المحتوى الرئيسى

" بول " .. سر فوز ألمانيا على إنجلترا فى المونديال!

04/10 12:18

 | أخر تحديث: 28/06/2010 01:51 م تجمعت الناس حول " بول" فى الحديقة المائية بألمانيا والكل فى ترقب وقلق ، يا ترى بول هيختار إيه و هيتنبأ بايه .. وفجأة بول فتح المندل وعرف ان ألمانيا هتفوز على انجلترا فى دور ال16 لبطولة كأس العالم كتبت : مى عبدالله   المحار أختار المحارة اللى كانت فى الطبق المرسوم عليه علم ألمانيا .. واستبعد المحارة التانية اللى كانت فى طبق علم انجلترا , أه نسيت أقولكم .. بول ده مين ؟ بول إخطبوط يسكن فى الحديقة المائية ويحمل الجنسية الألمانية العجيب إن إذاعة BBC البريطانية قالت الخبر عادى جدا بدون أى نبرة تعصب أو غل أو حقد والعجيب اكتر إن دى مش اول مرة يتوقع فيها الاخ بول نتيجة مبارة لألمانيا .. لأ وإيه .. كانت كل توقعاته صحيحة 100 % ، ووقتها قلت " يا سلام لو ألمانيا تسلفنا بول يوم نعرف بس مصر هتدخل كاس العالم ده إمتى؟ " . بلاش حد يفتكر ان بول عشان هو المانى فبيتوقع الفوز لألمانيا انتماء ولا كوسة مثلا , لا الموضوع مش كده خالص .. بول اصلا بريطانى .. أه والله العظيم مولود فى إنجلترا وبعد كده أتنقل لألمانيا واللى أعطته حقه وقيمته وضمته للحديقة المائية وأصبح أشهر شخصية فى ألمانيا . هو ده التقدم ولا بلاش مش احنا اللى لسه فاكرين ان المنجم راجل لابس سلاسل و جلابية معفنة .. ده كان زمان طبعاً .            

أهم أخبار مصر

Comments

عاجل