المحتوى الرئيسى

جيهان فاضل تطالب بالعفو عن ضباط الجيش المقبوض عنهم

04/16 23:33

كتب - أحمد الدسوقي :طالبت الفنان جيهان فاضل بالعفو والتسامح مع ضباط الجيش الذين ساندوا الثورة ووقفوا مع المتظاهرين في جمعة التطهير والذين تم اعتقالهم فيما بعد عند قيام الجيش بفض الاعتصام.وكتبت جيهان علي صفحتها الشخصية بموقع ''فيس بوك'': ''أقر وأعترف أني مذنبة بجرم التعاطف مع ضباط الجيش اللي وقفوا مع المتظاهرين يوم الجمعة.. أقر وأعترف أني حزينة على الأتنين ضباط اللي ماتوا و محدش أترحم عليهم واللي مقبوض عليهم واحتمال يتعدموا.. قلبى بيتقطع عليهم وأكيد أنا طبعا غلطانة لأن الناس كلها شايفة أنهم يستاهلوا اللي جرالهم''.وأضافت جيهان ''حاولت بشدة أني أقنع نفسي أن رأى الناس هو اللي صح، مش من حق ضابط في الجيش أنه يقف مع الثوار و يؤيد مطالبهم الضابط مفروض يبقى زلطة لا يحس ولا يفكر، ينفذ الأوامر وبس حد قالي الضابط مينفعش يتمرد على قيادته لأننا لو فى حرب تبقى كارثة''.واستطردت جيهان بقولها ''بس لقيت صوت جوايا بيقولي بس الفيصل في الحرب مش بس اتباع الأوامر لكن إيمانهم بالقضية اللي بيضحوا بحياتهم عشانها الروح اللى بتحارب بيها هى القوة الحقيقية و عشان كده أسرائيل بجبروتها مقدرتش على المقاومة الشعبية في لبنان''.وأضافت جيهان ''أنا موافقة أن اللي عملوه ده جنان لكن كمان اللي أحنا عملناه يوم جمعة الغضب كان جنان ولو فيه ناس بتطالب بإعدامهم كمان كان فيه ناس بتطالب بحرقنا في ميدان التحرير أنا يمكن معلوماتي عن الجيش ضعيفة لكن بأي منطق اتعامل مع مبارك (عدو الثورة الأول) بكل الحنية دي وفي نفس الوقت أبقى قاسية للدرجة دي مع ضباط جريمتهم الوحيدة أنهم بيطالبوا بمطالبنا''.واختتمت جيهان كلامها قائلة ''الناس بتهلل الجيش والشعب أيد واحدة بذمتكم مطاوعكم قلبكم تقولوا خليهم يحلوا مشاكلهم بعيد عننا ليه هما مش مننا؟ مش دول اللي قلنا عليهم أخواتنا وأهلنا؟''.اقرأ أيضا:بسمة: كنت أعاني من الإحباط واليأس قبل ثورة 25 يناير

أهم أخبار مصر

Comments

عاجل