فضفضةدم خفيف!
أحاول جاهدا ان أتخلي قليلا عن الكتابة الجادة المكشرة، بعد ان نصحتني زوجتي بان أفكها شوية.. الناس مش ناقصة علشان أزود نكدها.لم تكتف زوجتي بما قالت انه نصيحة لوجه الله، وعشان العيال والعشرة، بل تطوعت بأفكار للمقالات.هذا رأي زوجتي، ولكن أنا لي رأي آخر، فأنا أري نفسي زي العسل، واخف بكثير من هشام مبارك اللي بيتنحنح كل ما يتكلم، وكفاية عليه اسمه.. وكمان طلعتي بهية عن عمنا عبدالقادر محمد علي، وصباحي منعنع عنه، أما حازم الحديدي بتاع اللمبة الحمرا، فدمه كان طول عمره تقيل، وما خفش إلا بعد ما زهزهت معاه، وكل أصحابه بقوا من الفنانين والفنانات، يشم علي الريق أحلي برفان.. أما أماني ضرغام فالله يكون في عونها كانت مفروسة طول عمرها، وبصراحة بتصعب علي بعدما زادت فرستها وهي عارفة ليه.قلت يا واد قدامك فرصة ذهبية، ورحت كاتب كبسة مقالات عن القذافي وزنجاته، عشان دمي يبقي خفيف، أديتها لزوجتي تقرأها، ولكنها بكت.سألتها ايه الحكاية.. كل اللي كتبته ده ولم تضحكي..بزمتك مش دمي بقي خفيف؟قالت: خليك علي طبيعتك أحسن!
Comments