المحتوى الرئيسى

4- الفن اسكندرلى وعبد الرزاق ابراهيم !بقلم: وجيه ندى

03/28 20:01

4- الفن اسكندرانى وعبد الرزاق ابراهيم الفن اسكندرانى هو عنوان لاحد البرامج الشهيره فى الاذاعه السكندريه ومن خلال الدوره الاذاعيه الجديده لموسم 2011 تم اختيار برنامج للتأريخ عن نجوم الغناء والتاليف والتلحين والتمثيل والاخراج الاذاعى وتعريف الساده المستمعين بما قدمته الاذاعه فى الثغر حوالى 58 عاما من البث الاذاعى وكان التوجيه من السيده رجاء بسيونى مدير عام الاذاعه وكم شرفت ان تم التسجيل بصوتها على تتر البرنامج والذى يذاع مساء يوم الخميس من كل اسبوع ولمدة ساعه من الحادية عشره وحتى منتصف الليل مع الاذاعيه اللامعه محاسن متولى ولمسات مهندس الصوت محمد النبوى وكانت الحلقه رقم 4 والتى اذيعت الخميس 10 مارس 2011 قليل ما تعرف المستمع على بعض اهل الطرب من قريب – واصل الفن اسكندرانى و مطربنا اليوم هو صاحب اكبر تقدير لدى محبى فن الطرب لقد غازل بصوته موسيقار الاجيال عندما طبعت وسجلت شركة صوت القاهره مجموعه من اغنياته العاطفيه على شرائط الكاسيت وصبحت قيمة المبيعات فى ارتفاع مستمر ومازال محبى الفنون يطلبون تلك الشرائط وذلك من خلال المبيعات الشهريه لشركة صوت القاهره اسمه بالكامل عبد الرزاق ابراهيم خليل مواليد 24 سبتمبر 1927 بشارع راغب بمنطقة كرموز وكانت البدايه الفنيه عام 1934 عندما حفظ اغنيات الموسيقار محمد عبد الوهاب من فيلمه الورده البيضاء ومن خلال الاستماع الى الجرامفون الموجود فى قهوة شعبان فياض بشارع النيل والمجاوره لمنزلهم وكانت هناك ايضا اسطوانات لام كلثوم واحمد شريف وعلقت فى ذهنه اغنية يا وردة الحب الصافى وتصادف ان تقابل مع الاستاذ عبد القادر عازف العود والشهير فى الافراح والحفلات وطلب منه حفظ اغنيات احب اشوفك كل يوم وامتى الزمان يسمح يا جميل وانت وعزولى وزمانى و ساعة ما با شوفك جنبى وايضا حفظ الاغنيات من الراديو وظهر العشرات من الاصوات ومنهم محمد الكحلاوى وعبد الغنى السيد وعبد العزيز محمود وكان يحفظ اغنيات اهل الفكاهه ايضا ومنهم سيد سليمان واسماعيل يس ومحمود شكوكو ومحمد كامل وكان تعارف المطرب عبد الرزاق ابراهيم بموسيقار الاجيال عندما كان يحيي حفلات اعياد ميلاده بالاسكندريه وايضا المحافظات المجاوره قمر 14 من نظم فتحى ريحان فارس والحان حلمى امين قمر 14 يشبه لك والعين بتشوفك تندهلك يا سيد الحلوين رايح على فين على مهلك حاسب على مهلك قمر 14 يشبه لك ==== قلبى المشغول بهواك على طول سهران حيران لياليه بتطول يندهلك وانت معدى ويقولك يا جميل هدى يا سيد الحلوين رايح على فين على مهلك حاسب على مهلك قمر 14 يشبه لك ==== حسنك وبهاك نسونى جفاك والليل بيطول وانا باستناك ياشاغلنى بقالى زمان مايصحش دااحنا جيران يا سيد الحلوين رايح على فين على مهلك حاسب على مهلك قمر 14 يشبه لك ودى كانت من بين