النوم سلطان .. حتى " وراء " أوباما !

 | أخر تحديث: 28/06/2010 01:43 م من وقت ما رشح نفسه فى الانتخابات والكل عرف عنه انه صاحب شخصية كاريزمية وقادر على جذب أذهان وحماس الناس ، الرئيس الامريكى بارك اوباما معروف أيضاً موهبته فى إقناع ملايين الحشود بخطبه الرنانة وكلامه " اللى زى الزبدة " واللى يطلع عليه الصبح يسيح كتبت : مى عبدالله لكن النوم سلطان و لا يصلح معه ولا كاريزما ولا جذب ولا كلام فاضى ,, الموضوع انه فى اثناء ما كان الرئيس اوباما يلقى خطبة عن قيمة العمل الشاق والتعليم الجيد فى حفل تخرج مدرسة كالامازو الثانوية فى ولاية ميتشيجان .. واحد من الطلبة المتخرجيين اللى واقفين وراء اوباما نام ! . عادى جدا الجدع تعبان طول السنة بيذاكر ثانوية عامة .. تعب وفضل يقاوم النوم ويقاوم و " يتاوب " لحد ما رأسه وقعت عل صدره وراح فى سابع نومة, تخيل معى كده لو انت –بلاش إنت بعد الشر –تخيل معى كده لو واحد مصرى تعرفه كان حصل معاه كده وناظر مدرسته " مش أوباما " بيرغى .. كان أكيد أتعلق ! .