوا نفسهم قبل ما يشرفوا عندك ولو انهم كان يبقي ليهم شنه ورنه جوه بردوا بس ربك ما رادش ..النبي عليك يا شيخ تتوصي بيهم وتزبطهم اعلي تزبيط لاحسن مصر كلها بتسلم عليهم ونفسهم ييجو يزوروك ويطمنوا عليهم ..بس مش عارفين هنقضيهم عيش وحلاوة منين ؟؟؟؟؟؟

أهم أخبار مصر

Comments

عاجل