المحتوى الرئيسى

 ماجد الكدواني عن الفتنة الطائفية: ما تسيبونا من الكلام العبيط دا وتعالوا نفيد البلد

03/26 16:21

عبر الممثل الكوميدي ماجد الكدواني عن استياؤه من كثرة الكلام عن الحال بين مسلمي مصر ومسيحيها في الفترة الأخيرة. كتب الكدواني على صفحته الشخصية بالموقع الاجتماعي الشهير FaceBook: "أنا مش فاهم!، قاعدين نتكلم في إن المسيحيين بيحبوا المسلمين والمسلمين بيحبوا المسيحيين، والاتنين متعايشين مع بعض!، وإحنا في 2011!، عاملين زي اتنين جيران لسة ساكنين في العمارة جديد!! هو إحنا مش عايشين في مصر مع بعض من زمان ولا إيه؟". وتابع: ما نسيبنا من الكلام العبيط ده بقى، وتعالوا نتكلم في كلام يفيد البلد ويفيدنا، ويفيد الناس اللي مش عارفه تعيش، وننضف كده ونخلي شكلنا حلو قدام العالم، ده حاجه غريبه قوي!!. وأضاف ماجد: هو في الآخره إحنا اللي حانحاسب بعض؟، ولا ربنا اللي حايحاسبنا؟، ما كل واحد يركز في علاقته الخاصه بربنا، بينه وبين نفسه، ما كل واحد يركز في ورقته، ويسيبه من ورقة اللي جنبه. يذكر أن ماجد كتب ذلك تعليقا على ما يحدث في مصر منذ أيام بسبب محاولة البعض لإثارة فتنة بين المسلمين والمسيحيين في مصر.اسمع مكالمة ماجد الكدواني لـON TV أثناء ثورة 25 يناير

أهم أخبار مصر

Comments

عاجل