المحتوى الرئيسى

قبل ما تفتح الكمبيوتر .. معاك رخصة ؟!

04/10 12:18

 | أخر تحديث: 27/05/2010 06:59 ص Icdl ده اختصار لعبارة the International Comp ter Driving Licence يعنى الرخصة الدولية للتعامل مع الكمبيوتر واللى بقت شبح بيهدد مستقبل اى شاب فى مصر لانه لايوجد اى طلب وظيفة لا يشترط الحصول عليها ، وحتى الذين حصلوا على وظائف يطلب منهم الحصول على شهادة icdl حتي يستمروا فى وظائفهم .. وكمان الطلبة اللى عندهم مشاريع تخرج فى كلياتهم اصبح شرطاً اساسياً عشان تناقش مشروعاتهم أن يكونوا حاصلين على رخصة تؤكد انهم يجيدون التعامل مع الكمبيوتر. الرخصة دى عبارة عن منهج بيتكلم عن المفاهيم الاساسية لاستخدام الكمبيوتر وهذا المنهج بيتكون من 7 موضوعات اساسية لازم تجتازهم كلهم عشان تاخد الرخصة وطبعا اسئلة الامتحان بتتحدث دوريا بعد ما اكتشفوا ان الامتحانات بتتضرب, لكن السبع موضوعات اللى بيتكلم عنهم المنهج ثابتين وهى عبارة عن information technology, windows, word, excel, access, internet, power point, اى حد ممكن ياخد شهادة icdl بصرف النظر عنده كام سنة او معاه مؤهل إيه .. المهم إنك تدرس السبع موضوعات فى اى مركز تعليمى وتجتاز الاختبارات فى مراكز معتمدة testing center لأن هذه المراكز بتخضع لمراقبة وزارة الاتصالات ومكتب اليونسكو فى القاهرة , وطبعا شهادة icdl فى مصر بتكون ببلاش لان وزارة الاتصالات وتكنولوجيا المعلومات بتقدم أول سبعة اختبارات للوحدات الدراسية السبعة مجاناً .. بس بتدفع 200 جنيه تاأمين لمركز الاختبارات اللى انت بتمتحن فيه ، ولو انت مقدم على المنحة تبع مؤسسة حكومية يبقى هتدفع 120 جنيهاً بس المهم إنه فى كل الحالات هتاخد فلوسك تانى بشرط انك تجتاز الاختبارات فى 3 شهور بس ، لكن لو تأخرت يبقى عليك العوض فى المبلغ ، ولو سقطت فى مادة لازم تدفع 20 جنيهاً كرسوم ‘عادة الاختبار مرة أخرى . ولو انت مصرى الجنسية وتعرف تتعامل مع الكمبيوتر بشكل بسيط روح حالاً على أقرب مركز معتمد وخد معاك صورة من الرقم القومى وصورتين شخصيتين وصورة مؤهلك الدراسى ، ولو انت ولد تاخد نسخة من شهادة الاعفاء من الجيش .            

أهم أخبار مصر

Comments

عاجل