المحتوى الرئيسى

نور الدين رفعت: يكتب خلاص صحيت

04/19 09:46

مش عارف كنت عايش فى ضلمة ولا كنت من العميان بس الحمد لله خلاص صحيت وناوى معاكم أعمل لمصر فى الدنيا كيان لا تقولى إحنا شعب مش جاهز للديمقراطية ولا تقولى إحنا شعب جبان وقفنا وقفة رجل واحد، وقفنا وقفة رجالة شجعان رجل وامرأة، مسلم وقبطى، شاب وعجوز، مدنى وعسكرى، كلنا ايد واحدة فى الميدان مش بس فى القاهرة والسويس، لا ده من إسكندرية لأسوان يا مصريين عملنا حاجة متعملتش قبل كدا ولا حتى فى اليابان بلاش شوية أقلية يفرقوا ما بنا، ده يبقى بنهين الثورة أقبح مهان لا مبنخافش من بلطجيتهم ولا كلامهم عن عدم الاستقرار ووقفة البلد والفتنة الطائفية ده كان زمان اتعلمنا نفهم بعض ونحترم بعض سواء كنا ليبراليين أو إخوان مصر النهاردة بتكتب تاريخ ميقدرش يكتبه كاتب ولا حتى يرسمه فنان هنطلع بيكى يا مصرنا وهنحاكم كل فاسد شيطان واللى يحاول يحبطنا، نقوله يقرأ فى الجرايد عن طرة المليان فيه عز وعدلى وعزمى ونظيف وصفوت وإبراهيم سليمان اللى سرقوا ونهبوا وقتلوا وظلموا ودلوقتى اصطدناهم زى الفيران هاتولنا حقنا منهم يا شرف ويا مشير ويا سامى عنان والتانى اللى قتلنا وعذبنا تلاتين سنة قال إيه طالع يخطب انه زعلان "ليه بتقولوا عليا حرامى؟" يا مخلوع اتقى الله ده انت مفترى ده انت ولا جنكيز خان يلا كلها كام يوم على ذمة التحقيق وتروح انت وعيالك ورا القضبان مش ناقص غيرك بقى يا سوزان فى سجن القناطر هترحب بيكى النسوان خالد سعيد وسيد بلال، ده أقل حق لأهاليهم هما الاثنان وشهداء ثورة 25 يناير، هما دول فعلا الأبطال و مالهمش غير حسنات على الميزان مش تقولى بطل الضربة الجوية وتنسى الفريق سعد الدين الشاذلى كمان قول كلام غير ده بدل ما ميسمعلكش أى إنسان ده أنت شوية شوية ومش هتسمعلك حتى الخرفان كفاية كلام دول ميستهلوش حركة لسان وكفاية علينا وقفتنا الجمعة ده كل يوم بنطلع بيان مصر طالعة طالعة واللى مش عاجبهم يخبطوا رأسهم فى أكبر عمدان لما نطلع وده قريب، مش هنبقى زى الأمريكان هنقود العالم ضد الظلم علشان الكل يعيش فى سلام وأمان ومفيش بلد هتفكر تعمل اللى عملته تركيا فى الأرمان وهنحررك يا فلسطين وهننجد البوسنة والشيشان ومش هنسكت على العراق وأفغانستان ولا حتى هنسكت للى بتعمله الصين فى تايوان

أهم أخبار مصر

Comments

عاجل