الاغنيات اللى اخدها المطرب كارم محمود وغناها فى الحفلات فى الستينات وبعد موافقة الملحن حلمى امين على شرط فى الحفلات فقط ولا تسجل فى الاذاعه لسبق تسجيلها فى استوديو الاذاعه فى الاسكندريه وممكن ايضا بعد استأذان الملحن والموافقه على طبعها فى اسطوانات حجريه او بلا ستيكيه وكما هو الان – وكانت تلك المساومه من الملحن فى المقام الاول حيث راى ان كارم محمود هو الاشهر على الساحه اذاعيا وايضا سينمائيا وايضا كان الملحن شد الرحال الى القاهره مع الاستعانه بالحان كانت تؤديها مطربات ومطربين الاسكندريه وسبق ان كرر نفس المحاوله عندما اخذ لحنه للمطربه السكندريه نسمه شهر الهنا من نظم شقيقه عبد السلام امين وغنته فى القاهره المطربه شاديه وغنى الفنان عبد الرزاق ابراهيم لغالبية احياء ومناطق الاسكندريه غنى لابو قير ومن بحرى للسلسله من نظم احمد فؤاد قاعود والحان محمد ابو سماره وغنى لحى راغب وغيط الغنب يا معديه لحسين السيد حسين والحان حلمى امين يامعديه رايحه وجايه وبتتمخطر بين شطين انا من راغب ليا حبايب فى البر اللى قصاد العين ==== لما نادانى الشوق ودعانى والهوى فاض بى لشط هنايا انا لبيت من ودى وجيت من راغب ومعايا هوايا ويا النسمه اطير بجناح وف قلبى من شوقه جراح انا من راغب ليه حبايب فى البر اللى قصاد العين ==== يا معديه ولا دهبيه يارسول بينى وبين خلانى بتوصلنى وتطمنى على احباب البر التانى قلبى معاكى وفكرى بيسرى مع احلامى وانت بتجرى انا من راغب ليه حبايب فى البر اللى قصاد العين ==== اجرى شويه يا معديه نور احبابى هل عليه انا مش قادر برضه وصابر لولا الصبر لا خطى الميه قلبى الحاير عاش يلاغيهم فرحة عينى لما الاقيهم انا من راغب ليه حبايب فى البر اللى قصاد العين ==== ومن سوق الخيط للمنشيه من نظم محمد مكيوى والحان محمد الحسينى وكتير مكتبتى استضافت اهل الفنون لكن الفنان عبد الرزاق ابراهيم كان له حلاوه وطلاوه فى الجلسه سواء فى ورشته فى محرم بك او فى اى مكان البساطه والاناقه والشياكه حتى فى حواره وكلامه والادب فى ذكر الاخرين من نجوم الطرب والفنون هو يقطن الان بمنطقة جناكليس برمل الاسكندريه وكانت مرحلة البدايه الفنيه حينما تقابل مع الموسيقى نعيم عونى والذى دعاه لمنزله فى حى محرم بك وكان بمنزله كل الالات الموسيقيه من الة البيانو وحتى الكمان وانتقل بعد ذلك للغناء فى القاهره وبالفعل لم يستمر وعاد الى مسقط راسه الاسكندريه وتعارف على المطرب عزت عوض الله والمطرب الياس والفكاهى السيد قشقوش والعواد محمود زكى وعازف الكمان حسن محمد احمد ويقضى طول ليله فى الافراح والحفلات وغنى من نظم عبد الله الحلبى والحان ابراهيم عبد الشفيع عشان انت اسكندرانى عشان انت اسكندرانى وغايه فى الادب مانا برضو اسكندرانى ومن غيط العنب حبيتك حب ياما حب ليــــــــــوم القيامه وان جيت وطلبت ايدك ح توافق ع الطلب عشان انت