المحتوى الرئيسى

راضى على حسين يكتب: كشف حساب

04/14 14:46

هب الأسد وقام بيـــــزأر = فتح المصرى كشف حساب وحوش وديابه نهبواغلابه = وكانت كل حياتنا عذاب حيتان وديوك نهبوا بنوك = تزوير يملا ألف كتـــاب كنا نشوف الخير فى بلادنا = فص الملح بسرعه وداب كان الكدب بيمشى مجسم = تعابين تنهش ليها أنيـاب كانوا يقولوا دخلنا نامــى = ومعاهم ثروه بشكل عجاب كانوا يقولوا مافيشى وظايف = وتيجى وظايفهم للأحباب سكلنس بياكلوا مع الكافيار = ويقولك موضه قديمه كباب مليون بيت مش لاقى الزيت = وكانت اللحمه حمير وكلاب مهما حكينا ومهما شكينـا = وكانوا يشوفواعيشتنا هباب ياخدوا قروش ويملوا كروش = ترفع صوت يقولوا إرهاب سرقوا الفرحه وكحل عيونا = وحلم حياتنا شعره شــاب كانت الصوره مرسومه شخابيط = قطر بضاعه شايل ركاب خلوا الدنيا بلون كروهات = وخلوا الأمل معانا خــاب خلوا ضميرنا نام فى إجازه = وكل الوعى صبح فى غــياب كانوا يقولوا الشعب دا مات = زى العلبه جـــــوا دولاب هب المصرى بدمه الفاير = قفل فى وش الباطل باب هب المارد قال أنا عايش = وضمير الشعب المصرى ماغاب قال ثرواتى لازم ترجـــع = زى المجد ماجانا شــباب وشمس الحق أكيد هتـبان = وهيظهر كل واحد كــداب

أهم أخبار مصر

Comments

عاجل