المحتوى الرئيسى

رمضان السنة دي بدون " زينة " .. عشان التحضر ؟!

04/18 18:25

 | أخر تحديث: 24/07/2010 04:01 م كل سنة وانتم طيبون .. رمضان على الأبواب ، ومن قديم الأزل والتجهيزات والاستعدادات لشهر رمضان مقسمة على أفراد المجتمع ..يعنى الآباء عليهم توفير النفقات والأمهات عليهم تبذير هذه النفقات ..أما الاطفال فدورهم هو استهلاك بعض النفقات لزينة رمضان. كتبت : مى عبدالله لكن فجأة .. الدكتور عبد العظيم وزير محافظ القاهرة منع أى زينة يتم تعليقها فى شوارع القاهرة فى رمضان بدون الحصول على تراخيص ..وكمان الموضوع سيتم تحت إشراف شرطة مباحث الكهرباء ، وكان الهدف من هذا القرار هو النظام وترشيد الكهرباء وان شوارع القاهرة يكون شكلها متحضراً .. .. لكن النتييجة هي التنكيد على الاطفال والشباب المسئولين كل سنة عن تعليق الزينة ولم فلوسها من كل عمارات الشارع ..وطبعاً كان يطلع لهم سبوبة كويسة فى الاخر . طبعا الزينة بتخلى المنظر العام لقاهرة المعز منفر .. فلازم نمنع العادات والتقاليد والحاجات القديمة اللى اشتهرت بها مصر من زمان والمقولة اللى بتأكد ان رمضان فى مصر غير اى مكان فى الدنيا .. خلاص أن الأوان إننا نمسح الكلام ده باستيكة من اللى بتمسح الجاف ، وطبعاً الآراء اللى بتقول إننا لازم نحافظ على الطابع المميز فى مثل هذه المواسم الدينية وان هذا لا يتعارض مع مظاهر التحضر والتقدم لانه حتى أوروبا الناس فيها بتعلق زينة وأنوار فى اعياد الكريسماس بدون تراخيص .. ده طبعاً كلام فاضى وناس مش فاهمة حاجة. فجأة أصبح شهر رمضان الكريم مسئولاً عن سلبياتنا .. خلاص بلاش نتكلم نهائياً عن أية احتفالات .. ففى هذه الحالة هنقدر نوفر السلع الغذائية و نقلل حوادث المواصلات والخناقات التى تحدث قبل الافطار وبلاش المسلسلات .. وكمان نقدر نعمل كنترول على الخلافات الزوجية والطلاق بسبب المصاريف الزائدة فى هذا الشهر الكريم....ده طبعاً هيحصل لو منعنا الزينة ، صح ؟!          

أهم أخبار مصر

Comments

عاجل