اسكندرانى ياامير الحسن هــــــدى وشوف واسمع ما عندى داانا عندى حاجات كتيره والحب ماهوش بيدى عنـــــدك مانع دقيقــه تسمع كلمـــــه بريئه وان جيت وطلبت يدك ح توافق ع الطلب عشان انت اسكندرانى الكلمه تقولها قبله وساعتها اطلب مقابله ويوميها ح تلاقينى جايلك ومعايا دبله بس تقولهالى انته واتقدم فين وامتى وان جيت وطلبت ايدك ح توافق ع الطلب ==== وعام 1954فتحت الاذاعه السكندريه ابوابها لاختبارات الاصوات الغنائيه وتقدم عبد الرزاق ابراهيم ونجح فى اجتياز تلك الاختبارات من لجنه مكونه من حافظ عبد الوهاب واحمد خميس ويصاحبه الفنان محمد ابو سماره والذى سبق وان لحن له من كلمات على خلاف فين قاضى الغرام دلونى ووافقت اللجنه على 3 الحان وهما مابين غصون الفل من تاليف رشدى عبد الرحمن وخليها على الله من تاليف محمد مكيوى والعملين من الحان الفنان محمد ابو سماره والعمل الثالث عطشان يا صبايا لمحمد مكيوى والحان محمد الحسينى ولكن ظهر له منافس خطير الا وهو المطرب محمد قبارى وكان حافظ عبد الوهاب من المعجبين به وبعد اكثر من 14 لحن وعام 1955 كان تسجيل لحن يارايح ابو قير لاحمد فؤاد قاعود والحان الفنان محمد ابو سماره وتقول كلماتها يا رايح ابوقير ماتستنى تاخدنى معاك بقالى كتير وباتمنى اروح وياك اشوف ابو قير انا مشتاق لميتها ورملتها بقالى زمان ساعة العصر نسمتها بتهمس للخدود بحنان وبين النسمه والنسمه تروح اشجان وترجع للفؤاد بسمه بقالها زمان وانا مشتاق لضى عنيك وكلى وفاء وزاد حبى وقلبى هناك امانه عليك تاخدنى معاك ازور قلبى واشوف ابو قير ==== واحشنى فى الغروب منظر يزيد القلب حنيه اشوف فيه السحاب احمر ونص الشمس فى الميه وتبقى العين بتتملا جمال النور ويبقى النور على الرمله ياقوت مبدور وانا مشتاق لضى عنيك وكلى وفاء وزاد حبى وقلبى هناك امانه عليك تاخدنى معاك ازور قلبى واشوف ابو قير ==== وليلها يا جمال ليلها وفيه البدر بينور يزود فى القلوب ميلها ويهدى كل متحير ونوره يدوب مع الميه يزيدها جمال ويسحر قلبى وعنيه بسحر حلال وانا مشتاق لضى عنيك وكلى وفاء وزاد حبى وقلبى هناك امانه عليك تاخدنى معاك ازور قلبى واشوف ابو قير ==== وبعد ذلك تم الاعتراف بصوته العاطفى الدافئ وتوالت اعمال الفنان محمد ابو سماره للمطرب الدافئ عبد الرزاق ابراهيم وغنى من الحانه حليوه صغيره من نظم السيد دويدار – صوت الاذان ويا معدى بحر الحب لكامل الاسناوى – صباح الورد لعلى حسن حموده - صحصح الامرى ويا بنت يا حلوه لاحمد السمره – على ادكو ومن بحرى للسلسله لاحمد فؤاد قاعود – عيون بلدى للسيد مسعد – علشان تعيش الضحكة لعبد المنعم كاسب – لما احلو الهوى للسيد ابو العيله –لو سالوك لحسن خطاب - وفى عالم التلحين ايضا وقدم له الحان اخرى كثيره من بينهم غريبه يا قلبى دويتو مع اكرام ويوم واحد وشموع المجد لثورة يوليو والاعمال الثلاثه من كلمات كامل