المحتوى الرئيسى

6- الفن اسكندرانى والمونولوج الفكاهى و النقدى بقلم: وجيه ندى

03/30 19:49

6- اهل المونولوج الفكاهى والنقدى الفن اسكندرانى هو عنوان لاحد البرامج الشهيره فى الاذاعه السكندريه ومن خلال الدوره الاذاعيه الجديده لموسم 2011 تم اختيار برنامج للتأريخ عن نجوم الغناء والتاليف والتلحين والتمثيل والاخراج الاذاعى وتعريف الساده المستمعين بما قدمته الاذاعه فى الثغر حوالى 58 عاما من البث الاذاعى وكان التوجيه من السيده رجاء بسيونى مدير عام الاذاعه وكم شرفت ان تم التسجيل بصوتها على تتر البرنامج والذى يذاع مساء يوم الخميس من كل اسبوع ولمدة ساعه من الحادية عشره وحتى منتصف الليل مع الاذاعيه اللامعه محاسن متولى ولمسات مهندس الصوت محمد النبوى وكانت الحلقه السادسه والتى اذيعت فى 24 مارس 2011 عن فن المونولوج النقدى والفكاهى فى الاسكندريه و يبقى الفن اسكندرانى وكانت البدايه مع الفنان رمضان عيد والذى اشتهر بمونولوج رمضانه بنت حليمه وحليمه بنت رمضانه وكان فى صراع فنى لحد ما سافر الى احد الدول الاجنبيه واختفى عن الساحه الفنيه ------------ المونولوجيست احمد فؤاد صاحب منولوجات سجلتها الاذاعه ومنهم الدنيا اتنورت من نظم عبد الله حسن محمود والحان ابراهيم عثمان الدنيا اتنورت والست اتحررت الشاطره اتقدمت والجاهله اتاخرت ==== الشاطره بعقلها بتنظم نسلها من قبل ماتتولد خلفتها مرتبه مش عامله كركبه بعيال مالهاش عدد والجاهله بجهلها مش سائله فى نفسها لو جابت 100 ولد صحتها اتدهورت وصورتها اتغيرت وعيالها بكترتهم خلوها اتاخـــــرت والدنيا اتنورت والست الشاطر اتقدمت والجاهله اتاخرت ==== الشاطره بتشتغل وبترجـــــــع م العمل على بيتها تنورو باديها توضبه وكمـــان تغير منظرو والجـــــــاهله همها على زار يلمها مع ناس بيفقرو ويا ما فقرت لحد ماشحرت وف بيتها الدلعدى لا مواخذه اتاخرت والدنيا اتنورت والست الشاطره اتقدمت والجاهله اتاخرت ==== الشــــاطره مدبره فى العيشه موقره وبتعمل للزمن ف البوسطه محوشه وف بيتها مريشه من تصريفها الحسن حالتها ادحضرت علشان استخصرت ونتيجة كل ده العيشه اتاخرت والدنيا اتنورت والست الشاطره اتقدمت والجاهله اتاخرت ومن بين الحفلات اللى اشترك فيها الفنان احمد فؤاد حفل النادى الاولمبى عام 1966 عندما فاز النادى ببطولة الدورى العام وسجل الحفل فى برنامج ليالى اسكندريه وكان الاذاعى على ابو العلا هو مقدم الحفل وصعد على المسرح لاعب الاولمبى الشهير والجناح الايمن للنادى فاروق السيد وهو اللى قدم نجمنا على المسرح وغنى الفنان احمد فؤاد مونولوج يالا يا غاوى من نظم سعد العربى وطبعا من الحانه يالا يا غاوى تعالى اتفرج على ماتش الكوره فى حتتنا قوم والحق اى مدرج دوغرى قوام على سلم بيتنا يالا يا غاوى بيتنا دا صبح اكبر ملعب واصبح جاهز يعنى السطا كل عيال الحاره بتلعب فوق السلم وعلى البسطا وانا متالم وعايز