المحتوى الرئيسى
worldcup2018

أنت " زوما " و لا " زوبــــــــــــــــا " ؟!

04/10 19:01

 | أخر تحديث: 11/08/2010 04:48 م هتلاقيها في كل مكتب وبيت ولاب توب وموبايل وموقع انترنت ... طبعا كلامنا عن اللعبة الشهيرة زوما " Z ma " المنتشرة في كل مكان ولها شعبية كبيرة بين المصريين واللي غيروا اسمها من زوما الي زوبــــــــــــا – بسبب قوانين الملكية الفكرية . كتبت : شيماء ممدوح لعبة " زومـا " ظهرت في المجتمع المصري من خمس سنوات تقريبا و لاقت نجاحاً كبيراً من المصريين لأنها لا تتطلب مجهوداً في اللعب ... و معايير الخسارة و الربح فيها سهلة و بسيطة جدا ... و بتتلعب من خلال مراحل عديدة تبدأ بالأسهل حتى تشجع المستخدمين على الأستمرا في اللعبة و هي عبارة عن ضفدع اسمه زوما يطلق كرات من فمه على شريط متعرج بأشكال و سرعات تختلف حسب اختلاف المرحلة ، والمفروض ان يلقى اللاعب الكرة بنفس اللون على مجموعة كرات اخرى ليدمرها الى ان يصل لتدمير الصف كله و ينتقل الى مرحلة اخري ، و عدد المراحل في هذه اللعبة 12 مرحلة داخل كل مرحلة عدة مراحل صغيرة ، و تبدأ صعوبة اللعبة في المرحلة رقم 9 ... و بسبب النجاح التي حققته هذه اللعبة في العالم كله و ليس في مصر ...تم استحداث اصدارات اخرى للعبة اكثر جاذبية و تعدد في الألوان و منها زوما التنين و زوما الفراشة و زوبـا التي تلعب عن طريق أزرار الموبايل  . والغريب أنه برغم بساطة اللعبة إلا أن هناك الكثيرين من مختلف الأعمار أدمنوا لعبها ومنهم وفاء أحمد أمين – 52 سنة واللي بتقول : بنسى بسببها شغل البيت .. في البداية أبنتي كانت تجلس على الكمبيوتر كثيراً ، و لما كنت أمر بجانبها كان بيعجبني شكل اللعبة فقلت لها خليني أجرب ألعبها ، و بعد ما جربتها لقيتها سهلة جدا و بسببها تعلمت فتح الكمبيوتر وغلقه ، لكن للأسف هي تسرق الوقت بشكل مش طبيعي و بصراحة أبنتي ندمانة حالياً انها علمتها لي .. خاصة عندما تعود من عملها وتلاقيني بلعب و معملتش أكــــــل ! . و يقول عمرو محمود – طالب بالفرقة الثالثة بتجارة القاهرة : ميزة لعبة زوما ان فيها تحدي و مش محتاجة لمجهود ذهني ، وعشان كدة معظم الناس بتلعبها ، فانت بتلعب بينما تفكر في اي حاجة ثانية وممكن تسمع معها موسيقي وتتكلم في التليفون ومش محتاجة منك اكثر من تركيز في الألوان اللي قدامك ، بصراحة أنا شايفها مسلية ومريحة للأعصاب خاصة في المراحل السهلة منها . و طبعا البنات من اكثر الناس اللي بتستخدم زوما .. ريم مجدي – موظفة تقول : والله بدون مبالغة كل اصحابي في الشغل بيلعبوها و انا كنت في الأول لما ألاقي حد مركز جدا في الكمبيوتر افتكره بيشتغل اكتشفت انهم بيلعبوا زوما ، انا كمان بحبها و عندي كل الأصدارات الجديدة منها زي زوما الفاشة و زوما التنين و عودة زوما ، بالإضافة كمان عندي نفس اصدار زوما بس بأسم " زوبا " على الموبايل . عموماً .. zuma لعبة يحبها الكثيرون ... طيب وأنت ؟! ياريت نعرف رأيك بتحب زوما ليــــــــــه ... أو بتكرها ليـه ؟            

أهم أخبار مصر

Comments

عاجل