الاسناوى – قمر14 والتى غناها كارم محمود فيما بعد وهى من كلمات فتحى ريحان فارس – ومركب الحب من كلمات شقيقه عبد السلام امين وغنى من الحان جلال حرب واول اعماله للمطرب – كفايه لحسين السيد حسين – ندرا عليه من نظم الملحن محمد الحسينى - اول حب كلمات محمد سعيد احمد - بالاضافه الى الصور الغنائيه حلقة الانفوشى و اسكندريه ماريا – ومن الحان محمد غنيم غنى المطرب عبد الرزاق ابراهيم القسمه والمقدر من نظم احمد السمره –والبلح للمؤلف احمد ملوخيه ابن دمنهور – تعالى قولى و تفاحه وبعد العشا لاحمد طه – غزال من بحرى لسعد عبد القادر – ياترى من نظم القانونى احمد مرسى يونس – وسع للبدر اللى معدى لمحسن بكر –فوق خد الجميل تفاحه وغنى من الحان فتحى جنيد ابتسم لى كمان لمحمد سعيد احمد – عزيزه لاحمد ملوخيه ابن دمنهور ومن الحان سيد شعبان البنت احلوت – شريكة حياتى - ومن الحان خميس عبد الرازق غنى الرمش الكحيل –اتقن صنعتك – العيون الزرقا - - واهل الخير ومن الحان ابراهيم عثمان غنى الكون سعيد فرحان ومن الحان احمد سالم اهل الملامه من تاليف جابر احمد على – انت اتغيرت كتير للسيد العادلى ومن موسيقى منير المليجى غنى اللى يلوموا يلوموا لرشدى عبد الرحمن ومن الحان على ابراهيم غنى اقبل دعوتى لمحمد زكى الملاح – الاوله انسان والاوله اكتب لعلى التركى – خطاب الجمال لابراهيم بهى الدين من الحان سيد زكى جرحتنى عيونك وغنى انا خايفه دويتو مع ثريا علام من نظم احمد طه ومن الحان ابراهيم عبد الله غنى ارض الامان لمحمد ابراهيم احمد وكان الموسيقار الفنان محمد الحسينى له النصيب الاكبر لعدد الحانه للمطرب وغنى ايام لمحمد مكيوى – بيلوموا عليه لكامل حسنى – خليك فاكر – سبحانه وهب العباد – سايق عليك الهوى – وغنوة حب – غنوه للسلام – قد ايه - من سوق الخيط للمنشيه وادى الحب – يا قلبى فكر حبه للشاعر مصطفى عبده – غير قلبك لعلى حسن حموده ومن الحان احمد عبد الفضيل انوار نبينا- امرك عجيب يا زمن ومن الحان ابن دمنهور الملحن محسن حمدى غنى بلادى يا حلوه لاحمد مرسى يونس – سحر الكون لاحمد عبد الكريم - ومن الحان ابن المحموديه ومحافظة البحيره الفنان الموسيقار عبد الفتاح بدير غنى عبد الرزاق ابراهيم حكاية عواد من نظم السيد مسعد - سفينة البحر لمحمد مكيوى – وشوف الحياه لعبد المنعم خوجه – عز هواك – وخدنى للدنيا الجديده ومن الحان عبد الروؤف عيسى غنى سيد الملاح – يا سلام على دى البسمه لرشدى عبد الرحمن ومن الحان الموسيقار الكبير شريف الابيض غنى صباح الحب من نظم رشدى محمد السيد – يا غنوتى لمحمد مكيوى وغنى من الحان سعيد عيسى قول يارب للشاعر جابر احمد على وغنى لحن وحيد للملحن محمد شعراوى ابن ابو قير الكفيف ( لا يا حبيبى ) محمد ابو العلا غنى المطرب الكبير عبد الرزاق ابراهيم يا حنينه يا عين لمحمد سعيد احمد وايضا غنى المطرب عبد الرزاق ابراهيم