اتكلم ع اللى بيلعب على السلم وان كلمته بتنزل نينته وتقولك جرا ايه يا معلم يالا يا غاوى دا البيت قدامه تمللى هيصه وزيطه وكوره شراب حاجه تخلى العقل يولى عينك ماتشوف الا تراب شوطه ولعبها ابو طويله شاطها ودخلت جوه البيت كسرت قله وقلبت حله يعنى لا نمت ولا اتعشيت يالا يا غاوى نازل يوم ساعة عصريه لابس بدله شركستين الا وكوره شراب لابسه فيه بقت البدله شركس طين بقى بالذمه يرضيك يا معلم وبقت البدله كام لون ويزقونى وكتير يقولولى كده ضيعت علينا الجون يالا يا غاوى هوه مافيش فى الدنيا حكايه غير الكوره ليل ونهار ولا انا ح امشى وابص ورايا وافضل كده على طول محتار قبل ماسلم لازم اتكلم مانا زيك لعيب يا اخينا لكن بالعب جوه الملعب وكل الناس بتشجع فينا يالا يا غاوى فنان سكندرى يقدم لون فكاهى لم يسبقه اليه اى فنان كوميدى هو احمد محمد احمد حبروت مواليد حى كرموز – تقدم للاذاعه السكندريه فى بداية الارسال عام 1954 وتخصص فى الالوان الريفيه وكان يرتدى الجلباب ويقدم فن المونولوج النقدى ومن اولى الحانه واغانيه يجعلها عمار و القمح الكهرمانى و وش الخير تاليف محمد سعيد احمد والحان محمد الحماقى - ياميت لطافه تاليف احمد ملوخيه والحان محمد ابو سماره – ويا العصفور كلمات عبد المنعم خوجه والحان محمد الحماقى - قصة الفلاح تاليف فوزى الشربينى والحان صبحى شفيق ومواويل الاوله الله – الاوله مالى – القلل القناوى – الدره المشوى – ايدك ويانا – اللى يضرك – بهيه – بياع الحلاوه- ومنونولوج عيل صغير تاه كتبه ابن منطقة باب سدره احمد السبكى عيل صغير تاه ياولاد الحــــــــلال مين فيكم اللى لقاه ياولاد الحـلال جبت المنادى ينادى تاه المنادى وراه ادور ع المنادى ولا الـــــواد اللى تاه ==== عبد المعين جبته يعينى طلع عبيط زى ولادى وباقول يا عالم تاه منى عيل صغير ومنادى تعبت انا ولفيت با ولاد الحــــــــلال يومين ماجاش البيت يا ولاد الحلال جبت المنادى ينادى تاه المنادى وراه ادور ع المنادى ولا الواد اللى تـــــــاه ==== الام هيه المسؤله قاعــــــــــده بترغى مع الجاره ال ايه فى بيتها مشغوله وسايباه بيلعب فى الحاره ودا اخر الاهمــــال يا ولاد الحلال حلاوته نص ريال يا ولاد الحلال جبت المنادى ينادى تاه المنادى وراه ادور ع المنادى ولا الـــــواد اللى اتاه ==== ندرا عليه احينكو شالله ياعــــــدوى لو بانو اللى يجيب الواد منكو ياخد المنادى علشانو نشرت فى الجورنان ياولاد الحلال بسأل فى كل مكان ياولاد الحـلال جبت المنادى ينادى تاه المنادى وراه ادور ع المنـــــــادى ولا الواد اللى تاه ومن بين ابدعات احمد الحبروت حلاوة زمان علموه - ع المكس تاليف رشدى عبد الرحمن – عطوه خفير الدوريه – فوق عيدان الغله - عريسنا ليلته سعيده - خد الحليوه – دلع الحلوين – قدوره وجبوره – كلمة حق – كتر م الحسنات - دلوقتى يعدى المتولى – معلمين وصنايعيه – وانا قاعد جنب