المحتوى الرئيسى

أشعار الثورة علي الفيس بوك

03/29 01:33

هذه لقطات من أشعار بثها علي الفيس بوك شعراء وأشخاص عاديون حولتهم اللحظة العظيمة شعراء‏..‏ ولو للحظة‏.‏ اقتطفناها‏,‏ أو اقتطعناها من قصائد لم نلتزم بنصها الكامل‏,‏ دون إذن أصحابها‏,‏ فشكرا لهم وعذرا‏..‏ وباحبــــك ياكبيــــــــرة محمد كشيك وباحبك ياكبيره كده من غير أسباب وسواء كنتي فقيره أو صاحبه القاب شمس قويه مضيئه أم‏,‏ مكسيه هباب وباحبك في الضيقه جـوه البحر غريقه وسواء كنتي حقيقه أم أوهام وسراب وباحبك ياكبيره ساكنه في عين الصيره أو دير فيه رهبــــــان تجري عشان تصبيره أو ملكه‏,‏ ومانيكان بتنامي علي حصيره أو في حرير وساتان فلاحه‏,‏ في غيطانها أجراس حاضنه أدانها دير يجمع رهبانها تبتهج الأوطان وباموت قوي م الغيره لو مصري‏,‏ بيتهان ‏,,,,,,,,‏ وباحب الترويسـه فيها‏,‏ أدان وكنيســـه أحمد حاضن عيـســـي وجميعا إخوان وجميعا أحباب وباحبك ياكبيره كده من غير أســـــــباب وباحبك منصوره ع الباغي الكداب كنـــــت باحبـــــــي سليم فؤاد حداد كنت باحبي زي كهل عجوز فوق كتافه تلول سنين من الدنيا متعكرة تجري عيونه علي الارض بين تراب ناعم وبين الزلق شايل همومي شايل حمولي مش قادر انهض يا شباب من الغرق صوتي اندلق ما بين اناشيد وغناوي محبوسه بين ضلوعي وبيبان الاوض باتلفت وخايف أتمسك باحلم بقمح وقطن وجواز الولد ايدي علي الاكره باتعافي بافتح باب الشقه بالعافيه زراير قميصي متقطعه وكمامي طويله لحد الركب متساق علي القبر بالعافيه وايديا ورا ضهري خلف خلاف ماشي للقبر بالراحه متطمن وانا خايف وانا عارف ان الوقت مش وقتي يا طالع الحج علي الناقه قول للنبي انا نفسي مشتاقه ياطالع الغرب تتفسح قول للامريكان تفتح بيبان دكانها بالراحه الدنيا مرتاحه وانا تعبان الدنيا دفيانه وانا بردان ماشي وناسي الوصف والعنوان غنيت‏......‏ يا وردة يا بعيدة ويا قريبة مش غريبة بين الكحك يا غريبة يا فجر الحق يا مصر يا طيبة لا يمكن تلاقي بين الوحوش غزلان ولا فجر طالع الا ويعلي للسما بادان مناره ومادنه في اول الشارع وفي اخر الشارع‏...‏ قنبله محدوفه ترش البكا ترش البكا علي خدود الولاد دخان يا رصاص يا مطاطي مش حنطاطي من تاني يا رصاص يا حي الله حي عداني ميداني زي القلب وبينبض بجبين عريض الجبهة والعنوان الكل في الكل والحنجره واحد عمر طوب الغل ما يحطم في يوم انسان عمر رصاص الذل مايمسح الفكره اللي بتبني وتعلي في البنيان تشتمني في ابويا وتشتمني في امي تبعت حميرك وتبعت بغالك تبعت حديدك وتبعت نيرانك تلقاني جني باكبر وباعلا واعلنها ثوره بحق وحقيق باسم الشباب مرصوص يا شعب أصيل كما البنيان‏...‏ عمر سامح هلال مرصوص يا شعب أصيل كما البنيان علي كـوبري قصر النيل ألـوف جـية والصــدر عـاري يواجـه الطـغــيــان ميـت ضميـره‏,‏ و طـلــقــتــه حيــــة نــازلـة القنــابـل فـوقنــا زي السيـــل و النـاس تشـم الغــاز‏,‏ تشـــد الحيـــل و كإنـه كــاتـب فـي الـهـــوا‏:‏ هـيــــا هـانت خـلاص يـا شعــبـنــا و بــانت لان الحــديـد و قــلـــوبنــا ما لانـــت كــانـت بلــدنـا عــاليــة و اتـــهـــدت دلــوقـتـي راجــعـة زي مـا كــانـــت راجعـة بتحـضـن في التـاريخ الوعد راجعـة بتـرفع فـي المـواكـب سـعـد راجعـة لا عارفـة مسلميـن لا اقبـاط الــدم واحـد قــبـــل هــذا و بـــعــــد راجعـة تــدوس العــجـز و الإحباط و يدوي صـوتهـا م الحنـاجـر رعـد و تعــدي وسـط الملحــمـة نــدهـــة آدي بـــلـدنـا الحــرة و عــنــادهـــا و آدي رجــالهــا للـي يــجـهــلهـــا كانوا و ما زالـوا خـيــر أجنــادهــا يسقــط شهــيد‏,‏ يصحي الغضب ويقوم يصـرخ جريح‏,‏ يعلـي الهــدير ويزوم يا نـعـدي فـوق الـناريا إمـا نمــوت والعـمر واحـد والمصيـر محتــوم عدينـا و الحـيــط القـوي اتـــاخــر و الحـق شــق السكــة في الآخـــر و كـإن سينــا و الميــدان واحــــد و الشـعـب زي الجـــنـد يتفــاخـــر و الجنــد عــادوا للميــدان تــانــي و الدبـابـات جنـازيــرها واحشاني و الثـورة قايمــة و الأمــل زاخــر و ينــايــر النــابـض و أشـــهـــاده لمــا لمـــسنــا جمـــرهــم عـــادوا رفــرف يا طير الجـنــة بسمــاحة و اسمـع شبــابنـا و همــا بينــادوا‏:‏ دم الشــهيــد وصلنـــا للســــاحــة ماحنـاش هنمـشــي إلا في معــاده لو يضربوني بقنابل‏...‏ محمود فهمي لو يضربوني بقنابل غير الرحيل مش قابل هو الوطن بالساهل يصبح وطن اجمل لو يضربوني بطوب عن الميدان ماهاتوب حب الوطن مكتوب وانا لاجله راح اكمل وهيعمل ايه المولوتوف في قلوب ماتعرف خوف وعيون خلاص بتشوف مهما الضلام طول لو عدي ليل ورا ليل لليأس عمري مااميل حتي المطر لو سيل انا برضه هاتحمل

أهم أخبار مصر

Comments

عاجل