العشرات من الاغنيات ومنهم اعز الحبايب – ايامنا اتبسمت – امل – ابو الجدعان- افرش منديلك – البنت الحلوه- دعوه للحب الجديد – شيال الحمول – عجبانى – علشان انت اسكندرانى – عطشانين وحياة عيونك – بلادى يا حبيبتنا – غريب يا ليل – فوق كف الزمن – فرحة السلام – فستان برتقالى – فاكهه وفكهانى – قابلونى الحلوين –لما انت مش قد الهوى – مشغوله البسمه – ما تعدش الليالى – يا بدر طالل علينا - يارب سبحانك - وغنى فى حفلات اعياد ميلاد الموسيقار محمد عبد الوهاب وكنا نسعد بحضوره وغنائه درر الموسيقار ومنهم انشودة الفن وغنوه للشباب وياللى بتنادى ايفك وغنى من الحان سيد درويش سالمه يا سلامه – وانا المصرى وغيرهم وشارك وغنى فى الصور والبرامج الغنائيه والاوبريتات ومنهم البرنامج الغنائى النيل وغنى مع بدريه السيد وعزت عوض الله من تاليف ابن دمنهور المؤلف على حسن حموده والحان فتحى جنيد – الاوبريت فتنه وشارك الغناء مع زينب عوض الله والمطربه نسمه لعلى حسن حموده والحان محمد ابو سماره – صابر وقدريه برنامج غنائى شارك فيه بالغناء مع بدريه السيد وزينب عوض الله ومن نظم محمد سعيد احمد والحان صبحى شفيق – والصوره الغنائيه حلقة الانفوشى وغنى بجوار جلال حرب ومحمد الصغير ويوسف عوض ورقيه توفيق وعلى عبد المنعم فرج والصوره من نظم محمد البشبيشى – البرنامج الغنائى سلطان زمانه وشارك مع رسميه ابراهيم واكرام ورقيه توفيق وكان البرنامج من نظم ابن دمنهور المؤلف حامد الاطمس والحان محمد الحسينى – الصوره الغنائيه اسكندريه ماريا وشارك الغناء مع ساميه عبد المعطى وسمير حسين وعلاء خليفه والثلاثى الاسمر وصافى ومن تاليف محمد البشبيشى ابن كوم الدكه والحان جلال حرب - البرنامج الغنائى الحارس الله وشارك بالغناء مع محمد الصغير وزينب عوض الله واكرام والمجموعه ومن تاليف كامل حسنى والحان حلمى امين – الصوره الغنائيه الجمرك وغنى بجوار عزت عوض الله ورسميه ابراهيم ومن تاليف ابن غيط العنب حسين السيد حسين والحان منير المليجى – الصوره الغنائيه جمالات وغنى مع اصوات عزت عوض الله ورسميه ابراهيم وهى من تاليف حسين السيد حسين والحان جلال حرب وخلال حياته الفنيه امتهن فن النجاره وورشه كبيره فى احد ازقة شارع محرم بك وكثيرا ما تقابلنا وتحادثنا عن الفن الاصيل واود ان اشير ان تلك الاعمال المذكوره والتى غناها المطرب عبد الرزاق ابراهيم لدى مكتبتى ومجانا لمن يطلبها للتسجيل ! وكان الفنان قد اقترن بام اولاده فى 7 يناير 1950 ولديه من الاولاد سبعه المهندس محمد والدكتور مجدى و المحاسبه سميه و المهندسه الزراعيه وفاء وحمدى فى السنه الثالثه بكلية التربيه و سميرفى الثانويه العامه اطال الله عمره والى علم اخر من اعلام الفنون والحلقه رقم 5 وللتواصل 0106802177 – المؤرخ والباحث فى التراث الفنى وجيــه نــدى wnada1950@yahoo.com

أهم أخبار مصر

Comments

عاجل