الترعه – ياهل بلدى - - يا ساقيه دورى من نظم السيد مسعد – يا مسعده – يا مرحبا – تسلم ياسطى - زفى الشوار – شبكتها - ال ايه تقلان - ياللى عندك شقه فاضيه – العصا لمن عصا – النفس الحلوه لها الجنه – الحق يابو احمد اللى تايه له فرخه – شقه فاضيه وايضا لاننسى مونولوج عوض ياعوض ادلع ياعوض – ادينى عقلك انت – دانا عقلى عليه العوض – وكان مونولوج مالكشى حق يا عبد الحق من تاليف التركى محمد ابراهيم له الشهره على الساحه الفنيه ويقول المؤلف مالكشى حق يا عبد الحق – ماعرفش ليه تزعل م الحق ما لكشى حق فرخة جارك عبد الواحد – هربت منه ودخلت بيتكو بعد شويه عيالو شافوها دمها سايح على عتابتكو ومنضفها وموضبها ودى تالت فرخه بتلهفها مالكشى حق وكان مونولوج مش ممكن يا خلف اهو كله الا السلف - ترمس وحلبه وشارك الفنان احمد الحبروت فى حفلات الاذاعه وايضا فى الحفلات العامه كما شارك فى البرامج والصور الغنائيه والشهيره فى اذاعة الثغر ومنهم البرنامج الغنائى وشارك الغناء مع محمد الصغير والمطربه نسمه وكان البرنامج من تاليف السيد زياده والحان سيد زكى واخراج حسين ابو المكارم – والصوره الغنائيه رمضان فى اسكندريه– سوق راتب صوره غنائيه شارك فى الغناء مع عزت عوض الله وصلاح عبد الوهاب واحمد فؤاد ويوسف عوض والسيد حسنى والسيد نوفل وكانت الصوره من تاليف محمد البشبيشى والحان جلال حرب – الاوبريت الغنائى طريق السلامه وكانت الصوره الغنائيه عروس البحر واذيعت لاول مره فى الاربعاء 5 اغسطس 1959 وشارك بالغناء مع محمد الصغير وزينب عوض الله ومن تاليف محمد مكيوى والحان فتحى جنيد – الاوبريت الغنائى نصيبك يصيبك وظل الفنان احمد الحبروت يقدم لونه الفنى على المسارح المصريه طيلة حياته وبالتعاون مع السيده زوجته والتى اتاحت له كل الوسائل لانجاحه على الساحه وحتى توفاه الله فى 9 اكتوبر 1990 رحمه الله ايضا هناك مؤدى فن المونولوج النقدى والاجتماعى الفنان السيد نوفل لدرجة انه كان يجمع بين وظيفته فى القوات المسلح وسلاح الحدود وعمله فى الاذاعه ومن اشهر ماقدم الفنان السيد نوفل مونولوجات انا باش كاتب وياللى عيالك كتروا ويعملوها الصغار من الحان المبدع دائما الموسيقار السكندلرى شريف الابيض واحدث مونولوج من فضلك وطى الراديو ضجه كبيره وكانت الدعوه من المؤلف السيد رمضان والالحان للملحن محمد ابو العلا من فضلك وطى الراديو دوس حبه على المفتاح ماهــــــــو يمكن برضو غيــــــــــرك عايز يرتاح من فضلك وطى الراديو على فرض سيادتك مره جيت من شغلك تعبان حبيت طبعا تتغدى وتاخد لك نومه كمان بس الجار كان فاتح راديو ونازل مغنى وهات يا زعيق بقى بالذمه النوم ح يجيلك ولا ح تبقى فى غاية الضيق طبعا ح تكون متضايق علشان البيت مش رايق من فضلك وطلى الراديو طالب سهران بيــــــــــذاكر قبل قدوم الامتحانات قدامه كتب ودفاتر ومراجع ومحاضـــــــــــرات بس الجار كان فاتح راديو ونازل