المحتوى الرئيسى

الشيخة " ريما فقيه " !

04/10 12:18

 | أخر تحديث: 15/06/2010 06:01 م "فخورة لكونى مسلمة" .. جملة طالعة منها زى العسل.... ريما فقيه هى ملكة جمال الولايات المتحدة الامريكية ولبنانية الاصل ومسلمة الديانة وانعمت علينا بهذا التصريح فى قناة الحرة ... بصراحة البنت زى القمر وأى واحدة تقول غير كده تبقى طبعاً غيرانة منها .. بس المشكلة مش فى تكرمها بالاعتراف بإنها مسلمة وان كتير من مسلمى امريكا يخافون من اعلان هذه الحقيقة - والله فيها الخير – لكن المشكلة إن الست دى جعلتنى أشعر بإنها مش ملكة جمال لكنها " شيخة فى الأزهر " أو مفتية ديار على شوية من أحمد زويل على حبة من نجيب محفوظ . الست ريما اخترعت إسلاماً جديداً على الطريقة الامريكية ، دين مفيهوش مانع من المايوهات وحفلات الرقص والتعرى ، ووصفت المذيع بإنه " مجرم حرب " لما سألها " إزاى تظهر فى حفل رقص تعرى وهى مسلمة " وردت بإن ملابسها كانت اكثر حشمة من ملابس البحر اللى ظهرت بيها فى مسابقة ملكة الجمال ، وأكيد المذيع ده كان متحمساً او فاكر انه هينتصر عليها ، لكن على مين .. دى إتربت فى ظل إسلام ليبرالى ومش إسلام ملتزم متزمت .. وأنا بصراحة لحد دلوقتى مش عارفة ايه الفرق .. ده أنا قعدت فترة أفهم الفرق بين الشيعة والسنة لما يطلع لى كمان إسلام ليبرالى وإسلام مش عارف أيه ، بس أكيد هى صح .. دى أمريكية يا جدعان يعنى فاهمة كل حاجة ومش معنى انها نسيت ملابسها والتصوير بدأ يبقى خلاص تموت ، أكيد المذيع هو اللى غلطان . انا عن نفسى طول عمرى مقتنعة أنه لا يصح ان أصف أحد بالإيمان من عدمه لان دى حاجة بين العبد وربه سواء كان هذا العبد مسلما أو يعتنق اى ديانة اخرى ، المهم عندى هو طريقة معاملته للآخرين وأخلاقه ومدى تمسكه بالقيم و المبادىء الطيبة ... لكن الست الهانم هى من تطرقت لهذا الموضوع وأقحمت الدين فى الموضوع وتكلمت عنه بطريقة مستفزة ، لكن لا يمكن ان ننكر انها بنت مثقفة ومتعلمة وكمان جميلة .. والأهم إنها أصلاً من لبنان و يا عينى على بنات لبنان ، لكن تفتكروا بعد كل ده إنها مجرد صدفة إن أبوها اسمه " الفقيه " ؟!            

أهم أخبار مصر

Comments

عاجل