المحتوى الرئيسى

إضحك معايا ع الأغبية دول بقلم:حمدى رسلان

04/03 19:48

هل قتل مبارك السادات ؟! وهل قتل السادات عبد الناصر ؟1 طب ومين اللى سمّمّ الملك فاروق ؟! وابن نظيف ليه يد فى قتل بنت ليلى غفران ؟! وصفوت الشريف بجد اللى حرّض على قتل سعاد حسنى ؟! والموساد قتل أشرف مروان والاّ المخابرات المصرية ؟! ماتستغربوش 00 ستظل هذه الأسئلة بلا إجابة لسنوات طوال ؛؛ لأنها أسئلة من خارج المنهج الإنسانى والأخلاقى !! الفرق بين منتخب مصر الكروى ومنتخب لصوص مصر هو 00 إن الأول كان بيلعب لمصر ؛؛ والتانى كان بيلعب بمصر بعد نجاح البلطجية فى فرض سطوتهم على المجتمع فى ظل الغياب المتعمد للشرطة وقف البلطجية وقفة إحتجاجية أمام مقر مجلس الوزراء المصرى ليطالبوا المهندس عصام شرف رئيس وزراء مصر بالآتى أولاً : إنشاء مجمع مدارس لأبناء البلطجية تحت إسم ( مدارس مصر التخريبية ) ثانياُ : إثبات نسب مبارك لكلٍ منهم ليصبح الإسم الثانى لهم بدل من إسم والد كلُُ منهم الحقيقى وذلك إعترافاً بفضل مبارك ونظامه فى نشأتهم وترعرعهم فى حمايته حتى كبروا ( لكن واحد خبيث من البلطجية دول قاللى بينى وبينه بصوت واطى خالص ؛؛ ده عشان نورث فى مبارك لمّا يموت ؛؛ ) بعد خروج عائشة عبد الهادى وزيرة القوى العاملة السابقة من الوزارة سألها أحد الصحفيين سؤالاً : س : إنتى ليه قّبّلتى أيد سوزان مبارك وماقبلتيش أيد مصر ؟! فأجابت بما يلى : شوف ياسيدى 00 أيد مصر كانت خشنة ومشققة وريحتها مش ولا بد لكن أيد ماما سوزان 00 ياسلام ناعمة ومتريحة ومليانه بخيرات ربنا يبقى عايزنى أبوس مين فيهم !! أحمد عز ماكنش معاه بطاقة رقم قومى ؛؛ وأما أتسأل فى التحقيق رد وقال : ياباشا أنا كنت كل ماروح السجل المدنى عشان أعمل بطاقة رقم قومى يطرودونى ويقولولى 00 إمشى ياللا 00 وتبقى تعالى أما تكبر زمان كان فيه مقولة مشهورة بتقول ( إمسك حرامى ) بعد 25 يناير المقولة إتغيرت وبقت ( إمسك ظابط ) شئون عربية وصلتنى أخبار أن القذافى بيفطر (بدانة ) وبيتغدا ( بصاروخ ) وبيقرع ( قنابل ) أيه !! العشا لأ هو مابيتعشاش هو بس بيشرب كوزين دم من خليط كل الفصائل على عبد الله صالح ردّ على ثوّار شعبه عدة مرات بعدة عبارات الإولى : سيبونى أكمّل مدتى التانية : سيبونى لآخر السنة التالتة : سيبونى ساعتين وأنا متوقع المرة الجاية يقولهم سيبونى أروّح الله يخليكم وبشّار الأسد ردّ ع اللى بيحصل فى بلاده وقال ( ده حسد ) 00

أهم أخبار مصر

Comments

عاجل