مغنى وهات يا زقيع طبعا ح يكــــــــون متضايق علشان البيت مش رايق من فضلك وطى الراديو ومــــريض وصفو له الراحه والبعد عن الازعـــــــاج وقالوله بكل صراحــــه ارتاح دى الراحه عــــــــــلاج بس الجار كان فاتح راديو ونازل مغنى وهات يا زعيق طبعا ح يكون متضايق علشان البيت مش رايق من فضلك وطى الراديو وعاش الفنان السيد نوفل فى الوسط الفنى قاطنا حى القبارى وعمل لفتره كبيره عازفا على الة الرق بفرقة عبيد ابراهيم الموسيقيه والتى سجلت اغنيات كثيره بالاذاعه وايضا الحفلات العامه لاهل الفنون وكان ايضا من مبدعى اداء فن المونولوج فى الاسكندريه ولكن غير معتمده اصواتهم من خلال ميكرفون الاذاعه منهم السيد قشقوش واحمد برغوت وابراهيم الاراجوز وحتى ظهر نجم الفنان مجدى مختار وفن المونولوج وايضا النكته وقد ساعدنى كثيرا فى المجال الفنى بالاشتراك فى حفلاته العامه والخاصه بعد اجازة صوتى كمؤدى لفن المونولوج وايضا النكته عام 1987وايضا قامت الاذاعه السكندريه بتسجيل مونولوجات كثيره له ومنهم اسم الله عليك يا حب –الراجل الجد – الربيع والفن - مستعجل على ايه - - اضحك من قلبك – اوعى تدخن – هذا المساء احلى مسا – اوكيه اوكيه – فنجرى بق وقدم للساحه الفنيه اكثر من شريط كاسيت فى الاسواق الفنيه وكان الوحيد فى الاسكندريه الذى عمل على تكوين فرقة فن احياء المونولوج التابعه لبيوت الثقافه وكنت احد المشاركين بها ولكن لم يحالفها الحظ بالاستمرار وتواجد الفنان وحيد منسى كمؤدى فكاهى لفن المونولوج فى الحفلات العامه للاذاعه وايضا الفنان ونقيب الموسيقيين الا سبق فوزى شكوكو مرتديا جلابيه فى الحفلات و ايضا المؤدى وليد خليل وكان فن المونولوج والاصوات النسائيه ومنهم نعيمه احمد واللى فيما بعد عرفت بنعيمه الصغير لما اقترنت بالفنان المطرب الشعبى محمد الصغير وقامت بالسفر للقاهره واشتهرت فى الافلام فى السينما باسم نعيمه الصغير وكانت برضه الخفيفه كوكا وافى اشهر واحده على الساحه فى الحفلات والسهرات وايضا الافراح وفى حياتها اقترنت بعازف الايقاع السمره حميدو هى ( كوكا وافى ) هى هانم محمد ابراهيم وافى مواليد 1940 بحارة الشمرلى بمنطقة بحرى بالسياله بالاسكندريه تعلمت الغناء الخفيف وهى صغيره وكان والدها يعمل فى المجال الفنى عازفا على الة مع الفرق الغنائيه المسرحيه والتى كانت تجوب المحافظات ومنهم تياترو احمد المسيرى (سينما التتويج وفرق نجيب الريحانى وفوزى الجزايرلى وعلى الكسار وظهر والدها الفنان محمد وافى فى بعض مشاهد من افلام على الكسار ومنهم المعلم بحبح والساعه 7 وعملت كوكا فى الفن بالقاء المنولوجات مع فرق حمامه العطار على مسرح سينما فؤاد (مسرح رمسيس) ومن اشهر ما غنت زعلان من ايه من نظم عباس الخويسكى والحان فتحى جنيد زعلان من ايه فى البيت زعلان ولا انت خلاص بقيت زعلان ح تعزل ليه وتفوتنا خلاص هانت عشرتنا وااحسن منى انا ايه زعلان من ايه ===== عودت القلب ليلاتى يا حبيبى بامسى عليك ويقوللى انت حياتى وعنيه بتفرح بيك وبقيت مننا وعلينا شايلينك جوه عنينا ح تعزل ليه وتفوتنا خلاص هانت عشرتنا ولا احسن منى انا ايه زعلان من ايه ==== عرفت الحب فى قربك وجمال الود رضاك والعمر وهبته لحبك وحلفت اعيش وياك وبقيت مننا وعلينا شايلينك جوه عنينا ح تعزل ليه وتفوتنا خلاص هانت عشرتنا ولا احسن منى انا ايه زعلان من ايه ===== زعلان من ايه فهمنى خلينى ارتاح لى شويه يرضيك الشوق يغلبنى والحيره تبان فى عنيه وبقيت مننا وعلينا شايلينك جوه عنينا ح تعزل ليه وتفوتنا خلاص هانت عشرتنا ولا احسن منى انا ايه زعلان من ايه وكان المتعهد صديق احمد وكانوا اهل الفن من القاهره يعملون على خشبة تلك المسرح ومنهن بديعه صادق وثريا حلمى وايضا وشفيق جلال والشيخ امين وحسان شراره ومحمود شكوكو واسماعيل يس وعملت ايضا مع فرق محمد عبد المطلب (فى المنشيه) فى موسم رمضان وفرق سكندريه ومنهم الحاجه امينه مرسى وعزيزه جميل وثنائى احسان وعزيزه فهمى وعندما افتتحت الاذاعه فى الاسكندريه عام 1954 كانت الفنانه كوكا وافى من اوائل من غنوا امام ميكرفونها بعد اختبار من اللجنه ومنهم حافظ عبد الوهاب وعبد الحميد حمدى وعلى نور وبابا شارو واحمد خميس وكان مهندس التسجيلات مسيو ارتينوف وعندما غنت كوكا وافى بالاذاعه ومعها نعيمه الصغير وثنائى احسان وعزيزه فهمى وناديه امير وكانت الفرق الموسيقيه بقيادة عبد المنعم فرج وابراهيم عبد الله تعاون معها من المؤلفين حسين السيد حسين ومحمد مكيوى وكامل الاسناوى وفتحى ريحان فارس والسيد رمضان ورشدى عبد الرحمن واحمد دهب وعبد الله حسن ومحمد وحوح (زوج خالة الفنانه كوكا وافى ) وقدمت اول اعمالها منولوج (شوروا عليه ) من تاليف رشدى عبد الرحمن والحان خميس عبد الرازق وبعد ذلك قدمت للاذاعه منولوجات برجلاته وبالانسانيه وسلام مربع ومن ابداعاتها مونولوج حب الناس من نظم السيد رمضان حب الناس لاجل يحبوك وافرح لما يجيلهم خير واللى تحبه لنفسك دايما لازم تتمناه للغير حب الناس عم فلان المولى اداله بعد الصبر المال بالكوم اوعى تقول ازاى يديله اصل دا رزقه وله مقسوم اطلب خير تلقاه قدامك واسعد قلبك مع ايامك واللى تحبه لنفسك دايما لازم تتمناه للغير حب الناس وانت يا غاوى خناق ومشاكل ويا الناس من غير اسباب غيرك قضى العمر يشاكل لما صبح مالوش احباب لما تعيش محبوب ايه يجرى دا الانسان فى الدنيا دى ذكرى واللى تحبه لنفسك دايما لازم تتمناه للغير حب الناس ياللى بنيت ع الدنيا امالك فكر حبه دا كله زوال اعمل طيب راح يبقالك اصل دوام الدنيا محال ارضى بحكم المولى وعدله واحمد ربك واشكر فضله واللى تحبه لنفسك دايما لازم تتمناه للغير حب الناس وايضا من منولوجاتها هليت يا شهر الصوم ولسه بدرى ويا للى بتفكر فى بكره وزعلان من ايه لا يابا بلاش وقولوله ويا حلولى وايضا غنت فى الحفلات والافراح الشعبيه وظلت مشهوره