ائتلاف شباب الثورة يدعو للخروج في جمعة إنقاذ الثورة بشعار"عايزين حقنا فلوسنا ودمنا"

تحت شعار "عايزين حقنا فلوسنا ودمنا"، دعا ائتلاف شباب الثورة إلى الخروج الجمعة القادم والتي أسماها "جمعة إنقاذ الثورة" للتظاهر بشكل سلمي.وقال ائتلاف شباب الثورة على صفحته الرسمية على الفيس بوك "يدعو " ائتلاف شباب الثورة" جمهور الثورة للقيام بحملة توعية للجمهور في شوارع وميادين محافظات الجمهورية المختلفة للمشاركة بتظاهرة "جمعة إنقاذ الثورة" للاحتجاج على التأخر في محاكمة قتلة الشهداء، واسترداد أموال الشعب المنهوبة في الداخل والخارج، ومحاكمة رموز الفساد السياسي أحمد فتحي سرور وصفوت الشريف وزكريا عزمي ".وكذلك دعا جروب كلنا خالد سعيد على صفحته بالفيس بوك "الجمعة هيكون يوم مهم جدا .. لازم كلنا نشارك .. لأن الضغط على الحكومة بشكل سلمي ومحترم بيجيب نتيجة .. لازم الشرفاء في الحكومة والسلطة يحسوا إننا معاهم وبنساندهم ومنسيناش .. لازم يحسوا إن مصر مش هترجع تاني للوراء وإن مفيش مسؤول فوق القانون وفوق الحساب .. الشرفاء في السلطة كلهم بيتمنوا إننا نستمر في الضغط لأن الضغط بيمثل ليهم قوة بيقدروا يستغلوها في شغلهم لصالح البلد".