المحتوى الرئيسى

يا مصر.. إيش مطلبك ؟

03/30 17:46

وكمثل مارد كلنا من القمقم، قمنا القيامة وقمنا نبنى بلدنا. يا مصر يا أجمل وطن للناس- إذا اتمنيت يا مصر يا أجمل وتر حساس- إذا غنيت وزرعنا أرض وعرقنا ما بخلنا بدم وصبح لنا فى الدنيا كلمة وقدم يا مصر لسه ولسه فى الخاتم أعمال كتيره وكلنا الخادم إيش مطلبك؟ مطلبى تبنوا الحجر والطوب بحنيه لكل مصرى وكل مصريه مطرح يهنى يغنى أغنيه تجرى الحياة على مهلها وهى دايماً صبية وهو دايماً صبى يا مصر لسه ولسه فى الخاتم أعمال كتيره وكلنا الخادم إيش مطلبك؟ مطلبى وأنا أم والدة ومرضعة وحامل أجمل ولادى آخرهم صنعته العامل يشيل فى الحضن زى لوز القطن الحديد المكن ويقول لشمس الفرن، لا تغيبى يا مصر لسه ولسه فى الخاتم أعمال كتيره وكلنا الخادم إيش مطلبك؟ مطلبى الأوله إقبال والتانية عقبال كل اللى كان فى البال والتالتة الثابتة أمتن أرق حبال تجمع سهول وجبال الشامى والمغربى فؤاد حداد

أهم أخبار مصر

Comments

عاجل