عند وكلاء الفنانين فى الخمسينات ومنهم حمامه العطار والحاج خليل الفكهانى وحمامه خالد والسيد بخيت واولاد التاجورى فى شارع ايزيس والحاج سعيد الحضراوى وكمان نعمه السمره وسنيه محمد وباتعه السلامونى وتعاونت مع الاذاعه ايضا فى الغناء بالصوره الغنائيه رمضان فى الاسكندريه مع محمد الصغير واحمد الحبروت ويوسف عوض وكانت الصوره من تاليف احمد ملوخيه وغناء والحان محمد ابو سماره وغيرهم من المنولوجات وتعاونت مع كبار الملحنين ومنهم ابراهيم عثمان وخميس عبد الرازق ومحمد ابو سماره وفتحى جنيد وتزوجت فى حياتها 1970 من عازف الايقاع السمره حميدو وانجبت ابنه واحده رباب والتى ما زالت حافظه تراث وكنز لا يعوض اطال الله عمرهما وايضا من الاصوات الخفيفه والتى ادت المونولوج الخفيفه عزيزه فهمى وكانت قبل افتتاح الاذاعه بتغنى دويتو من استوديو الاسكندريه واللى بتتذاع اعماله فى القاهره وكان الدويتو ( احسان وعزيزه فهمى ) وبعد افتتاح الاذاعه مارست الغناء بمفردها ولها الكثير من المونولوجات اشهرهم الله يجازيك يا شيطان جرا ايه دااحنا ف رمضان وانسى القساوه وابو طبع غريب وانت مالك ومن نظم السيد همام والحان المتخصص فى تلميع ونشر الاصوات وبالذات فى الاسكندريه الملحن القدير على ابراهيم ابن حارتنا ابن حارتنا طويل وعريض زى الحيطه ويفلق سته وعليه قوة سكه حديد ووظيفته روميو فى الحته ومالوش شغلانه غير حب فلانه وغرام علانه وغلرام علانه ابن حارتنا ليل ونهار واقف ع الامه بسلامته ال عامل جن مين يرضى بهذا وبالذمه حد يقول ان ده بيحن مش حاطط الدنيا ف باله ويروح يلا قيها طبخاله ومالوش شغلانه غير حب فلانه وغرام علانه وغرام علانه ابن حارتنا لا والادهى من ده وده لما يشوفنى يالس برضه يمشى ورايا ويمسك ورده يا سلام على طوله وعرضه دمه تقيل على قلبى يا باى يبقى دا راجل بس ازاى ومالوش شغلانه غير حب فلانه وغرام علانه وغرام علانه ابن حارتنا يقولوله دور على شغله واسعى اليها واكتب طلبات واللى بيسعى يساعده المولى وبلاده مليانه شركات مش غاوى غير بس الحاره بسلامته بيحسبها شطاره ومالوش شغلانه غير حب فلانه وغرام علانه وغرام علانه ابن حارتنا وبرضه من اشهر اعمالها على الساحه مونولوجات انت مالك وياخلق يا هو دويتو مع حسن غزال من نظم العظيم عبد المنعم كاسب ادام الله عليه الصحه والعافيه ومونولوج جى يخطبنى – باحبك ليه من نظم الشاعر محجوب موسى والحان ابراهيم عثمان ومونولوج فاتح الشباك للمؤلف عباس الخويسكى – خليك وسط لاحمد ملوخيه والحان صبحى شفيق – راح انسى الكل – خطبوها خلاص – كلام فى سرك من تاليف عبد الله حسن محمود والحان القدير والراعى الاول لكل فنانى الاسكندريه الموسيقار محمد الحماقى ونبعث له بطول العمر من استوديوهات الاذاعه فى باكوس الى منزله فى العجمى وطالما برنامجنا عنوانه الفن اسكندرانى غنت من نظم الشاعر محمد مكيوى وموسيقى ابراهيم عبد الله انا