المحتوى الرئيسى

شباك علي الثورة

04/10 11:37

 أغلي الأحباب وأخلص الأصدقاء، أشقائي في سوريا العزيزة.. أشقاؤكم في مصر المحروسة يتألمون لكم ويحزنون علي ما أنتم فيه الآن أعانكم الله وهداكم وسدد خطاكم وألهمكم الصبر والجلد، فكما قالت العرب قديمًا: »النصر صبر ساعة« أنا أعرف يا أديب أن احنا اتأخرنا علي سوريا الحبيبة.. لكن برضه ما هو انتم كمان متأخرين كتير في الصبر علي هذا النظام الإرهابي في كل هذه السنين وأحب أقولك يا فؤاد يا نصري. فاكر لما قلت لك إن البعث السوري أقسي وألعن ألف مرة من البعث العراقي؟ قلت لك إن البعث العراقي »جعجاع« إنما السم المركز هو في البعث العلوي السوري اللي بيلدغ ويلبد زي التعبان الأصفر فاكر يا أحمد يا سقا علي دوبة مين علي دوبة؟ قال لك دا واد بيخوفوا بيه العيال زي ما كان غير المأسوف علي رحيله صلاح نصر اللي هو مربي بسلامته الحاج محمد حتقوللي الحاج محمد مين؟ ح أقول لك دا شخص يدعي »الصاغ موافي« ودا كان أيام الشقا والصبا.. إنما بقي لما لعبت له البلية قفز لفوق زي البلياتشو وبقي قاعد علي المنصة تحت اسم »السيد صفوت الشريف« أمين التنظيم وماسك حاجات كتير قوي وبالمناسبة أنا عندي تحقيق أجراه معاه وكيل النيابة العسكرية بيقول بالحرف الواحد: يا باشا أنا ما ليش في السياسة أنا كنت ضابط مخابرات وتخصصي كان »......« بس كده. بس ده برضه علي دوبة واللا ابن عمه وعلي رأي عيد جاري يا عم »عبي من القفة ويا أم عمار وبهجت يا هند أنا قلبي متشحتف عليك أنت والعيال اسمعي يا بت يا هند »أنا صحيح ما عنديش عزيمة تصبرني ع اللي بيجري في سوريا الحبيبة لكن والله أعلم بيتهيألي أن الفرج حيدق الباب قريب ان شاء الله وعلي الباغي تدور الدوائر وحسبنا الله ونعم الوكيل..85 مليون مصري بيصحوا ويناموا علي يارب نج سوريا الحبيبة وارفع الكرب عنها وتنصر أهلها أولا علي أنفسهم ثم علي عدوهم يا مجيب الدعوات يارب العالمين.أما أنت يا دكتور بشار يا أول الوارثين يا حكيم العيون. ما شفتش جثث الأطفال في درعا؟ منك لله ومصيرك تنضم لفرقة الحرامية أمثال زين العابدين بن علي وعلي عبدالله صالح والملك المتنكر ظرقان ابن »فسيان« ملك البرين والبحرين ياللا يا شباب سوريا هانت وبالمصري »فاضل ع الحلو زقة«؟

أهم أخبار مصر

Comments

عاجل