احب بحرى احب بحرى واتباها بيها وطول حياتى متربى فيها دى احلى حته ف اسكندريه وزى بحرى ما تلاقى فيها انا احب بحرى المرسى ابو العباس جارنا والبحر صوت موجه ف دارنا امانه لو جيت فى بلدنا تعالى يوم مره وزورنا تعالى طل ولو طله رايحين نرحب بيك والله دى احلى حته ف اسكندريه وزى بحرى ما تلاقى فيها انا احب بحرى تعالى شوف السياله والصيادين والشغاله جدعان وراسيين بالمعنى وفى الشهامه رجاله تعالى طل ولو طله رايحين نرحب بيك والله دى احلى حته ف اسكندريه وزى بحرى ما تلاقى فيها انا احب بحرى وفنار رصيف 60 بينادى ومنور على سحر بلادى ويهدى للساير سيره ويرشده بنوره الهادى تعالى طل ولو طله رايحين نرحب بيك والله دى احلى حته ف اسكندريه وزى بحرى ما تلاقى فيها وانا احب بحرى ومونولوجات كثيره ومنهم مش راح تقعد ومونولوجات الارباح من نظم الشاعر الكبير سعد بدوى وابعث له بالتحيه من باكوس لمكان سكنه فى المعموره ونقوله ربنا يخليك لنا يا كاتب يا كبير وقوللى يا انت من نظم سيد مرسى والحان على كالوظه وده من اول الملحنين فى دار الاذاعه منذ افتتاحها عام 1954 – تحديد النسل من نظم السيد رمضان والحان سيد شعبان – وكان مونولوج خطبوها ووافق ابوها من نظم فاروق سليمان والحان خميس عبد الرازق خطبوها ووافق ابوها وجابو شبكه عليها القيمه وخطيبها واخدها يوماتى ف ايده ورايح بيها السيما وان قلت دا يبقى اصول يقولولى قوام على طول خطبوها ووافق ابوها اكمنه خطبها يقولو خلاص من حقه تكون وياه وان حب يسافر بيها يسافر ويجرجرها وراه ويلفوا الدنيا كمان وابوها بكده فرحان وان قلت دا يبقى اصول يقولولى قوام على طول خطبوها ووافق ابوها لو واحد صاحبه يقابله فى سكه قوامك يجرى عليه ويقوله دى تبقى خطيبتلى ويبقى سيادته محسن بيه وبسرعه ف غمضة عين الواحد يبقى اتنين وان قلت دا يبقى اصول يقولولى قوام على طول خطبوها ووافق ابوها وليفرد بعد دا كله خطيبها اتضايق منها وسابها اللى ح يحصل ان الخطاب مش ح تقرب على بابها ولا حدش يتجوزها ولا شئ برضه ينرفزها وان قلت دا يبقى اصول يقولولى قوام على طول الغلطه دى غلطة ابوها وكانت فى الاذاعه السكندريه مجموعه من مؤديين الاغنيات الخفيفه ولم ينخرطوا ويتعمقوا فى ادائها لان فن المونولوج والتاديه من اصعب الالحان الموسيقيه ومنهن سلوى فهمى و ناديه عمير وسعاد منصور وناهد محمد ووحيده حلمى والاغرب من كده ان هناك مونولوجيست اعتمدتها الاذاعه واسمها رويدا وسجلت لحن الاستاذ الموسيقى محمد مراد ومن نظم كاتب المونولوجات السكندرى الشهير عبد الله حسن محمود وعنوانه نحن معجبون واتمنى ان اكون وفقت فى حلقات الفن اسكندرانى عن المونولوج النقدى والنسائى وبالاصوات النسائيه والى الحلقه رقم 7 والتى تذاع مساء الخميس القادم 31 مارس 2011 وللتواصل 0106802177 المؤرخ والباحث فى التراث الفنى وجيـــه نـــدى wnada1950@yahoo.com

أهم أخبار مصر

Comments

عاجل